Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Mernaa siiqon
ne wozinan tana woththa;
tana xalla ne qese bolla
maatame mala shoca;
ays giikko siiqoy
hayqo mala mino;
qanaatey duufo mala
menxe iita;
izi lacoykka tama laco mala
popol7u gees.
Haaththa daroy siiqo tama
toyssanaas dandayenna;
di7oykka meeccidi efenna;
asi baas diza miish ubbaan
siiqo shammanaas koykko
siiqoy miishshan
beettontta gishshas
asay qilcci kaa7ees» gadus.
Laggeti
Taas siiqo michcho gidida
ta mishirayee!
Ne xeelliza xeeloynne
ne qoodhen diza alleqoy
ta wozina ekkides.
«Ne siiqoy woyne ushshafe
aadhdhi ufayssees;
ne mettershan zaara zaaradakka
tana yeera.
Ne tiyettiza shittoy
ay mala sawizee!
Ne sunththay xeygettiza wodekka
ay mala ufayssizee!
Geela7oti nena
hessa gishshas siiqeettes.
«Ta godee! Neni ay mala lo7ay!
Neni ay mala lo7ay!
Ne ayfeti haraphphe mala
lo7eettes» gides.
Geela7oya
«Ta siiqozoo,
nenikka ay mala lo7ay!
Ne keeha lo7aasa;
nu hiiththay cilila maata mala
ufayssees» gadus.
Panththazi
Hessafe guye GODAA Xoossay, «Addezi barkka dizayssi lo7o deenna; tani izas injjetiza maado as medhdhana» gides.
GODAA Xoossay addezappe ekkida meqeththaa maccas medhdhidi izo addezakko ehides. Ehiin addezi, «Hekko! Ha meqeththaya ta meqeththafe, ha ashoyakka ta ashoppe ekettidaaro; izakka attumasappe ekettida gishshas, maccas geetettu» gides. Hessa gishshas asi ba aawaanne ba aayo aggees; ba machcheyra issife dees; istti nam7ay issi asho.
Machcho demmida asi
lo7o miish demmees;
hessaadey GODAAPPE
bonchcho ekkees.
Ne machcheya nees
anjjettida pultto gidu;
yelagateththan neni ekkida
ne machcheyra ufayetta.
Lo7iza gaara malanne
ufayssiza genessa mala,
izi dhanththati ubba wode
nena aletto;
izi siiqoy nena ubbato oykko.
Ta naazoo!
Layma maccassay siiqon
ays maththottay?
Hara asa machchira
ays qoomettay?
Nam7ay issi asho attiin sinththafe nam7u gidettenna. Hessa gishshas Xoossi gaththi waaxidayssa asi shaakkofo» gides.
Siiqoy dandaya, qasseka kiya; siiqoy miqqaynenna; ceeqettenna; otorettenna; bessonttaaz ooththenna; ba go7a xalla xeellenna; qoho qoodan yeggenna. Siiqoy tumanppe attiin makkallan ufayettenna. Siiqoy ubba wode dandayees; ubba wodekka ammanees; ufays ooththeessinne minni eqqees.
Azinatikka hessaththo ba machcheta ba asho mala siiqanaas bessees; ba machcho siiqizaadey bana siiqees. Barkka bana ixxizaadey oonikka deenna; ba ashos meessinne bana naagees; Kirstoosikka Woosa Keeththas hinniththo ooththides.
Gidikkoka inttefe issi issaadey ba machcho bana siiqiza mala siiqo; machchaka ba azinaa bonchchu.
Hessa ubbaa bolla ubbaa kumeththa issifeteththan shiishshi qachchiza siiqo may7ite.
Istta oosoy lo7o ayfe immanaas
dandayza gishshas
issino gidanaappe
nam7u gideththi lo7o.
Qasse nam7aafe
issoy kundiko issoy denththees;
gido attiin kundiko denththiza
laggey bayndaadey
ay mala qadheththizee!
Nam7ay issife ichchiko ho7ees;
gido attiin barkka ichchidaade
waani ho7ana dandayzee?
Asi bizza qohana dandayees;
nam7u gidikko
izara eqettana dandayeettes;
Heedzdzan dooqettida wodoroy
elle duuxxenna.
Godaa Xoossi inttessinne machchetas issi asateththinne issi ayanay daana mala ooththibeennee? Xoossi inttena aazas issino ooththidee? Izas waanna qofay Xoossas geeshsha zereth intte yelana mala gidennee? Hessa gishshas inttefe issay issay ba machcheys caaqqida qaala pacinchchontta ammaneteththan naago.
Dumma Dumma Wogata
Mata wode machcho ekkida asi olas booppo; hara deexo oosokka iza oosisopite. Issi layththi aadhdhana gakkanaas bason gam7idi bananne ba ekkida machchiyo ufaysso.