Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
बाक यहोवा परमेश्वर अंदुन, "आदम उन आबना ईरोद वळ्लीद हैलेच; ना आऊन साटी ऊंद उपयुक्त सहायक माळाईन जो आऊन से मेल तीनुल."
अदिक यहोवा परमेश्वर आ पसली इक जो आदम दा टु तेगदीदुन, आर्त माळदुन; अदिक आकी आदम उन हात्ती तंदुन. आग आदम अंदुन,
"ईग ईक नान येलुगोळ दा टु येलु अदिक नान मास दा टु मास हुळ;
इदुरसाटी ईकीन हेसुर आर्त आदीत,
यतिकी ईक गंळ्स दा टु तेगुकु आग्यार."
ई कारण मंळसा तान मोय-आप्प उक बिटकु तान हिंग्स उन सांगुळ ईत्तान, अदिक आंदुर येढ्ढु मुंदुर ऊंद तन आदार.
इदुरसाटी आंदुर ईग येढ्ढ ईला, लेकीन ऊंद तन आर. इदुरसाटी यारीक परमेश्वर जोळस्यान, अदरी यावारा भी मंळसा अलग माळबाळुल."
प्यार धीरजवन्त आद, अदिक कृपालु आद; प्यार जलन माळाल्द; प्यार तान बळाई माळाल्द, अदिक बायाल्द, अद अनरीति नळाल्द, अद तान भलाई चाहसाल्द, चिळुसाल्द, प्यार दुसरा अन्द बुरा मातगोळ लेखा ईटाल्द. अन्याय देल खुश आगाल्द, लेकीन सच्चाई देल खुश आगतद. आव सप्पा मातगोळ सहन माळतान, सप्पा मातगोळ मा विश्वास माळतान, सप्पा मातगोळ्द आशा ईटतान, सप्पा मातगोळ दा धीरज ईटतान.
ईदा प्रकार उचित आद कि गांड्ड तान तान हिंग्सुर से तान मय इन घाई प्यार ईटली पायजे. जो तान हिंग्स उन से प्यार ईटतान, आव तान तान से प्यार ईटतान. यतिकी याऊ यागलु तान मय देल दुश्मनी ईटीदिल बल्की अदुर्द पालन-पोषण माळतान, जसा मसीह भी मंडली इन सांगुळ माळतान.
पर नीम दा टु हर ऊंद तान हिंग्स उन से तान घाई प्यार ईटुल, अदिक हिंग्स भी तान गांड्ड उन आदर माळुल.
अदिक ई सप्पा मातगोळ अलावा प्यार इक धारण माळी, प्यार अच सप्पा मुंदुरी आपस दा कटकु ईटतद अदिक परिपुर्ण माळतद.
ऊंद से येढ्ढ वळ्लेर आगतार, यतिकी आंदरी आंदुर्द मेहनत इन वळ्लीद फल सिकतद. अगर आंदुर दा टु ऊंद बिळतान रा दुसरा आऊक नेगु सकतान. दुख आऊक जो आबना आन! अगर आव बिदोदान रा आऊक यार नेगदार? अगर येढ्ढु मुंदुर सांगुळ मिंग्यार रा आंदुर गरम ईत्तार. लेकीन आबना मंळसा तान तान इक ह्यांग गरम माळ सकतान? प्रहार माळावाळा आबना मंळसा मा प्रबल आग सकतान, लेकीन येढ्ढ मंळसा आऊन सामना माळ सकतार. जो जाळी मुर धागागोळ देल गुंळ्सकु ईरतद, अद जल्दी हराल्द.