Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Kaliya insiom tuh in tia lungse kutena mwet sayuk;
Nimet kom kafisya sie pacna mwet nu iniwom sayuk.
Lungse uh ku, oana misa;
Ac nunkeyen lungse uh fokoko oana kulyuk uh.
Lungse ac ngutyak oana sie e firir
Ac lalelik oana sie e lulap ma ac liksreni esukak acn uh.
Kof uh tia ku in fwela,
Ac wangin pac sronot ku in konela.
Tusruktu mwet se fin ke molela lungse ke kasrpal,
Nunak in sufan mukefanna pa el ac eis kac uh.
Mutan su nga ako in payuk se, ngetnget se lom an
Ac ah soko kom wulu an,
Arulana usla insiuk!
Nga ke kom in arulana ngokla mutuk;
Lungse lom uh los liki na wain uh.
Oasr foul na keng se keim;
Ke pacl inem ac fwack uh, nga sifil pacna esamak foul keng sac.
Wangin mutan ku in kutongya lungse la nu sum.
Mutan saok sik, kom arulana oasku,
Motom saromrom ke ngetnget in lungse lom!
Mukul kawuk luk, kom kato na pwaye sik,
Nga arulana pwar sum!
Mah folfol uh pa ac fah mwe oan kiuktal.
Na LEUM GOD El fahk, "Tia wo mukul se inge in mukena muta. Nga ac oru sie mwet in welulang in kasrel."
El orala mutan se liki sri in pap soko ah, ac usalu nu yurin mukul sac. Na mukul sac fahk,
"Tufahna pa inge sie su oana nga —
Srel itukla liki srik, ac ikwal liki ikok.
Ac pangpang el ‘mutan,’ mweyen itukla el liki sie mukul."
Pa ingan sripa se oru sie mukul el som liki papa tumal ac nina kial, ac fulyang nu sin mutan kial, ac eltal ma sefannala.
El su konauk sie mutan kial el konauk sie ma arulana wo; ma inge akkalemye kulang lun LEUM GOD nu sel.
Ke ma inge kom in engan sin mutan kiom, aok mutan fusr se na ma kom tuh payukyak se ah, su tuh kato ac wo lumah oana soko deer mutan. Lela oaskuiyal in mwe akenganye kom. Lela elan kafiskomi ke lungse lal. Wen nutik, efu ku kom in sang lungse lom nu sin siena mutan? Efu kom kaukya iniwen mutan kien siena mukul?
Ouinge eltal fah tia sifil ma luo, a eltal ac ma sefannala. Ke ma inge, ma God El falsani lela mwet uh in tia eisalik."
Lungse el mongfisrasr ac kulang; lungse el tia sok, lungse el tia sifacna konkin, el tia inse fulat; lungse el tia oru ma sufal, el tia nunku kacl sifacna, el tia sa in mulat, el tia oakla ma koluk orek nu sel. Lungse el tia engan ke ma koluk, a el engan ke ma pwaye. Lungse el tiana fuhleak; el lulalfongi ac finsrak ac muteng in pacl nukewa.
Ouinge mukul tuma elos enenu in lungse mutan kialos oana ke elos lungse manolos sifacna. Mukul se fin lungse mutan kial, el lungse el sifacna. (Wangin mwet srunga manol sifacna, a el kitaung ac arulana karinganang, oana ke Christ el oru nu ke church.
Ma inge ma nu suwos pac: kais sie mukul tuma elan lungse mutan kial oana el sifacna, ac kais sie mutan kia elan akfulatye mukul tumal.
Ac kowos in sang lungse in kapreni ma inge nukewa in ma sefanna lac, mweyen lungse pa yohk sripa oemeet.
Mwet luo wo liki mwet se na, mweyen ke eltal tukeni uh eltal akasrui ke orekma laltal. Sie seltal fin ikori, mwet se ngia ac ku in kasrel tulokunulak. A fin mwet se na ac el ikori, ac koluk nu sel mweyen wangin mwet in kasrel. Ke pacl mihsrisr, mwet luo fin tukeni oan eltal ac fusrfusr na, a kom ac fusrfusr fuka kom fin mukena? Mwet se ku in lain mwet se na ac kutangla, tuh el tia ku in kutangla kuiyen mwet luo. Soko sucl ma pipla ke koa tolkwe ac upa in wotla.
Ya God El tia orala tuh komtal in mano sefanna ac ngun sefanna? Mea sripa lal ke El oru ouinge uh? El oru tuh in oasr tulik nutumtal su ac mwet na pwaye lun God. Ke ma inge, arulana karinganang tuh wangin sie suwos in kunausla wulela lal nu sin mutan kial.
"Ke sie mukul el payuk sasu, ac fah tia supweyukla el nu ke mweun, ku kuneyuk el nu ke kutena kain in kunokon lun acn uh. El sukosokla liki kutena kunokon ke yac fon se, tuh elan ku in mutana in lohm sel ac insewowo yurin mutan kial.