Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Hai dia do manawa gi daha mo digau ala i golo,
haga mahuge ina hua mai gi di au.
Goe hudee kumi dangada gee gi lodo oo lima i daha mo au.
Di aloho le e maaloo dangihi gadoo be di made.
Di haingadaa o di aloho le e maaloo dangihi gadoo be di made.
Ma e mee hua di daba e ulaula gaa wele gadoo be di ahi ga meheuheu.
Nia wai e deemee di diinai di maa.
Di labagee hogi e deemee di hagaholi di maa gii made.
Gei di maa tangada gaa hai bolo ia e hui di aloho gi ono maluagina,
go dono haga balumee go nia daangada la hua deelaa gaa kae koia.
Dogu aloho mo dagu ahina hai lodo,
o golomada mo do hau uwa dela e hau iei goe
gu haga ngalungalua dogu manawa.
O malaungudu e hongihongi au hagatau,
do aloho le e mada kala i nia waini.
Goe e haga langahia mai gi di au do hauiha kala,
e haga langahia go do ingoo.
Di ahina e mee di tuu dono aloho i di goe ai.
Dogu aloho, goe e madanga huoloo,
o golomada e maahina mo do aloho.
Dogu aloho hagalabagau,
goe e madanga huoloo, gei gu hai au gi tenetene huoloo!
Tau moenge la go nia geinga tolo aanei.
Yihowah God ga helekai, "Ma hagalee humalia gi taane ma gaa noho modogoia. Au gaa hai dagu dangada e hoo a mee, e hagamaamaa a mee."
Gei Mee gaa hai dana ahina gi di iwi wogowogo, ga laha mai a Mee gi taane. Gei taane ga helekai,
"Deenei la go dogu hagadilinga.
Di iwi ne daa i ogu iwi,
ge nia goneiga ne daa i ogu goneiga.
Di ingoo o maa go ‘di ahina’,
idimaa mee ne daa mai i taane."
Deelaa di mee a taane gaa tanga gi daha mo dono damana mo dono dinana, ga buni anga hua gi dono lodo, meemaa dogolua gu hai hua di mee e dahi.
Halahala ina doo lodo, gei goe ga gidee di mee dela e humalia. Di mee e hagamodongoohia bolo Dimaadua le e humalia adu gi di goe.
Tenetene gi doo lodo donu, halahala ina oo tene i baahi di ahina ne hai lodo ginai goe, dela e madamada gadoo be di ee. Ono hangahaihai humalia gi hagatenetene ina goe. Dono aloho gi daabui ina goe. Dagu dama daane, goe e aha dela e aloho i tuai ahina? Goe e aha dela e hiihai gi nia hangahaihai humalia mai baahi di lodo o tuai dangada?
"Meemaa gu hagalee hai nia huaidina e lua, guu hai hua tuaidina e dahi, malaa, tangada e wwae di mee dela gu haga puni go God gi di gowaa e dahi ai."
Di aloho le e manawa hila gi lala, humalia, hagalee dubua, hagalee hagamuamua, ge hagalee hagapuu. Di aloho la hagalee hagagouwa, ge hagalee manawa hagagailaa, be limalima di hagawelewele, be daahi nia mee huaidu. Di aloho la hagalee tene gi nia mee huaidu, gei e tene hua gi nia mee ala e donu. Di aloho le e benebene humalia i nia madagoaa huogodoo, e hagadonu i nia madagoaa huogodoo, e hagadagadagagee i nia madagoaa huogodoo, e hagakono i nia madagoaa huogodoo.
Nia daane gi aloho i nadau lodo be nadau aloho i nadau huaidina. Taane dela e aloho i dono lodo, le e aloho i dono huaidina. (Gidaadou hagalee de hiihai gi tadau huaidina. Gei gidaadou e haangai di maa ge e benebene, gadoo be di hai a Christ dela e hai gi di nohongo dabu,
Gei di maa e dau adu labelaa gi goodou: nia daane huogodoo gi aloho i godou lodo, be godou aloho i godou huaidina, gei nia ahina gi hagalabagau ina nadau lodo.
Goodou gi haga punia nia mee aanei gi di aloho, dela e daabui nia mee huogodoo gi di gowaa e dahi gii dahi hua.
Nia daangada dogolua e koia e humalia i tangada hua e dahi, idimaa meemaa e ngalua ngaadahi e lawa nau mee. Ma tei meemaa gaa hinga, tangada i golo e mee di dahi aga a mee gi nua. Ma ga hai hua tangada e dahi gaa hinga, e huaidu, idimaa ma deai tangada i golo e mee di hagamaamaa a mee ai. Nia daangada dogolua e mee di kii i di gowaa e dahi gi mahanahana ginaua i di madagoaa magalillili. Malaa dehee dau hai e haga mahanahana goe maa goe gaa kii modogoe?! Nia daangada dogolua e mee di heebagi gi di heebagi dela e hagamagedaa tangada hua e dahi. Di loahi e daga gi nia uga e dolu e mooho ngadaa.
God guu hai bolo goolua guu hai hua tuaidina mo di hagataalunga hua e dahi. Dehee di hai a Maa ne hai di mee deenei? Idimaa, goodou gi hagadili godou dama ala go nia daangada donu a God. Gei goodou gii pula i goodou, gi dee oho di godou hagababa ang gi godou lodo.
"Maa taane dogo hai hua dono lodo, malaa, hudee hagau ina a mee gi tauwa, be e hai nnegau o tenua. Mee dela hua e noho i dono hale i di ngadau e dahi e haga tenetene dono lodo.