Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Abaho Mndewa Imulungu kalonga, "Havinogile bule mbigalo kukala yaiyeka. Avo nomtendela miyage wa kumfaya kumtaza."
Na lubavu luyagomole kwa mbigalo kalutenda mtwanzi, kamgala kwa mbigalo ayo. Abaho mbigalo ayo kalonga,
"Ona, dino zege dilawile mmizege yangu,
na nyama ilawile mwiinyama yangu.
Ino kokemigwa, ‘Mtwanzi,’
kwavija kalawa kwa mbigalo."
Lekaavo mbigalo komuleka tatake na mamake, na koilumba na mwehe wake, nao wabili awo okuwa kinhu kimoja.
Munhu yozahila mwehe kozahila kinhu kinogile,
na kopata ganogile kulawa kwa Mndewa Imulungu.
Nzasa yako inogeligwe,
umdeng’helele mwehe wako wa ubwanga wako.
Kanoga na kotembela goya kamba mhala,
matombo gake gakunogeze siku zose,
na gweye unogezwe na unogelo wake.
Mwanangu habali kosoligwa na mtwanzi mgoni?
Habali kofagatila matombo ga mtwanzi wa munhu iyagwe?
Avo haweli wabili kabili lakini kinhu kimoja. Avo kiyalumbilize Imulungu, munhu sikuyakigole.’ "
Yeli na unogelwa kobetela kwa kufunga umoyo, muhole, kabule migongo hebu kuitapa hebu kuigoda. Yeli na unogelwa kotegeleza, haigesa mwenyego bule, hebu kugevuzika himahima, kabule mfundo. Yeli na unogelwa hadeng’helela gehile, lakini kodeng’helela ukweli. Yeli na unogelwa habwela kuchugu, kotamaniligwa na kotamanila gose na kogangamala.
Avo, wakasano olondigwa wawanogele wehe zao kamba viwozinogela ng’huli zao wenyego. Munhu yomnogela mwehe wake koinogela mwenyego. Kuduhu munhu yoyose yolwihila lukuli lwake, lakini kolugwaa ndiya na kululolesa. Nayo Kilisito vivija vivo viyowalolesa goya wanhu wamtogole,
Lakini vivija zowalonga mweye, kila mbigalo kolondigwa yamnogele mwehe wake, kamba viyoinogela mwenyego, nayo mtwanzi kolondigwa yamtegeleze mkasano wake.
Mna igano gose mwengeze unogelwa, kwavija unogelwa ovitenda vinhu vose vino kuilumba goya hamoja.
Malagizo gayagwe
"Mbigalo yahasola mwehe sambi sambi sikuyachole kuna ing’hondo na sikuyagweleligwe sang’hano yoyose, yalekigwe yabwihile mwaka mgima, ili yakale ukae kumwake na yadeng’helele na mwehe wake.