Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Pǝlǝa Mǝtalabangŋo Ɓakuli na ama, <<Ɓoaro ɓǝ̀ ɓwabura mǝnia ka ɓǝ̀ do nǝmurǝì ɗàng. Mǝ nǝ pakki wi mǝ’bwali wi, mǝnana karǝ arǝì ka.>>
Pǝlǝa Mǝtalabangŋo Ɓakuli pak ɓwama nǝ mǝnia yì mu pusǝì a nkanggari ɓwabura ka, sǝ yinǝi aban ɓwaburè.
Ɓwabura man na ama,
<<Mǝnia adyan ngga mǔ na
à pusǝì aɓalǝ amuem;
sǝ nyama na mala nyamam!
À nǝ̀ tunǝi ama, <ɓwama>
acemǝnana à pusǝì arǝ ɓwabura.>>
Nda gìr mana tsǝa sǝ ɓwabura nǝ̀ ɗeki tárrí andǝ ngge, sǝ nǝ̀ lanzǝa arǝ māmí, sǝ yia kǝm ngga à dumǝna nyama mwashat.
Lǝmdǝ ama yia ka à pa ɓari ɗǝm ɗàng, à nda mwashat. Ace mani ka aɓwana mana Ɓakuli kpapinia ka kǝɓwa ɓǝ̀ kǝa gauwia ɗang.>>
Earcearǝu ka ndanǝ
munyi,
andǝ pe mǝɓoarne.
Earcearǝu ka kǝ pak
mɓali ɗang, kǝ nggori,
ko gusǝlǝ-múrû ɗang.
Earcearǝu kǝ pa
arkikun ɗang,
pànǝ earce-ɓamuru ɗang,
sǝ kǝ kaurǝa arǝ pak
bumlulla ɗang.
Earcearǝu kǝ bwal ɓwa
a bum ɗang.
Ban kǝ ɓoari wi arǝ
ɓealɓikea ɗang,
ban kǝ ɓoari wi arǝ mǝsǝcau.
Earcearǝu kǝ bwaki buì
arǝ ɓwa ɗàng.
Earnǝɓwa male,
andǝ tsǝkɓalǝu male,
andǝ gandǝrǝu male
aɓalǝ agir kat ka
kǝ kpa ɗang.
Kǝla mǝno ka, dumǝna ama ɓǝ̀ aburana ɓǝà earce amālea, kǝla mǝnana à kǝ earce nggūrǝia ka. Nggearǝ ɓwabura mǝnana earce māmí ka, nda aban lǝmdǝì ɓamúrì earcearǝu. Ɓwa pà nǝ̀ ɓinǝce nggūrǝì ɗàng, she nǝ̀ ɗenyinǝi, nǝ̀ linǝi, kǝla mǝnana Kǝrǝsti kǝ ɗenyinǝ ikǝlisiya, yia amǝkpate ka.
Kat andǝ amani ka, koya ɓwabura ka, dumǝni wi púp ɓǝ̀ earce māmí kǝla mǝnana kǝ earce ɓamúrì ka, sǝ ɓwama gbal ka, dumǝni wi púp ɓǝ̀ pe burí gulo.
Sǝ mǝnana kàrmuria kat ka nda, wu lùmsǝ nǝ earcearǝu, acemǝnana earcearǝu na kùr komana kat ka arǝarǝia aɓa lùmsǝo mala dotarǝu mǝɓoarne.
Ɓwabura mana loa al-ɓwama ka
Ɓwabura mǝnana loa al-ɓwama ka, à pà nǝ̀ tasǝì ɓǝ̀ kya lwa, ko à nǝ̀ pè wi ɓekǝ túró ɗang. Ɓǝà nyì atarǝì ɓǝ̀ do a ɓala pǝlǝa mwashat ace mǝnana māmí mana ali ka ɓǝ̀ kum banɓoarnado andǝi.