Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Ngibeka ngibe njengesidindo enhliziyweni yakho,
njengesidindo engalweni yakho;
ngoba uthando lulamandla njengokufa,
ubukhwele balo kabuyekethisi njengengcwaba.
Luyatshisa njengomlilo obhebha kakhulu,
njengelangabi elivuthayo.
Impophoma zamanzi ngeke zilucime uthando;
imifula ngeke ilukhukhule.
Nxa umuntu enganika
yonke inotho yomuzi wakhe
ngenxa yothando kungaba yinhlekisa.
Abangane
Uyithumbile inhliziyo yami, dadewethu, mlobokazi wami;
uyithumbile inhliziyo yami
ngokungithi jeqe ngamehlo akho,
langengqongqo elilodwa lobuhlalu bakho.
Kangange ngezangiwo zomlomo wakhe
ngoba uthando lwakho lumnandi kulewayini.
Limnandi iphunga lamagcobo akho;
ibizo lakho linjengamakha atheliweyo.
Yikho izintombi zikuthanda kangaka!
Bakithi, umuhle njani sithandwa sami!
Ngeqiniso umuhle!
Amehlo akho angamajuba.
Umlobokazi
Umuhle ngempela, sithandwa sami!
Bakithi, uyabukeka!
Umbheda wethu butshani obuluhlaza tshoko.
Umyeni
UThixo uNkulunkulu wathi, "Kakukuhle ukuba indoda ibe yodwa. Ngizayenzela umsizi oyifaneleyo."
Emva kwalokho uThixo uNkulunkulu wasesenza umfazi ngobhambo ayeluthethe endodeni, wasemletha endodeni.
Indoda yathi,
"Lo manje uselithambo lamathambo ami
lenyama yenyama yami;
usezabizwa ngokuthi ‘mfazi,’
ngoba wakhitshwa endodeni."
Ngalesisizatho indoda izatshiya uyise lonina imanyane lomkayo, babe nyamanye.
Lowo ozuza umfazi ufumana okuhle,
athole umusa kuThixo.
Sengathi ungabusiswa umthombo wakho
njalo sengathi ungathokoza ngomfazi wobutsha bakho.
Oyimpalakazi ethandekayo, imbabala ebutshelezi
amabele akhe sengathi angakusuthisa lanini, nini lanini
ukhangwe luthando lwakhe.
Kungani ndodana yami,
uthunjwa yisifebekazi?
Kungani ugona iqolo lomfazi wenye indoda?
Ngakho kabasebabili, kodwa sebenyamanye. Ngakho, lokho uNkulunkulu asekuhlanganisile akungehlukaniswa muntu."
Uthando luyabekezela, uthando lulomusa. Kalulamona, kaluzincomi, kaluzigqaji. Kalusisosiqholo, kaluzifuneli okwalo, kaluphangisi ukuthukuthela, kalubambeli zikhwili. Uthando kaluthokozeli okubi, kodwa luthokozela iqiniso. Luhlezi luvikela, luhlezi lukholwa, luhlezi lusethemba, luhlezi lubekezela.
Ngokunjalo, amadoda kumele athande omkawo njengemizimba yawo. Lowo othanda umkakhe uyazithanda yena ngokwakhe. Belo, kakho owake wazonda umzimba wakhe kodwa uwunika ukudla awulondoloze njengokwenziwa nguKhristu ebandleni,
Kodwa omunye lomunye wenu laye kathande umkakhe njengoba ezithanda, lomfazi kumele ahloniphe indoda yakhe.
Phezu kwakho konke lokhu yembathani uthando olukubophela ndawonye konke lokhu, kube yikumanyana okupheleleyo.
Ababili bangcono kuloyedwa,
ngoba balomvuzo obonakalayo ngomsebenzi wabo.
Omunye angawa,
umngane wakhe uyamncedisa amvuse.
Kodwa maye lowomuntu owayo
kungelamuntu ongamsiza amvuse!
Njalo nxa ababili belala ndawonye bazakhudumezana.
Kanti umuntu angakhudumala kanjani eyedwa na?
Loba umuntu engehlulwa nxa eyedwa,
ababili bangazivikela.
Intambo elemicu emithathu kayiqamuki lula.
UThixo kabenzanga baba munye na? Enyameni lemphefumulweni bangabakhe. Kungani bemunye? Ngoba wayedinga inzalo ekholwayo kuNkulunkulu. Ngakho ziqaphele emphefumulweni wakho, ungaze wamkhohlisa umfazi wobutsha bakho.
Nxa indoda isanda kuthatha, akufanelanga ukuba ithunyelwe empini loba ukuthi iphiwe umsebenzi oqakathekileyo."