Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Para e chunyi kinde duto,
kendo wiyi kik wil koda;
nikech hera nigi teko mana ka tho, kendo nyiego ma
hera nigo tut mana ka bur tho.
Herano liel ka mach mabebni,
kendo mana ka ligek mach maduongʼ.
Pige mathoth ok nyal nego hera;
kendo kata aore maringo ok nyal ywere.
Ka dipo ni ngʼato dichiw mwandu duto mag ode
mondo oyud hera, to mano dibed fuwo maduongʼ.
Osiepe
Yaye jaherana,
ka aneno kaka ingʼiya,
kod tigo malich miliero
e ngʼuti, to chunya rumo.
Bi mondo inyodha gi dhogi,
nikech herani kelo mor moloyo divai.
Modhi miwirorigo dungʼ mamit;
kendo nyingi chalo gi mo mangʼwe ngʼar ma pukore oko.
Kare mano emomiyo nyiri duto oheri!
Mano kaka ijaber, jaherana!
Yaye, mano kaka ijaber!
Wengeni neno mamuol ka akuru.
Nyako
Mano kaka iber, jaherana!
Yaye, mano kaka berni olomba!
Kendo kitandawa bende yom ka lum mangʼich.
Wuowi
Jehova Nyasaye nowacho niya, "Ok ber mondo Adam obed kende, abiro losone jakony mowinjore kode."
Eka Jehova Nyasaye noloso dhako koa kuom ngʼet mane ogolo kuom Adam kendo nokele ni Adam.
Adam nowacho niya,
"Ma koro en chogo mar choka
kendo ringʼo mar ringra;
ibiro luonge ni ‘dhako,’
nikech nogole koa kuom dichwo."
Kuom mano, dichwo nowe wuon kod min kendo nopadre gi chiege; mi gidok ringruok achiel.
Ngʼatno moyudo dhako onwangʼo gima ber
kendo oyudo ngʼwono moa kuom Jehova Nyasaye.
Sokoni mondo ogwedhi,
kendo ibed mamor gi chiegi mane ikendo ka in wuowi.
Ojaber ka mwanda, kendo olongʼo ka nyakech,
thundene mad romi kinde duto, mad herane omaki moloyo.
Wuoda, ere gima omiyo jachode dikaw paroni?
Ere gima omiyo chie ngʼato nono dilombi?
Omiyo koro ok gin ji ariyo, to gin ringruok achiel. Kuom mano, gima Nyasaye oseriwo kaachiel kik dhano moro amora pogi."
Hera timo kinda, kendo ongʼwon, oonge nyiego, ok osungre, bende ok opakre. Wiye ok tek, ok odwar mare kende, iye ok wangʼ piyo kendo ok omak sadha. Hera ok mor gi gik maricho, to omor gi adiera. Hera umo weche duto, osiko oyie ayieya, osiko ogeno agena, kendo osiko odhil adhila.
Kamano bende, chwo onego oher mondgi mana kaka gihero dendgi giwegi. Ngʼat mohero chiege oherore owuon. To bende onge ngʼama ochayo dende owuon. Ngʼato ka ngʼato pidho dende kendo rite maber, mana kaka Kristo bende timo ne Kanisa,
Omiyo ngʼato ka ngʼato kuomu nyaka her chiege mana kaka oherore owuon kendo dhako nyaka luor chwore.
To moloyo ni mago duto, rwakreuru gihera, mariwo wechegi duto mi giwinjre kaka gimoro achiel.
Ji ariyo ber moloyo ngʼato achiel
nikech giyudo ohala kuom tich ma gitiyo.
Ka ngʼato achiel opodho,
to osiepne nyalo konye mondo ochungʼ malo.
To atimo mos ne ngʼatno ma opodho piny
to oonge gi ngʼat makonye mondo ochungʼ malo!
Bende, ka ji ariyo onindo kanyakla, to gibiro yudo liet.
To ere kaka ngʼato nyalo yudo liet ka en kende?
Kata ka dipo ni ngʼato achiel inyalo loyo,
to ji ariyo nyalo gengʼo jasigu.
Tol mokad nyadidek ok chodo yot.
Donge Jehova Nyasaye oseketogi gibedo gimoro achiel? E ringruok kendo e chuny gin mage. To angʼo momiyo achiel? Nikech ne odwaro kodhi moluoro Nyasaye. Omiyo ritreuru e chunyu kendo kik ngʼato keth singruokne gi chiege mane oangorego.
Ka ngʼato okendo machiegni, kik tere e lweny kata kete e tich moro. Kuom higa achiel miuru ngʼatno thuolo momiyogi chiege mokendono mor.