Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
अळतेण यहोवा भगवान केदो, "माणेह नु एखलु रेवा वारु नी हय; मे हीनी जुगु एक एवो मदत करन्यो बणावही जे हीनी सी मेळ खाय।"
अने यहोवा भगवान तीहयी पाहळी ने जीने आदम मे गेथी नीकाळ्ळी हती, बयर बणाय देदो; अने तीने आदम ने तां ली आयो। तत्यार आदम केदो, "हाव आहयी मारा हाकटा मे नी हाटकी अने मारा माह नु माह से; एतरे आहयी बयर केवायहे; काहाके आहयी माणेह मे गेथी नीकाळ्ळी से।" एतरे माणेह आह़फा आह्य-बाह ने छोड़ीन आह़फा नी लाडी ह़ाते रेहे, अने तीहया एकीत डील बणीन रेहे।
एतरे हमणे गेथा तीहया बे नी, पण एक डील से: एतरे जीमने भगवान जोड़लो से, तीमने माणहु अलग नी करवा जोवे।"
मोंग गम खाण्यो से, मोंग दया वाळो से, अने मोंग कुहराय नी करे, मोंग आह़फा नी बड़ाय नी करे, अने मोटाय नी करे। मोंग ह़ोबे नी एवु नी करे, मोंग आह़फा नु भुल हयवा जोवे ईसम हेर नी करे, मोंग नराज नी हये, मोंग बीजा नी कुहराय नो हीसाब नी राखे। मोंग पाप करे, ता खुस नी हये। पण सच्चाय सी खुस हये। मोंग आखी वात ने वेठ लेय, मोंग भरहो करे एवी आखी वात पोर भरहो करे, मोंग आखी वात नी आह करे, मोंग आखी वात मे गम खाय।
के लाडा ने खुद नी लाडी सी तीसमेत मोंग करवु जोवे। जीसम तीहयो आह़फा ना डील ने करे। एक अदमी जे खुद नी लाडी ने मोंग करे तीहयो आह़फा सी मोंग करे। काहाके काना बी आह़फा ना डील ह़ाते रीह नी राखे पण तीने पाळे-पोहे, जीसम मसी बी मंडळी ह़ाते करे।
पण तमारी मे गेथो एक-एक जणो तमारी लाडी सी आह़फा नी तेम मोंग करवु जोवे, अने हरेक लाडी ने बी आह़फा ना लाडा नी ईज्जत करवु जोवे।
अने आहयी वात ने सोड़ीन मोंग ने मानो, मोंग आखा ने एक-बीजा सी बांदे अने पुरुन-पुरु करे?
एक सी बे वारु से, काहाके तीमनी मेहनत नो वारु फोळ जड़े। काहाके कदीम तीमनी मे गेथो एक पड़े, ता बीजो तीने उठाड़हे; पण दुख तीनी लेदे से जे एखलो से, तीहयो पड़े ता तीने कोय उठाड़हे? अळी कदी बे जणा भेळा ह़ुवे ता तीहया उन्ला रेहे, पण कोय एखलो उनो कीसम हय सके? कदी कोय एखला ने देय ता तीहयो तीने बदाड़ लेय, पण बे जणा तीने नी माने। जे दोरी तीन ह़ेर वेर बंदायली रेय तीहयी सोटी नी टुटे।