18 फिर प्रभु परमेस्वर कही, "आदमी को अकेलो रहनो अच्छो नाय है। मैं बाके ताहीं एक ऐसो सहायक बनांगो जो बाके ताहीं सई होबै।"

22 प्रभु परमेस्वर बौ पुसरिया से जो बौ आदमी से निकारी रहै, बासे एक बईय्यर बनाई; और बौ बाके झोने लै आई।* 23 फिर बौ आदमी कहथै,

"आखिरकार, जौ मेरिये तराहनी है -

जौ मेरी हड्डी मैं की हड्डी है, और मेरे माँस मैं को माँस है,

और जहे बजे से जाको नाओं ‘बईय्यर’ होगो, काहैकि जाकै लोग मैं से निकारो गौ है।"

24 जहे बजह से आदमी अपने अईय्या-दऊवा कै छोड़कै अपनी बईय्यर से मिलो रहेगो, और बे एक तन मैं बने रहेंगे।

6 तभई बे अब दुई नाय, पर एक तन हैं जोकै परमेस्वर जोड़ी है, बाकै इंसान अलग ना करै।"

4 प्यार धीरज और दयालु है, प्यार डाह ना करथै; प्यार अपने बारे मैं बड़ाँईं नाय करथै, और गरब ना है; 5 प्यार असभ्य या स्वार्थी या चिड़चिड़ो ना है; प्यार गलतियन को हिसाब ना रखथै; 6 बौ अधर्म से खुस नाय होथै बल्कि जब सच्चाई की जीत होथै तौ खुस होथै। 7 प्यार कहु हार ना मानथै; और जाको बिस्वास, उमीद, और धीरज कहु असफल ना होथै।

28 अपनी बईय्यर से ऐसो प्रेम करनो चाहिए जैसो अपने सरीर से करथौ। एक आदमी जो अपनी बईय्यर से प्रेम करथै बौ अपने आप से प्रेम करथै। 29 हममैं से कोईये अपने सरीर कै कहुओ घिनौनाे नाय मानथै। जाके अलावा हम बाकै खबाथैं, और बाकी देखाभारी करथैं; जैसो मसीह कलीसिया की करथै।

33 लेकिन जौ तुमरे ऊपर लागू है: सब लोगन कै अपनी बईय्यर से प्रेम करनो चाहिए, और सब बईंय्यरन कै अपने लोगा को आदर करनो चाहिए।

14 जे सब गुड़न के ऊपर प्रेम कै जो सिद्धता की कमरबंद है भाँद लेबौ।