Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
ଏନ୍ତେ ପ୍ରାଭୁ ପାର୍ମେଶ୍ୱାର୍ କାଜିକେଦାଏ, "ମାନୱା ଏସ୍କାର୍ଗି ତାଇନଃତେୟାଃ ବୁଗିନାଃ ନାହାଁଲାଃ, ଆଇଙ୍ଗ୍ ଇନିୟାଃ ଲାଗାତିଙ୍ଗ୍ ଲେକା ମିଆଦ୍ ଦେଙ୍ଗାନିଃକେ ବାଇୟାଇଙ୍ଗ୍।"
ଏନ୍ତେ ପ୍ରାଭୁ ପାର୍ମେଶ୍ୱାର୍ ଇନିୟାଃ ସାଡ଼େଜାଙ୍ଗ୍ ଏତେ ମିଆଦ୍ କୁଡ଼ି ବାଇକିୟାଏ, ଓଡ଼ୋଃ ଇନିଃକେ ଏନ୍ ମାନୱାରାଃ ହେପାଦ୍ତେ ଆଉକିୟା। ଏନ୍ତେ, ଏନ୍ ମାନୱା କାଜିକେଦାଏ,
"ଇନିଃ ଆଇଁୟାଃ ଲେକାଗି ମେନାଇୟା,
ଇନିୟାଃ ଜାଙ୍ଗ୍ ଆଇଁୟାଃ ଜାଙ୍ଗ୍ ଏତେଗି ବାଇୟାକାନା ଓଡ଼ୋଃ ଇନିୟାଃ ମାସ୍ ଆଇଁୟାଃ ମାସ୍ ଏତେଗି ବାଇୟାକାନା।
ଇନିୟାଃ ନୁତୁମ୍ କୁଡ଼ି, ଚିୟାଃଚି ଇନିଃଦ କଡ଼ା ଏତେଗି ହିଜୁଆକାନା।"
ନେଆଁ ନାଗେନ୍ତେ କଡ଼ା ଆୟାଃ ଏଙ୍ଗା ଓଡ଼ୋଃ ଆପୁକେ ବାଗିକେଦ୍ତେ ଆପ୍ନାଃ କୁଡ଼ିଲଃ ମେସାନାଏ ଓଡ଼ୋଃ ଏନ୍ ବାରାନ୍କିନ୍ ମିଆଦ୍ ହଡ଼୍ମ ହବାଅଃଆକିନ୍।
ଅକନ୍ ହଡ଼ କୁଡ଼ି ନାମାଃଏ, ଇନିଃ ବୁଗିନ୍ ଜିନିଷ୍ ନାମାଃଏ, ଓଡ଼ୋଃ ପ୍ରାଭୁତାଃଏତେ ଇନିଃ ଲିନିବୁଇ ନାମାଃଏ।
ଆମାଃ ସେତେଙ୍ଗ୍ ଧାଇନ୍ ହବାଅଃକା ଓଡ଼ୋଃ ଆମ୍ ସେପେଡ଼େଦ୍ ଦିପିଲିରେ ଆମାଃ କୁଡ଼ିଲଃ ରାସ୍କାଅଃମେ। ଇନିଃ ନେପେଲ୍ରେ ଦୁଲାଡ଼୍ ମିରିକ୍ ଲେକା ଓଡ଼ୋଃ ବୁରୁରେ ତାଇନ୍ତାନ୍ ସୁଗାଡ଼ାନ୍ ବିର୍ ମେରମ୍ହନ୍ ଲେକା ତାନିଃ। ଆୟାଃ ତଆ ସବେର୍ ଇମ୍ତାଙ୍ଗ୍ ସୁକୁ ଏମାମେକାଏ ଓଡ଼ୋଃ ଆୟାଃ ଦୁଲାଡ଼୍ରେ ଜାନାଅଗି ତାଇନ୍ମେ। ହେ ଆଇଁୟାଃ ହନ୍, ଆମ୍ ଆପାଙ୍ଗିର୍ କୁଡ଼ିଲଃ ଚିକାନାଙ୍ଗ୍ ରାସ୍କାଅ ତାନାମେ ଓଡ଼ୋଃ ଏଟାଃ ନିଆଃ କୁଡ଼ିକେ ଚିକାନାଙ୍ଗ୍ ହାମ୍ବୁଦିୟାମ୍।
ଏନାମେନ୍ତେ ଇନ୍କିନ୍ ବାରିଆ ହଡ଼୍ମ ନାହାଁଲାଃକିନ୍, ମେନ୍ଦ ମିଆଁଦ୍ ହଡ଼୍ମତାନ୍କିନ୍, ଏନା ନାଗେନ୍ତେ ପାର୍ମେଶ୍ୱାର୍ ମିଦ୍ରେ ତଲାକାଦ୍ତେୟାଃ ହଡ଼ ଆଲକାଏ ବିନ୍ଗାଏକା ।"
ଦୁଲାଡ଼୍ ହବାଅଃତାନା, ଧିରାଜ୍ ଆଡଃ ଲିବୁୟାନ୍ ଜୀୱାନ୍ । ଦୁଲାଡ଼୍, କାଏ ହିସ୍ଙ୍ଗାଃ, କାଏ ହାଁକାରାଃ, ଆଡଃ ଆପାନ୍କେ ମାରାଙ୍ଗ୍ୟେଁନ୍ କାଏ ସାନାଙ୍ଗ୍ଆଁଃ; ଦୁଲାଡ଼୍, କା ଲାଗାତିଙ୍ଗ୍ ଲେକା କାଏ ବେଭାରାଃ, ଆୟାଃ ନାଗେନ୍ତେ ଏସ୍କାର୍ କାଏ ରିକାଃ, କାଏ ଖିସ୍ଅଃଆ, ଏତ୍କାନ୍ତେୟାଃ କାଏ ପାହାମାଃ; ଦୁଲାଡ଼୍, ଏତ୍କାନ୍ତେୟାଃରେ କାଏ ସୁକୁଃଆ, ମେନ୍ଦ ସାନାର୍ତିରେ ସୁକୁଃଆ । ଦୁଲାଡ଼୍, ସବେନାଃଏ ସାହାତିଙ୍ଗ୍ୟେଁଆ, ସବେନାଃଏ ବିଶ୍ୱାସେଆ, ସବେନାଃଏ ଆସ୍ରାଏୟା, ଆଡଃ ସବେନ୍ ବିଷାଏରେ ଧିରାଜ୍ ସାବ୍କେଦ୍ତେ ତାଇନାଃ ।
କଡ଼ାକ ଆପାନ୍ ହଡ଼୍ମ ଲେକାଗି ଆଟ୍କାର୍କେଦ୍ତେ ଆପ୍ନାଃ କୁଡ଼ିକେ ଦୁଲାଡ଼୍ ଲାଗାତିଙ୍ଗ୍ୟାଁଃ । ଜେତାଏ ଆପ୍ନାଃ କୁଡ଼ିକେ ଦୁଲାଡ଼ିନିଃ, ଆପାନ୍କେଗି ଦୁଲାଡ଼ାଃଏ । ଜେତାଏ ଆପ୍ନାଃ ହଡ଼୍ମକେ ଚିଉଲାଅ କାଏ ହିଲାଙ୍ଗ୍ଆଁ । ମେନ୍ଦ ହଡ଼୍ମରେୟାଃ ଲାଗାତିଙ୍ଗ୍ତେୟାଃକ ଜଗାଅ ପୁରାତାନ୍ଲଃ ଏନାକେ ଜାତ୍ନାଅଏୟା, ଜେ’ଲେକାଚି ଖ୍ରୀଷ୍ଟ୍ କାଲିସିୟାକେ ଜାତ୍ନାଅଆ,
ମେନ୍ଦ ନେଆଁଁ ଆପେ ନାଗେନ୍ତେୟଗି ଲାଗାତିୟାଁ । ମିମିଆଦ୍ କଡ଼ା ଆପ୍ନାଃ କୁଡ଼ିକେ ଆପ୍ନାଃ ଲେକାଗି ଦୁଲାଡ଼ିକାଏ ଆଡଃ ମିମିଆଦ୍ କୁଡ଼ି ଆପ୍ନାଃ କଡ଼ାକେ ମାଇନ୍ ଲାଗାତିଙ୍ଗ୍ୟାଁଃ ।
ଆଡଃ ନେ ସବେନ୍ ଚାଇଲ୍ ଚାଲାନ୍ଲଃ ଦୁଲାଡ଼୍କେ ମେସାଏପେ । ଦୁଲାଡ଼୍ ସବେନ୍ ବିଷାଏକେ ମିଦ୍ତାଃରେ ମେସାଏତାନ୍ଲଃ ତଲ୍କେଟେଦ୍ତାଃଏ ।
ମିହୁଡ଼୍ ଏତେ ବାର୍ହଡ଼୍ ବୁଗିନାଃତାନାଃ, ଚିୟାଃଚି ଇନ୍କିନ୍ ଆପାନ୍ କାମିରେୟାଃ ନାଲା ନାମେୟାଃକିନ୍ । ଇନ୍କିନ୍ ଏତେ ମିହୁଡ଼୍ ଉୟୁଃ ରେଦ ଓଡ଼ୋଃ ମିହୁଡ଼୍ ଏଟାଃନିଃକେ ବିରିଦିୟା । ମେନ୍ଦ ଉୟୁଃ ଇମ୍ତାଙ୍ଗ୍ ଅକଏ ଏସ୍କାର୍ ତାଇନାଃ ଓଡ଼ୋଃ ଇନିଃକେ ବିରିଦ୍ ନାଗେନ୍ତେ ଜେତାଏ କା ତାଇନ୍ରେ, ଇନିଃ ସାର୍ପାଅ ଲେକାନ୍ ହଡ଼ ହୁଇନାଃ । ଆଡଃଗି ବାର୍ହଡ଼୍ ମିଦ୍ତାଃରେ ଗିତିକ୍ରେ ଇନ୍କିନ୍ ଉର୍ଗୁମ୍ନାଃକିନ୍ । ମେନ୍ଦ ମିହୁଡ଼୍ ଏସ୍କାର୍ଗି ଗିତିକ୍ରେ ଚିଲ୍କା ଇନିଃକେ ଉର୍ଗୁମିୟାଁ ? ମିହୁଡ଼୍ ଏସ୍କାର୍ଗି ତାଇନ୍ରେ ଇନିଃକେ ହାରାଅ ଦାଡ଼ିୟଃଆ, ମେନ୍ଦ ବାର୍ହଡ଼୍ ତାଇନ୍ରେ ଇନ୍କିନ୍ ଏନାରାଃ ସାମ୍ନାଃ ରିକାୟା । ଓଡ଼ୋଃ ଆପିୟାଃ ବାହେର୍ ମିଦ୍ତାଃରେ ତଲ୍କାନ୍ରେ ଏନା ଇମ୍ତାଗି କା ଟଟାଗଃଆ ।