Amor de casal

18 Wa weem coot, Nikiɗi Kooh woosa ne : « Ɗaay kiik ce baahɗi ngaŋ ɓo'. Ŋ hey ɗe haɓɗiɗe ɓaatɗohoh yi min kerhiɗoh na ɗe. »

22 Nikiɗi Kooh ɓayya ƴoha a nihsoh ŋ ɓoya weem, a mahha ɓitiɓ naa, a kommba ɓoya ɗe.

23 Wa ɓoya hot ɗe, a ƴeella, a woosa ne :

« Waasii,

yii a ƴohiŋ ƴoh ciŋ ngo

na nehiŋ nehiŋ ngo !

Ɓoyii teeksan ɓo' ɓitiɓ,

laam a kooɗohu ŋ ɓo' ƴaar. »

24 Wa taamboh ɗaa po, ƴaar hey saɓsukohe na yaay na baab, a ŋoɗ ŋ ɓitiice, ɓa nik faan yino.

6 Mbaa, ɓa nikisɗi kanak, ɓa faan yino kotii. Kon, ini Kooh ambsoh, ɓo' kinaata saɓsoh. »

4 Ɓoyi na tume sagu waaɗ-waaɗ,

a na muñe muñ,

a na raake keeñ moɗiɗ,

a na siisoheeɗi,

a na tipkeeɗi,

a na yaksiɗkeeɗi.

5 A na tumeeɗi in supkiɗohiɗ,

a na waakeeɗi ini njirñan haf ce,

a na yooɓeeɗi ayruk,

a na ɗaakeeɗi aay-keeñ.

6 A na sumeeɗi ŋ ini lahɗi waas,

waaye a na sume ŋ ini nik keeh.

7 Ɓoyi na tume sagu waaɗ-waaɗ,

a na degge in nu nik,

a raak ooluk ŋ in nu nik,

a gen yaakaar in nu nik,

a teyɗuk gaduk in nu nik.

28 Ƴaar ci joy waaɗoh ɓitiɓ ciŋ ɓa ɗaa, findi ɓa waaɗoh faan ciŋ ɓa haf ɓa. Yaa nu waaɗ ɓitiice ɗah, a waaɗ haf ce.

29 Laam ali ɓo' moosɗi sangoh faaniŋ ɗe haf ce ; a na pesɗee wa pesiɗ, a taambkohee wa, findi Kiristaani na tume na Janguuni,

33 Ini wir te wa woorra, weɗ ne yaa nu nga ɗu waaɗaat ɓitiice findi a waaɗoh haf ce, te ɓitiɓ eɗ ƴaar ce cir.

14 Waaye ini uupiɗ in ceem jen etoh, weɗ ne ɗu waaɗtiɗoh, te waaɗoh weɗ ambtiɗohi mit.