Amor de casal

6 N xa findi i keren gbe ra,

alɔ i xa tɔnxuma naxan gbakuxi i kɔn ma,

xa na mu a ra naxan nasoxi i bɛlɛxɛsole ra,

barima xanunteya sɛnbɛ gbo dangife faxɛ ra.

N wama i xɔn n yɛtɛ bɛ,

alɔ aligiyama wama mixie xɔn ma ki naxɛ.

Xanunteya sɛnbɛ gbo alɔ tɛ,

Alatala naxan nadɛxɛxi, a mu xubenma.

7 Baa ye mu nɔma xanunteya raxubende,

xure ye mu nɔma a bade.

Mixi naxan wama a harige birin masarafe xanunteya ra,

mixi na kanyi mayelema nɛ.»

Ginɛ taara xɛmɛmae xa masenyi

9 N ma ginɛ, i n sondonyi rasɛɛwama.

N xunya, i na i ya ti n na, n bɔɲɛ ɲɛlɛxinma nɛ.

I xa kɔnmagore tofe rafan n ma.

2 «I xa n masunbu.

I xa xanunteya ɲɔxun wɛni bɛ.

3 I xiri ɲɔxunmɛ luxi nɛ alɔ labundɛ,

naxan xiri fanyi minima.

Na nan a ra i rafan ginɛdimɛ birin ma.

15 «N xanuntenyi, i tofan, i tofan.

I yae rayabu alɔ ganbɛ.»

Ginɛ xa masenyi xɛmɛ bɛ

16 «N xanuntenyi,

i tofan, i tofan.

Won na dɛnnaxɛ,

ɲooge fanyi bara findi won ma sade ra,

18 Marigi Alatala naxa a fala, «A mu fan xɛmɛ xa lu be a keren. N fama malima fanyi daalide a bɛ.»

22 Na xanbi, Marigi Alatala naxa Adama ganyanyi xɔri findi ginɛ ra, a fa na ginɛ fi Adama ma.

23 Adama naxa a fala, «Yi ginɛ fatanxi n xɔri nun n sube nan na. A xili nɛ ‹ginɛ›, barima a minixi xɛmɛ nɛ i.» 24 Na fe na a toxi, xɛmɛ fama nɛ kelide a baba nun a nga xun ma, a maso a xa ginɛ ra, e findi keren na.

22 Ginɛ sɔtɔfe findixi hɛɛri nan na,

naxan fatanxi Alatala ra.

18 Barakɛ xa lu i xa kɔlɔnyi ma,

i xa sɛɛwa i xa ginɛ ra i

naxan futi i fonike ra.

19 I xa ginɛ tofan alɔ bole, a fan alɔ xeli.

A xa marafanyi xa lu i bɔɲɛ kui,

i xa a maxanu tɛmui birin.

20 N ma di, i birama mixi gbɛtɛ xa ginɛ fɔxɔ ra munfe ra?

Munfe ra i ginɛ xiɲɛ sunbuma

i gbe mu naxan na?

6 Na nan a toxi, mixi firin xa mu e ra sɔnɔn, e firin bara findi keren na. Ala bara naxee xiri e boore ra, adama naxa nee rafatan.»

4 Xanunteya a niyama nɛ mixi xa findi mixi diɲɛxi ra, a findi mixi malima ra. A mu milama, a mu a yɛtɛ matɔxɔma, a mu a yɛtɛ igboma, 5 a mu xurutareɲa rabama, a mu a yɛtɛ xa geeni fenma, a mu xɔnɔma. Gbɛsɛnxɔnnɛya mu luma a bɔɲɛ kui, 6 a mu ɲɛlɛxinma wule ra, a ɲɛlɛxinma nɔndi nan na. 7 Xanunteya na naxan bɛ, a diɲɛma fe birin ma, a mu tɛgɛ fefe, a a xaxili tima fe fanyi ra tɛmui birin, a tunnabɛxi fe birin ma.

28 Xɛmɛe lanma e xa e xa ginɛe xanu na mɔɔli nan na. E xa e xanu alɔ e e yɛtɛ fate xanuxi ki naxɛ. Naxan a xa ginɛ xanuma, a a yɛtɛ nan xanuxi. 29 Mixi yo mu na naxan a yɛtɛ fate xɔnma, barima mixi birin a yɛtɛ rabaloma, a mɛɛni a yɛtɛ fate ma. Ala xa Mixi Sugandixi fan mɛɛnima danxaniyatɔɛ ɲama ma na ki nɛ,

33 Kɔnɔ kankan xa a xa ginɛ xanu alɔ a yɛtɛ yati. Ginɛ fan lanma a xa a xa mɔri binya.

14 Naxan dangi a birin na, wo xa wo bore xanu barima na findima lanyi fanyi ra.

9 Mixi firin malanxi sɔɔnɛya dangife mixi ra naxan luma a keren.

Na firinyie xa wali dangi na mixi kerenyi gbe ra.

10 Xa a sa li keren bira, a boore a rakelima nɛ.

Kɔnɔ mixi naxan birama, a malima mu na,

na tɔɔrɔma nɛ a ɲaaxi ra.

11 Na maniyaxi mixi firin nan na,

naxee saxi e boore fɛ ma xinbeli tɛmui,

e nu wuyenyi sɔtɔ e boore saabui ra.

Kɔnɔ mixi naxan na a kerenyi ma, na xinbeli bama di?

12 Mixi ɲaaxi nɔma nɛ mixi keren na,

kɔnɔ mixi firin tan tima nɛ a kanke.

Luuti xɔri saxan malanxi mu bolonma mafuren.

15 Alatala xa mu adama daaxi, a a nii raso a fate? Adama mu die fenma xɛ Ala naxee ragirima a ma? Wo mɛɛni wo nii ma, wo naxa wo xa ginɛ yanfa, wo naxan sɔtɔ wo fonike tɛmui.

Sɛriyɛ naxan ibunadama ratangama

5 Xɛmɛ naxan baxi ginɛ dɔxɔde, a mu lan a xa sɔɔriɲa raba waxati nde bun ma. Kɔntɔfili gbɛtɛ yo mu lan a xa dɔxɔ a ra ɲɛ keren bun ma, alako a xa mɛɛni a xa ginɛ dɔxɔxi ma.