Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
ವರಿ ಯಹೊವಾ ಕ್ಹುದಾ ಮನಕ್ಹ ಯಕ್ಲೊ ರ್ಹವಾನು ಚೊಕು ನ್ಹೈವೈ; ತಿನೆ ವ್ಹಂದಾಣಿಕೆ ಥವಾನು ಸೃಷ್ಟಿ ಕರುಸ ಕೈನ ಕದ್ಯೊ.
ತೆ ಮನಕ್ಹಕ್ಹು ಲಿದಲ ಹಡ್ಕಾಕ್ಹು ಬಾಕಡಿನೆ ಕರಿನ ತಿನಾ ಕ್ಹಾಮೊ ಲಾಯೊ. ತೆ ತಿನೆ ದೆಕಿನ ಹಮ್ನಾ ಕರೆಟ್ಟ ಶೆಂ; ತೆ ಮಾರಾ ಹಡ್ಕಾಮಾತು ಆಯೆಲ ಹಡ್ಕು ವ್ಹೈ ಮಾರಾ ಮಾಕ್ಹ ಮಾತು ಆಯೆಲ ಮಾಕ್ಹ ಥೈಸ ತೆ ಮನಕ್ಹಕ್ಹು ಆಯಲಹುತಿ ಬಾಕಡಿ ಕವೈಲಿವಸ ಕದ್ಯೊ. ತೆ ಕಾರಣ ಹುತಿ ಮನಕ್ಹ ತಿನಾ ಮಾ ಬಾಪನೆ ಛೊಡಿನ ತಿನಿ ಬೈಕೊನೆ ಮಳೈಲಿವಸ; ತ್ಯುನೆ ಭಂಬಿ ಜ಼ನಾ ಯಕ್ಕಜ಼ ಅಂಗ ಥಾವಸ.
ಅಮ್ಮ ರ್ಹತಾಮಾ ತ್ಯುನೆ ಬೆಜ಼ನಾ ನ್ಹವೈ ಯಕ್ಕ ಅಂಗ ಥಯಾಸ. ತಿನಾಹುತಿ ಕ್ಹುದಾ ಮಳಾಯಲನೆ ಮನಕ್ಹ ಜು಼ದು ಕರು ನೈ ಕದ್ಯೊ.
ಮಯಾ ತಾಳ್ಮೆ ರ್ಹಯಲ ವ್ಹೈ, ದಯಾ ರ್ಹಯಲ ವ್ಹೈ, ಮಯಾ ಅಸೈ ಕರಲೆತು ನೈ; ಹೊಗಳಿ ಲೆತು ನೈ; ಅಹಂಕಾರ ನೈ ಕರಲೆತು. ಮಯಾ ಸರಮ ಲಾವಾನಾ ಕಾಮೊ ಕರ್ತು ನೈ; ಸ್ವಾರ್ಥಿ ನ್ಹವೈ ವರಿ ಜಲ್ದಿಜ಼ ಶಿಟ್ಟ ಥಾತು ನೈ; ತಿನೆ ಥಯಲ ಕೆಟ್ಟ ಶೆ ನೈ ಕರ್ತು. ಮಯಾ ಕೆಟ್ಟನಾ ಹುತಿ ಖುಶಿ ಥಯಾವಾಚಿ ಕ್ಹರಿನಾ ಹುತಿ ಖುಶಿ ಥಾವಸ. ಮಯಾ ಕ್ಹಾರುಜ಼ ತಾಳ್ಮೆಕ್ಹು ಸ್ವಿಕಾರ ಕರಸ; ಕೆಳಾಮಾಬಿ ಬರೊಕ್ಹೊ ಕರಸ; ಕೆಳಾಮಾಬಿ ನಿರಿಕ್ಷೆ ಕರಸ; ಕೆಳಾಮಾಬಿ ಘಟ್ಟ ಥೈನ ರ್ಹವಸ.
ತಿನಾಹುತಿ ಮಾಟಿಯೊ ತ್ಯುನಾ ಸ್ವಂತ ಅಂಗೊನೆ ಮಯಾ ಕರಲ ನಿಂಗತ ತ್ಯುನಿ ಬೈಕೊನೆ ಮಯಾ ಕರು. ತಿನಿ ಬೈಕೊನೆ ಮಯಾ ಕರಾಲೊ ತಿನೆ ತೆಜ಼ ಮಯಾ ಕರಾಲೊ ಥಯೊಸ. ಕಾಕದ್ಯಾಮ ಕುನ್ನಜ಼ ಕೆಳಾಮಾ ತಿನಾ ಅಂಗನೆ ದ್ವೆಷ ನೈ ಕರ್ತೊ. ಹರಯಕ್ಲೊ ತಿನಾ ಅಂಗನೆ ಚೊ಼ಕಿ ತರಾ ದೆಕಿಲಿವಸ. ಕ್ರಿಸ್ತ ಸಭೆನಾ ಹುತಿ ಕರಾನುಜ಼ ತೆ ವ್ಹೈ.
ತೆನೈಸೊ ತುಮೊಮಾ ಹರಯಕ್ಕ ಮಾಟಿ ತಿನೆ ತೆಜ಼ ಮಯಾ ಕರಲ ನಿಂಗತ ತಿನಿ ಬೈಕೊನೆ ಮಯಾ ಕರು ವರಿ ಬೈಕೊ ತಿನಾ ಮಾಟಿನೆ ಭೆ ಭಕ್ತಿಕ್ಹು ರ್ಹೌ.
ಆ ಕ್ಹಾರಾವೊತಿಬಿ ಅಪೊನೆ ಪುರಾ ಕರಾನು ಮಯಾಜ್ ತುಮಾರಾಮಾ ಜಾಸ್ತ ರ್ಹವಾದೆ.
ಯಕ್ಲಾತಿ ಬೆ ಜ಼ನಾ ಕಾಮ ಕರಾನು ಚೊ಼ಕು ವ್ಹೈ. ತ್ಯುನಿ ಮ್ಹೈನತನೆ ಚೊ಼ಕೊ ಫೈದೊ ಗಳಶಿಲೆ ಸಕಸ. ಯಕ್ಲೊ ಪಡ್ಯಾಮ, ಬಿಜೆಕ್ಲೊ ತಿನಾ ದೊಸ್ತನೆ ಉಪ್ಪರ ಉಟಾಡಸ. ವಂಟಕ್ಯೊ ರ್ಹಯಲವಾಲೊ ಯಕ್ಲೊ ಪಡ್ಯಾಮ, ತಿನೆ ಉಪ್ಪರ ಉಟಾಡಾನೆ ಕುನ್ನಜ಼ ನತ್ತಿ, ತಿನಿ ಗತಿ ಘನ್ನಿ ಕೆಟ್ಟ ವ್ಹೈ. ವರಿ ಬೆ ಜ಼ನಾ ಕ್ಹಾತೆ ಕ್ಹುರಯಮ ತ್ಯುನೊನೆ ಕೌ ಲಾಗಸ, ತೆನೈಸೊ ಯಕ್ಲೊ ಕಿಮ್ಮ ಕೌಮಾ ರ್ಹವಾನೆ ಥಾವಸ? ಯಕ್ಲಾನೆ ಬಿಜೆಕ್ಲೊ ಝಿತ್ತ ಸಕಸ, ತೆನೈಸೊ ಝಿತ್ತಲವಾಲಾನೆ ಬೆ ಜ಼ನಾ ತಿನೆ ವಿರುದ್ದ ಥೈನ ಹುಬ್ರೆ ಸಕಸ. ತನ್ನ ಹುರಿನಾ ರಾಕ್ಹೊ ಭೆಗಿನ ತುಟತಾ ನೈ.