Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Mu ning an’um ko gubin e adag kemus ni birog e ngam bing ngay;
dariy be’ ni ngamun’ ngalan ngorngorem kemus ni go’ gag.
Adag e bod feni gel gelngin e yam’;
amithun e adag e bod feni gel e yam’.
Ma gabulbul e daramram riy
nge gak’ ni bod ba nifiy nib gelmirin.
Ran e dabiyag ni nge thang;
ma dariy ba sugbur nra tharey.
Machane fa’anra guy be’ rogon ni nge chuwi’iy e adag ko machaf rok,
ma kemus ni fanenikan e ra yib riy ngak.
Pi Pumo’on ni walagen fare Bpin
Rogon e changar u owchem, i gur athibon an’ug ma male’ rog,
nge fa ke churwa’ ni ka mu the’ nga bilel’ugnam
e ke kal nga adig.
Dep’ilugnam e ke tharayeg ko kiss;
adag rom e kabfel’ ko wayin.
Gasliw ni fel’, er bon dugum;
ra nog fithingam me yib ngan’uy.
Dariy reb e ppin nrayag rok ni tel ir ndabi adagem.
Adag rog, ri gab pidorang;
be gal ra’en e adag u lan marwam!
Fare Pin
Gamareg to’, ri gab picho’ay;
ni ri gama felfelan’ nigeg!
Pan ni galunglung e nge mang tagil’dow;
Me ga’ar SOMOL ni Got, "De fel’ ni nge par fare mo’on ni go ir. Bay gu ngongliy be’ ni nge chagil ngak ngi i ayuweg."
Me ngongliy be’ ni bpin ko fare yumiyaw ni fek rok fare mo’on, me fek fare pin i yib ngak fare pumo’on. Me ga’ar fare pumo’on,
"Ka fini yag be’ ni ta’reb rogomow —
ni yil rok e ni fek ko yil rog, ma ufin u dow e ni fek ko ufin u dowag.
‘Bpin’ e fithingan ni bochan e ni fek u fithik’ fare pumo’on."
Irera’ fan ni be’ nib mo’on e ma pag e chitamngin nge chitiningin nge yan i cheag ngak le’engin, ngar pirew ni kar ta’ab girdi’gow.
Ga ra pir’eg reb e bpin ni ngam le’engiy ma aram ban’en ni bfel’ ni ka mu pir’eg; ma be dag ni SOMOL e ba gol ngom.
Ere nge fel’ u wun’um le’engim me par e felfelan’ rom ko re pin ni kam la’ay — ma ba pidorang nib sumnguy fel’ngin ni bod e deer. Ngam par ni gab felfelan’ nga fel’ngin; mu pag nge longbiyem e t’ufeg rok. Fakag, mangfan ni ngam adag yug reb e bpin? Mangfan ni nge unan’um nga fel’ngin le’engin be’?
Ya aram e gathi ku yow ba ruw ni girdi’, ya kar ta’ab girdi’gow. Ere thangri dabi dareg e girdi’ e gali cha’ ni Got e ke chagiyrow."
En nib t’uf Got rok nge girdi’ e ba gumaen’ ma ba gol; ma en nib t’uf Got rok nge girdi’ e der ma awan’, ma de uf, ma de tolngan’; en nib t’uf Got rok nge girdi’ e de kireb daken, ara kemus ni ir e ma leamnag ir, ara ba papey e damumuw ngak; ma en nib t’uf Got rok nge girdi’ e der ma aw nga laniyan’ e n’en nib kireb ni kan rin’ ngak; en nib t’uf Got rok nge girdi’ e de fel’ u wan’ e ngongol nib kireb, machane ba felfelan’ ko tin nib riyul’. Be’ nib t’uf Got rok nge girdi’ e dabiyag ni nge pag ir ndab ki michan’, ma dabki pagan’, ma dabki gumaen’.
Pumo’on e thangri t’uf rorad e pi’in nleengirad ni bod rogon nib t’uf dowrad rorad. Re mo’on nib t’uf leengin rok e aram e be t’ufeg ir. ( Ya dariy be’ ni ka’a fanenikay e birok’ e dowef. Ya ma duruw’iy mma ayuweg, ni bod rogon e n’en nma rin’ Kristus ngak girdi’en e galesiya;
Machane ku be yip’ famed: urngin e pumo’on e thangri t’uf rok leengin ni gowa ir, ma urngin e ppin ni thangri tayfan figirngin.
Nge rogon nib t’uf Got nge girdi’ romed e ngam puthuyed nga urngin e pin’ey, ni ir e ma chugumiy urngin ban’en nga ta’bang nge par nike fel’ rogon.
L’agruw e bfel’ ko ta’reb, ni bochan e yow ra peth miyow maruwel ni bfel’ rogon. Fa’anra paraw bagyow me ayweg bagyow nge sak’iynag. Machane fa’anra be’ ni go’ ir nra paraw, ma rib gafgow, ni bochan e dariy be’ nra ayweg. Ma fa’anra yib e garbeb, ma l’agruw ni’ e rayag nra molow nga ta’bang miyow par ni yow ba magwal. Ma urogon ni nge m’ay e ulum rom ni go’ gur? L’agruw ni’ e rayag ni ngar tapngiyew yow u ba cham nike yibnag be’ ma fa’anra ta’bagyow mra waer. Ba yil’ i tal nni ngongliy u dalip yil’ e gaf e ba mo’maw ni nge math’.
Gathi Got e taymew ni kam ta’ab dowefgow ma ta’reb lanin’mew? Mangfan ni yodrom nag? Bochan e ngam diyen niged e bitir, ni bitir nriyul’ ni girdi’ rok Got. Ere mu ted u gil’ e n’en nim micheged ngak pi le’engimed ni dabi thil.
Yugu boch e motochiyel
"Fa’anra ka fini mabgol reb e pumo’on ma dab ni fek nge un ko salthaw fa yugu reb e maruwel ko nam, ya thangri puf rogon nge par u tabinaw ni reb e duw nge ayuweg e bpin rok ngi i par nib felfelan’.