amor de Deus
O amor de Deus é a maior realidade do universo. Ele nos amou com amor eterno, incondicional e sacrificial — e nada no mundo pode nos separar desse amor.
Amor eterno
Deus amou o mundo de tal maneira que deu o seu Filho. Seu amor é de eternidade a eternidade — nunca falha.
Xoossaa Na7aa ammaniya ubbay merinaa de7uwa laattanaape attishin, dhayonna mela Xoossay ha alamiya daro dosida gisho ba issi Na7aa immis.
Shin nuuni buroo nagarancho gididi de7ishin, Kiristoosi nu gisho hayqis. Hessi Xoossay nuna ay mela siiqiyako iya siiquwa bessees.
Hessa gisho, hayqo gidin de7o gidin kiitanchota gidin haareyisata gidin ha77i de7eysa gidin sinthafe yaanaysa gidin wolqaamata gidin, salo wolqaa gidin sa7a wolqaa gidin ay medhetethi gidin nu Godaa, Kiristoos Yesuusan de7iya Xoossaa siiquwape nuna shaakanaw danda7onnaysa taani eras.
Taani entaw haaho bessafe qoncas; taani hintena merina siiquwan dosas; ta qadhiyan hintena taako shiishas.
Godaa galatite!
I keeha; iya siiqoy merinaasa.
Goday qadheteysanne maareysa;
hanqetanaw eesotenna; iya siiqoy daro.
Shin abeeti Godaw,
neeni qadhetiyanne maariya Xoosse.
Neeni hanqetanaw gam7aasa;
siiqoynne ammanetethi daridaysa.
Ne siiqoy de7ope lo77iya gisho,
ta inxarsay nena bonchana.
Natureza do amor divino
Deus é amor. O amor é paciente, benigno. O amor do Pai nos adota como filhos e nos transforma à sua imagem.
Ta siiqo ishato, siiqoy Xoossafe yaa gisho, ane issoy issuwara siiqetoos. Siiqiya oonika Xoossaa na7a; I Xoossaa erees. Xoossay siiqo gidiya gisho siiqonna oonika Xoossaa erenna.
Nuuni Kiristoosa baggara de7uwa demmana mela Xoossay ba issi Na7aa ha alamiya kiittis. Xoossay nuna ba siiquwa hessan bessis. Tuma siiqo guussay haysa: nuuni Xoossaa siiqida gisho gidonashin, Xoossay nuna siiqida gishonne nu nagaraape nuna maaranaw ba Na7aa kiitida gishosa.
Ta siiqo ishato, Xoossay nuna haysada siiqiko, nuka issoy issuwa siiqanaw bessees.
Xoossay nuna siiqeysa nuuni eroosinne ammanoos.
Xoossay siiqo. Siiqon de7iya oonika Xoossan de7ees; Xoossayka iyan de7ees.
Xoossay koyro nuna siiqida gisho nu siiqoos.
Nuuni Xoossaa nayta geetetidi xeegetana mela Xoossay nuna ay mela dosidaako be7ite. Nuuni tumaka Xoossaa nayta. Ha alamey Xoossaa eronna gisho nunaka erenna.
Ta siiqo ishato, taani hintew koyrope de7iya gal7a kiitaa xaafaysipe attishin, ooratha kiita xaafike. Ika hinte si7ida he gal7a kiitaa. Gidikoka, Kiristoosaninne hintenan tuma gididi de7iya, ooratha kiitaa xaafayis. Dhumay kichin, ha77i tuma poo7oy poo7ees.
Nuuni Xoossaa siiqiko, iya kiitata naagoos. Iya kiitati deexo gidokona.
Siiqoy danda7ancho. Siiqoy keeha. Siiqoy qanaatenna. Siiqoy ceeqetenna. Siiqoy otorenna.
Expressões do amor de Deus
O Senhor nos ama com alegria e canta sobre nós. Queni a mim vem, amará; e quem me ama, o Pai o amará.
Goday, ne Xoossay ne giddon de7ees;
I new xoono immiya olanchuwa.
I nenan ufaytana;
ba siiquwan nena oorathana.
Asay ba7aale gallas mazmure yexeysada,
I nenan ufayteysa mazmure yexidi bessaana" yaagana.
Tana doseyisata ta dosayis;
tana minthidi koyeysati demmana.
Neeni ta sinthan al7onne boncho gidiya gisho,
taani nena dosiya gisho,
asaa ne gisho, kawotethata ne shempuwa gisho
laame oothada immana.
Abeeti Xoossaw, ne keethan
merinaa ne siiquwa qopoos.
Nena ereysatas ne siiqoy,
wozana suuretas ne xillotethay qanxetenna.
Taani Kiristoosara masqaliya bolla kaqetas. Taani hizape taw de7ike, shin Kiristoosi tanan de7ees. Ta ha77i de7iya de7oy, tana dosidi ta gisho bana aathidi immida Xoossaa Na7aa ammanada de7ayis.
Shin Xoossaa gita maarotethaafenne nuus de7iya gita siiquwape dendidaysan, hari attoshin nuuni nu qohuwan hayqidi de7ishin Kiristoosa baggara nuus de7o immis. Hinteka attiday Xoossaa aadho keehatethaana.
Godaa Yesuus Kiristoosa aadho keehatethay, Xoossaa siiqoy, Geeshsha Ayyaana issifetethay hinte ubbaara gido.
Goday hinte wozanaa Xoossa siiquwakonne Kiristoosa danda7aako kaaletho.