amor de Deus
O amor de Deus é a maior realidade do universo. Ele nos amou com amor eterno, incondicional e sacrificial — e nada no mundo pode nos separar desse amor.
Amor eterno
Deus amou o mundo de tal maneira que deu o seu Filho. Seu amor é de eternidade a eternidade — nunca falha.
Nyo gɛ̀ bee wu koŋ woŋ kfunɛ baaŋ, wu tuŋ Mwa ye wù wu mumwaa, wu lɛ le yɛɛŋ wù leesɛ fitele ye ye le, mwɛdɛ gɛ lɛsɛ gɛ, wu kɛmɛ nyu kinche kì kage gɛ.
Geenɛ, Nyo gɛ̀ dunyɛ kiŋkoŋɛ ke fɛ besabɛŋ le a je yinɛ le lɛ, sege besabɛŋ gɛ̀ baaŋ bamii ba befe, Kletu kwe nje besabɛŋ.
Ŋkee chuule lɛ kwe kɛnɛ kinche, kɛnɛ kfuu chi banchɛndaa ba la, kɛnɛ biyo bì sage, kɛnɛ mwɛɛ mù le mɛɛse, kɛnɛ le mù ge mu nyume yu, kɛnɛ mwɛɛ mù kɛme bvuŋga, kɛnɛ mù le a we, kɛnɛ mù le akuu, kɛnɛ la fiyu fì le a ŋgoo yi mwɛɛ mù Nyo fɛ munchii le, gɛ fimi nyume yu fì taŋlo fi gasɛ besabɛŋ bɛ kiŋkoŋɛ ki Nyo kì wu kɛme fɛ besabɛŋ le yi Kletu Jiso wù Tada wese besabɛŋ le gɛ.
Natureza do amor divino
Deus é amor. O amor é paciente, benigno. O amor do Pai nos adota como filhos e nos transforma à sua imagem.
Nyo le Nyo wu kiŋkoŋɛ
Nsáa yaŋ yi shɛ́ŋ, besabɛŋ kôŋe muh lɛ muh, nje kiŋkoŋɛ le fiɛɛ fi Nyo. Muh wù koŋe muh mu, le mboyɛ wu Nyo, wu kee Nyo. Muh wù koŋe gɛ muh mu gɛ, le wu kee gɛ Nyo gɛ. Fi le noo nje Nyo le Nyo wu kiŋkoŋɛ.
Yinɛ le je yì Nyo gɛ̀ dunyɛ kiŋkoŋɛ ke fɛ besabɛŋ le yu: Wu gɛ̀ bee wu tuŋ Mwa ye kagɛ wu yi woŋ kfunɛ le, wu lɛ besabɛŋ taŋlo be kɛme kinche fede yi ye ye le. Fi finɛ le fiɛɛ fì ba tɛŋe lɛ kiŋkoŋɛ. Gɛ nyu lɛ gɛ̀ koŋ besabɛŋ Nyo gɛ. Gɛ̀ koŋ Nyo bee, wu tuŋ Mwa ye lɛ wu tô wu gê kimaaŋ fɛ bimbefɛ biɛsa besabɛŋ le.
Nsáa yaŋ yi shɛ́ŋ, no Nyo gɛ̀ koŋ besabɛŋ yinɛ je le nɛ, besabɛŋ tɛ kɛme ki be kôŋe muh lɛ muh.
No fi le noo, bee mo be kɛɛ bee bɛɛŋ kiŋkoŋɛ kì Nyo kɛme fɛ besabɛŋ le.
Nyo le Nyo wu kiŋkoŋɛ, muh wù chee yi kiŋkoŋɛ le, wu chee nyu yi Nyo le, Nyo tɛ chee yi ye ye le.
Besabɛŋ kôŋe, nje le Nyo wù gɛ̀ ya wu koŋ besabɛŋ.
Besabɛŋ le booŋ ba Nyo
Bɛŋ jîŋɛ bɛŋ yɛ̂ŋ kfuu chi kiŋkoŋɛ kì baaŋ kì Chii le wu dunyɛ fɛ besabɛŋ le, lɛ ba tɛ̂ŋe besabɛŋ lɛ booŋ ba Nyo! Nchiɛɛŋ, besabɛŋ le booŋ ba Nyo. Fiɛɛ fì bamii ba le ba yi woŋ kfunɛ le baaŋ kɛɛ gɛ besabɛŋ gɛ le nje bo gɛ̀ baaŋ kɛɛ gɛ tɛ wu gɛ.
Nchi wù fwɛŋ
Nsáa yaŋ yi shɛ́ŋ, gɛ nchi wù ŋgoone ki nsâŋ fɛ bɛŋ le nyu nchi wù fwɛŋ gɛ. Le nchi wù kege wù bɛŋ gɛ̀ kɛme kɛge fɛŋkɛɛ. Nchi wù kege wunɛ le saaka wù bɛŋ le bɛŋ yu wa. Geenɛ nchi wù nsaŋe fɛ bɛŋ le, le gɛh nchi wù fwɛŋ. Nchiɛɛŋ wu nchi wunɛ gɛ̀ bee wu chunyɛ yi Kletu le, wu chuunyi tɛ yi ye yene le. Nchi wuyu yɛne wù fwɛŋ nje kijibɛ kage ka ki gɛɛne, n’yuu wù nchiɛɛŋ kɛ wa wu baaŋ.
Bɛŋ kêe lɛ ki besabɛŋ koŋe Nyo le ki bee gɛ̂ɛde banchi be, gɛ banchi be nyu bvujijɛ gɛ,
Muh wù kɛme kiŋkoŋɛ fɛ bamii le to wu kaane shɛ́ŋ, wu ka gee kiŋge ki joŋe fɛ bamii le. Gɛ wu wɛɛ muh to wu bɛɛne kindoŋ gɛ. Gɛ wu to wu chiaase ye kɛnɛ wu yuge ye gɛ.
Expressões do amor de Deus
O Senhor nos ama com alegria e canta sobre nós. Queni a mim vem, amará; e quem me ama, o Pai o amará.
Taŋlo ndu lɛ ba le ba ta wa mɛ yi kintaaŋ le, ŋkwe besa Kletu. Gɛ kinche kì ŋkɛme mɛɛse ka nyume kaŋ gɛ. Chee wa Kletu yi ye yaŋ le. Kinche kì ŋkɛme mɛɛse yi ye yaŋ le, le nje fitele fì nleese yi Mwa Nyo le. Wu gɛ̀ dunyɛ kiŋkoŋɛ fɛ mɛne wu nya kikwɛɛ ke ki wu kwê nje mɛ.
Geenɛ Nyo wù le wu yisɛ bɛ yii fɛ besabɛŋ le gɛ̀ koŋ besabɛŋ baaŋ, wu taashɛ besabɛŋ bɛ Kletu wu bvusɛ yi kwe le mo no besabɛŋ gɛ̀ bee be kwe wa nje banchi ba Nyo baa ba bee gɛ̀ ŋgode. Nyo gɛ̀ bvusɛ bee nyu nje fitele fie fì joŋe.
Fitele fì joŋe fi Tada Jiso Kletu, bɛ kiŋkoŋɛ ki Nyo, mo kintaashɛ ki Kiyo ki Yuude ki nyûme bena bo bachii.
Noo bee lɛge lɛ Tada leesɛ muntele mwɛna mu nyume yi kiŋkoŋɛ ki Nyo le wu ka wu ge bɛŋ kaane shɛ́ŋ no Kletu gɛ̀ kaane.