Amor fraternal

34 ✝ना नीमी ऊंद व्हाशोद आग्या कोळतीन कि आबुर दाबुर से प्यार ईटी; ह्यांग ना नीम से प्यार ईटीन, हांग अच नीव भी आबुर दाबुर से प्यार ईटी. 35 अगर नीव आपस दा प्यार ईट्टीर, रा ईदुर देल सप्पा मुंदुर जानस्यार कि नीव नांद चेलागोळ हुईर."

12 ✝"नान आग्या ईद आद, कि ह्यांग ना नीम से प्यार ईटदीन, हांग अच नीव भी आबुर दाबुर से प्यार ईटी.

13 इदुर से धोळ्द प्यार यारदु ईला कि यावारा तान संगीगोळ साटी तान जीव कोळुल.

आबुर दाबुर से प्यार ईटी

11 ✝यतिकी जो समाचार नीव पयले टु केळीर, अद ईद आग्या हुन कि नाव आबुर दाबुर से प्यार ईट्टेव;

14 ✝नाव जान्सतेव कि नाव मृत्यु टु पार आगकु जीवन दा प्रवेश माळेव; यतिकी नाव मसीह वार्टुर से प्यार ईटतेव. जो प्यार ईटालुन आव मृत्यु उन दशा दा ईरतान.

16 नाव प्यार ईदुर देल अच जान्सदेव कि आव नाम साटी तान जीव कोट बुट्टुन; अदिक नामी भी खुद मसीह वार्ट अदिक आकतींगेर साटी जीव कोळ पायजे. 17 लेकीन जो यारदारा हात्‍ती दुनिया अन्द संपत्‍ती ईरूल अदिक आव तान मसीह वार्ट उक कंगाल नोळकु आऊन जरवत मा तरस तिनोद चाहासालुन, रा आऊन दा परमेश्वर उन प्यार ह्यांग बन्सकु ईर सकतद? 18 हे चिकोरा, नाव वचन अदिक ल्यालग्या देल अच ईला, लेकीन क्याल्सा अदिक सच्चाई अन्द द्वारा भी प्यार ईट्टेव.

परमेश्वर प्यार हुन

7 हे प्रिय, नाव आबुर दाबुर दा प्यार ईट्टेव, यतिकी प्यार परमेश्वर से आद, जो यावारा प्यार माळतान, आव परमेश्वर से पैदा आग्यान अदिक परमेश्वर उक जान्सतान.

10 प्यार इदुर दा हैलेच कि नाव परमेश्वर से प्यार माळदेव, लेकीन इदुर दा आद कि आव नाम से प्यार माळदुन अदिक नाम पापगोळ्द माफ अन साटी तान पार उक कळुदुन.

11 हे प्रिय, याग परमेश्वर नाम से हिंग प्यार माळदुन, रा नामी भी आबुर दाबुर दा प्यार ईट पायजे. 12 ✝परमेश्वर उक याऊ यागलु नोळीदील; अगर नाव आबुर दाबुर दा प्यार ईट्टेव, रा परमेश्वर नाम दा बन्सकु ईरतान अदिक आऊन प्यार नाम दा सिद्ध आग्याद.

20 अगर यावारा अंदान, "ना परमेश्वर से प्यार ईटतीन," अदिक तान मसीह वार्ट से दुश्मनी ईटुल रा आव ख्वाटा आन; यतिकी जो तान वार्ट से यारी आव नोळ्यान प्यार ईटालुन, रा आव परमेश्वर से भी यारी आव नोळीदील प्यार माळालुन. 21 आऊन से नामी ईद आग्या सिक्याद, कि जो यावारा परमेश्वर से प्यार ईटतान आव तान मसीह वार्ट से भी प्यार ईटुल.

10 भाईचारा अन भाव देल आबुर दाबुर से प्यार ईटी; परस्पर आदर माळदुर दा आबुर दाबुर से वाळुसकु नळी.

आबुर दाबुर प्रती प्यार

8 आपस इन प्यार इक बिटकु अदिक यातोदु मात दा यारदु कर्जदार आगबाळी; यतिकी जो दुसरा से प्यार ईटतान, आवा व्यवस्था अन पालन माळ्यान.

भलाई माळोद कारण कष्ट

8 अन्त दा नीव सप्पा मुंदरी समान विचार, सहानुभुती, तान वार्टुरगोळ से प्यार माळावाळा, दयालु अदिक नम्र आगली पायजे.

8 सब से धोळ मात ईद आद कि आबुर दाबुर से प्यार ईटी, यतिकी प्यार अनेक पापगोळ इक मुच्च बुळतद.

9 लेकीन भाईचारा अन प्यार इन बारा दा ईद जरूरी हैलेच कि ना नीम हात्‍ती येनारा लिख्साईन, यतिकी आपस दा प्यार ईटोद नीव खुद अच परमेश्वर देल कलतीर;

परमेश्वर उक ह्यांग प्रसन्न माळेव

1 आबुर दाबुर दा विश्वासी वार्टुर्द प्यार बन्सकु ईरूल. 2 अनजाना लॉकुर्द तान मान्या सत्कार माळोद मारूबाळी, यतिकी हिंग माळतेला अच थ्वाळासा लॉकुर अनजाना दा स्वर्गदूतगोळ्द स्वागत माळदुर. 3 कैदीगोळ्द इत्‍ता सुधी ताकोमी, कि मान्सी आंदुर सांगुळ नीव भी कैद आईर; अदिक यार सांगुळ बुरा बर्ताव माळकु आगतद, आंदुर्द ईत्‍ता प्रकार सुधी ताकोमी, मान्सी नीव भी पिळीत आगेतीर.

14 अदिक ई सप्पा मातगोळ अलावा प्यार इक धारण माळी, प्यार अच सप्पा मुंदुरी आपस दा कटकु ईटतद अदिक परिपुर्ण माळतद.

37 यीशु आऊन से अंदुन, "नीव परमेश्वर तान प्रभु से तान पुरा मन अदिक तान पुरा जीव अदिक तान पुरा बुद्धी इन सांगुळ प्यार ईट. 38 सब से धोळ्द अदिक मुख्य आग्या रा ईदा हुन. 39 अदिक अदुर्दा घाई ईद दुसरा आग्या भी आद कि नी तान मान्ना हातळोर से तान घाई प्यार ईट.

8 तरी भी अगर नीव पवित्रशास्त्र अन्द ई वचन इन अनुसार कि "नी तान मान्ना हातळोर वाळेर से तान घाई प्यार ईट" खराखुरा आ राज व्यवस्था अक पुरा माळतीर, रा वळ्लीद अच माळतीर.