Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Ana erme na ene lo kor ta duglo boraiglmedi teiga. Lo kor i, yegl paugwa, Ene deno muduno ikne ikne teo. Na dena muduna ene teimere kuno yegl mere, ene deno muduno ikne ikne teo. Ene yegl eribi, yoba mudu ene kandre, ene na duglo beglkwa yoba meglmedi kanaiglmiwe di, Jisas yegl dugwa.
Na ene ka ta duglo boraiglme di teiga i, Na ene dena muduna teimere yegl, ene ama agrama abarama deno muduno teo diga.
Ana yoba kabagle ta ere inagledi goran, ye deno muduno teigwa mabuno i, mudu egre i atne kaima edenabiwe dugwa.
Nono deno muduno ikne ikne tenamga paugwa
Ana okna God ka ta dugo, ene prikwa i, yegl dugwa, Ene deno muduno ikne ikne teo dugwa.
Nono agroma abaroma deno muduno tomga pre geglkwa yugobuno kide kodo, u kor omnedi prumga. Ba agroma abaroma deno muduno tekrumun, nono geglkwa mabuno bogl si dakagl munedi pramga.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa. Yoba ta makandigle taragl mere kan nenabuka ba agigle ta ibun inan, ye kandre, ake ple di tekran, God dem muduo norukwa mabuno i, agro i moglmara kogon erekrukwa mere yegl paugwa.
Na gagrama wagle, nono drano mina yoba deno muduno tomne dikramga ba mabuno eramnara i mina ka kaima i nogugl edinamga.
Yoba ta dena muduna teie dinan, agiglema abaugloma ama dem muduo tenabuka paugwa
Ene dena muduna teiga meglkwa i, nono deno muduno ikne ikne tenamga paugwa. I siragl pre deno muduno tenamga mabuno i, God norukwa. Yoba ta dem muduo yoba pere togwa i, ye God gagigle ta moglsre, God pre kan erukwa yoba ta moglkwa.
Deno muduno tenamga mabuno i, yegl paugwa, nono komono kana God wakai kankrumga ba ye komono kana nono wakai kaima kandre, ye Wam nono tadaglmeno kumapmo tenabedi dedugwa i paugwa.
Na dena muduna teiga meglkwa i, God dem muduo yegl mere norukwa pre nono ama ikne ikne deno muduno tenamga paugwa. Yoba ta God moglkwa ege swara kaima ta kankrikwa ba nono deno muduno ikne ikne tomun, ege i God nono munara suna morabuka. Te, ye dem muduo podo norukwa i, nono munara kau sinabuka.
Ba yoba ere mogl, deno muduno God tomniwe didre, ye agroma deno muduno tekribi, ka kibi digwa. I siragl pre ye agroma abaroma nogugl akie meglkwa tekrikwa panan, God ye ta kankrikwa pre deno muduno tomniwe dibi, kuno erekrabuka. Te, God yene lo ta padigl norukwa i, yegl paugwa, yoba ta dem muduo God tenan, ye agiglema ama dem muduo tenabuka keme pame dugwa.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Pre mediglkwa yoba ta moraiglkwa i, ye no agroma abaroma meglmedi kandre, deno muduno ikne ikne teo. Ene enene mogl atne edidre, agroma abaroma ta moraiglkwa i pre i mitna ede teo.
Ene dina ta eribi, panabuka i, tabre te ikne edio. Mige moni ya ki ta dina erumun, panabuka i, te ikne edimun, dudunabuka. Yegl paugwa ba kogon swara ta ege ege eramga paugwa i, dina mere yegl ta paugwa. Kogon i, deno muduno yoba tenamga paugwa. Yegl eramga i, dina mere yegl aimadi aimadi pai morabuka. I ta dudumedi prikramga.Te, ene prio! Ene yoba pere deno muduno tebi, ene God lomo mudu pamere erikwa mere yegl panabuka.
Mabuno wakai ikne ikne ere tenamga paugwa
Ana na ene siragl mere mogl pai eraiglkwa pre di wiga i, ka okuo kaima ta dinaglka i, yegl dinaglka, ene mudu nomano swara yedre, ikne ikne mitno gogl, agroma abaroma mudu deno muduno teo. Te, ene ama mogl atne edidre, enene ikne ikne ere wakai ere teo.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.
Ana ene agroma abaroma deno muduno ikne ikne tenaiglkwa mabuno i pre, na ka tau mere ene di tenaglka i ta paikrumedi prika. I siragl pre God yene ere mogl, mabuno i ene beke togo, ene mabuno i erikwa.
Ka kidine swara swarade i pre dugwa
Ene agroma abaroma deno muduno tenaiglkwa mabuno i, ere pai molo. Te, yoba yogugl ere wakai ere teigwa mabuno i, kide kodokrio. Ene pre kodigwa, okna yoba tau yoba yogugl wigo, ere wakai ere tomnedi prikwa ba ye angelo wigo, ere wakai ere teigwa.
Ene agroma abaroma tau kane yugu pai meglkwa i, no ye bogl akie kane pamga mere yegl pamiwedi prisre, ye pre molo. Te, agroma abaroma tau yoba ye ere kide ere te meglkwa i, nono ye bogl yoba swara munedi prisre, pre molo.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Yegl dugo, Jisas ye yegl di togwa, Lo ta podo pai, lo tau egre atne edugwa i, yegl paugwa, Ene den mudun bogl mudu Yaglnen Kade God tedre, ene nomanen ya ene mudu motnere God to dugwa. Lo i podo pai, lo tau egre togwa. Te, lo ta namba 2 paugwa i, yegl dugwa, Ene enene wakai kanere mere yegl, yoba ta magigl akie kipanaiglkwa i, ama yegl mere wakai kano dugwa.
Ana Jisas nono kingno moglsre, ye kamo mina lo yegl ta padigl norukwa,
Ene enene wakai kanimere yegl, yoba ta magigl akie kipanaiglkwa i, ama yegl mere wakai kanio
dugwa. Ene lo i ka kaima duglo beglbi, ene wakai erikwa.