Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Kei’n nangnidiang akathar chongpeii kanapeii, khachu inkhatli inkhat inriangru; Kei’n nangni kinaminriang angnga, nangni-um khatli inkhat ning-inriangsik eii.
Nangni khatli inkhat ning-inriangjei inchu, khawakhan manmasituol pumpui’n nangni ngaihi kei kasiamruoi ning-eii tikha jet inte."
Kei’n nangni kinaminriang angnga inkhatli inkhat inriangru kitihi kei chongpeii kha eii.
Miring inkhat in asappui ngaisik aringkhuo ipeii itihi khawa chungtiang akalok minriang kha ommakjei.
Inphutna makheiya nangni’n ningjetjei chongpui kha hi-eii: Eini inkhatli inkhat ni-inriangsik eii.
Kathi nirakaanna ringna khan nihong ejei itihi eini’n nijet; eini’n inkhatli inkhat ni-inriang jarra hiwahi nijet eii. Minriang kajetmak inmani ngaichu kathi ranak nuoiya inlaom.
Hin thoa angme minriang itithi eini’n nijet: Christa’n eini sik-ah aringkhuo anapepi. Eini um ni-u ninai ngaisik-ah niringkhuo nipesik suok. Inchong chu ni-eli, ni-u ninai ngai kapoong khachu nimuli nisanmak inle, angtho tholi eini’n Pathian kaminriang nitisik me? Kiminriang kasa ngai, nimurli nichongril khanbit kaminriang emui takkha chuonna khat-um kadik-ah kaminriang kha erui.
Kiminriang kasap ngai, eini inkhatli inkhat inriangrui, ajarchu minriang hi Pathian makheiya kajuo eii. Minriang kajet mi kha Pathian sa eii halli Pathian ajet.
Hiwa hi-eii minriang: eini’n Pathian kha niminriang emak takkha ama’n eini inaminriang eii halli ama’n Asapa kha apesuok ah eini manu ngaidamnasik ah ajuotir.
Kiminriang kasap ngai, Pathian in hituk inaminriang keengnga, eini um inkhatli inkhat ni-inriangsik suok.
Tuteii innum Pathian lamumu; takkha inkhatli inkhat ni-inriang inchu, Pathian in einidiang om halli ama minriangna kha einidiang pui mintung.
Eini’n Pathian kaminriang nitili, ni-u ninai ngai nimatir inchu, eini maleisei katho ni-eii. Ajarchu eini’n nimu ni-u ninai ngai niminriangmak inchu, nimumak Pathian kha angtho tholi minriang matormin-name? Christa’n einidiang naleipeii chongpeii khachu hi-eii: Pathian kaminriang miring rakip in a-u anai ngai kha-um aminriangsik eii.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Christian ang-inlang malung karok ah inkhatli inkhat diang inriangru, halli miring inkhatli inkhat diang khoya inthozoot eru.
Miring khatli miring khatdiang minriang loubaak elekleiya, tuteii diang loubaak intuol maru, ajarchu atu ka-ang mi’n hiwa atho inchu Dan kajui eii.
Hekna-ah nangni ngairakip, khatli inkhat diang ningngaidon khat-um ningmanuom ningmin angripsik eii, inkhatli inkhat inriangru khat-um malung kadai eru halli malung inniam eru.
Achungnga angrakip ngai neek ah, khatle inkhat malung inthiangnga inriangru, ajarchu minriang in manu angjet amakhu.
Nangni inkhat li inkhat inriang nasik jarra majiasik arei ommakjei. Ajarchu nangni inkhat li inkhat angtho-thoa inriang sikme tihi nangni ningpumtak diang Pathian in anaminchu suojei.
Christian ningchang jarra khatli khat inriang chakru.
Ning-inna khuolmi ngaikha katha-ah donnasik ngaidonru. Mi lekkhat in khan inthoa jetleiya marwaan tirton ngaikha kaleidon inom.
Tu ka-ang mikhumna-ah kaom ngai khale, nangni um inmanile mikhumna ah kin-om eii tia ngaidonru. Tu ka-ang kapoong ngai khale, nangni um inmani angnga kinpoong eii tia ngaidonru.
Halli hiwa ngai rakip pui katungnga kakhuopchun inriang hi neiru.
Jisu’n aleimasang, " ‘Pumi na Pathian kha namalung, naratha, halli na-ngaidonna pumpuiya minriangro.’
Hiwahi akalokkhet khat-um ma-insakhet chongpeii kha eii.
Halli hi angnga inni huuina kha um: ‘Nang in na-indiang na-inwaipui ngai kha napumtak angnga minriangro.’
Pathian chong-inthiang khan nimu, "Indiang inwaipui ngaikha napumtak niminriang angnga minriangro," iti Rengram dan kha ningjui inchu, akatuun kha nangni’n ningthojei.