Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Kai garunu koregana sa ma vanigou agou: mu mekarai vairoqu. Isa tugu qa roqu veinigou agou ara, sa agou ba mu mekarai vairoqu vei tugu mekamiu. Vei muna mekarai vairoqu agou, sa beto mai gigilai ira doru tinoni sa agou sa na qua sepele ara,>> sau si Jisu.
Api sa na garunu taqu: mu mekarai vairoqu sagou kai muqisi vei tugu ara qa roroqugou sagou.
Kepore mutugu sa kai vairoqu sa lavata jolania na vairoqu tana tinoni sa vaivanania nona toa ko sa tokaniria ira nona baere.
Mu Mekarai Vairoqu
Ura api sa na nongoro isa qu tei nongoria pa popodalaina tu: gita sa ta mekarai vairoqu sau.
Gita taqe gigilai sa taqe loai na mate ko taqe tei karovo laoa tu na toa ura taqe roroquria ira na turada. Na tinoni sake vairoqu sa togasa pa mate.
Pira vei sa taqe gigilai gita sa na vairoqu: ura i Jisu Karisito sa vanigita na ona toa mekana. Ko gita ba sa pada tugu ko tana vaniria ira na goto turada sa na oda toa. Na tinoni sa isongia na isisongo tana kasia gusu api beto sa batiaona sa kai turana sa vaivasevi ba sa sado vauku palea tana sa na bulona, poni sa ai vei beto mina boka kolea na vairoqu tana Tamasa sisa? Ka visa qua koburu, take vairoqu pa paranga babi pa ovovele gu, goto ta vagore votua tu pa roiti beto pa sosoto sa noda vairoqu.
Na Tamasa Vairoqu
Ka visa baere jonga, aria ko ta mekarai vairoqu, ura na vairoqu sa na koko veina tana Tamasa. Ko na tinoni sa vairoqu sa na podo veina tana Tamasa beto sa gigilai sa na Tamasa.
Api sa na vairoqu: nake gita mai taqe roroqua sa na Tamasa, goto isa tu mai sa roroqugita beto sa garunu lagerenia na Tuna ko isa sa na vavakukuvu garona sa vulasaria na oda sela. Ka visa baere jonga, inara sa roroqu veinigita sa na Tamasa ko gita ba ta mekarai vairoqu. Kepore kai tinoni sa tei dogoria mai tu sa na Tamasa; ba vei tana mekarai vairoqu sa gita, poni na Tamasa sa togasa tadagita beto na ona vairoqu sa sa okoto tadagita.
Na tinoni sa paranga, <<Ara qa roroqua sa na Tamasa!>> sau, beto sake tavaraguania na tasina sa isa na tinoni sesekena gu sisa. Ura na tinoni sake roroqua na turana isa sa batini matana, poni sa ai vei beto mina boka roroqua isa sa na Tamasa isa sake batini matana? Api sa na garunu sa vanigita na Karisito: na tinoni sa roroqua na Tamasa sa mi roroqua tugu vei na turana.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Mu mekarai vairoqu lao lame vei ira na tamatasi pana kai tatamana. Mu ngangali valavataria jolanigou mekamiu sira na goto tinoni.
Na toa vairoqu
Muke vakole jolaria sira na miu sasare sa pada bu tei vamateria tu perangana, goto isa tu mu vakole jolai sa na miu mekarai vairoqu. Ura na tinoni sa roroqua na goto tinoni sa sa tei vagore votua tu isa sa na Vavanau tana Tamasa.
Gosoro taleni vitigi na roiti tuvisina
Na qua vavanau bebetona sapi. Mu mekarai suvere kame pana uana jongana pana toa, mu mekarai kame pana roroquna na goto tinoni, mu mekarai vairoqu vei na tamatasi tana Karisito, mu mekarai isongia na bulo vairoqu, beto mu vaikete mulenigou pana tadira na tinoni.
Ba isa sa poreveveina jola sa mu vaneqia na toa vairoqu, ura na tinoni sa vairoqu sa sa boka doro vajola pale sa na sela tana goto tinoni.
Goto na vavanauna na vairoqu turamiu sa agei meneke kilu kuti lao vanigou sagou, ura agou mekamiu sa tei vagigalaigou tu na Tamasa ko mu toania na toa mekarai vairoqu sau.
Na toa sa vaqerai na Tamasa
Muke beto vairoqu lao lame sagou na tamatasi tana Karisito. Muke noso vatogaria pana miu ruma sira na tinoni gotodi. Ura ira kaki qai roiti vei isa sa tonai qaike gigilai poni sa na mateana tu ba qai vakamuria pa dia ruma. Muke mumaniria sira qai tome pa ruma vaipiu goto mu roroqu veiniria agou ba qu somana tapiu tavitiria tugu ira. Ira qai gosoro tapata mu roroqu veiniria agou ba qu gosoro tapata tavitiria tugu ira.
Tadira doru uana aipira sa mu vaokoto laonia sa na vairoqu, isa sa sa aru vaigosorai vataleniria doru sakasa.
Poni sa oea i Jisu, pira saunia, <<Mu roroqua na Bangara na mua Tamasa pa doruna bulomu, pa doruna gagalamu, beto pa doruna na roqumu. Isa sa na garunu sa poreveveina jola beto sa momoe. Na vinarua garunu sapi gu: Mu roroqua na tavitimu kai muqisi podeke vei qu roroqu mule veinigo mekamu.
Vei muna tuti vatalea agou sa na vavanau binangara pa Kukuti Tabuna, pira sau, <<Mu roroqua na goto tavitimu kai muqisi podeke vei qu roroqugo mekamu,>> sau, poni sa qu roiti vatale sagou.