Amor fraternal

34 ✝ခု နန်းနို့ဟှို ငါပေးဟှူ ပညတ်တော်သစ်ဟှ ရှင်းရှင်းရှစ်ဂေ့။ နန်းနို့ဟှို ငါရှစ်မျိုးဘဲ့ ရှင်းရှင်းရှစ်ရမယ်။ 35 နန်းနို့ရှင်းရှင်း ရှစ်ဂေ့မယ် ဆိုဟှာ နန်းနို့ဟှာ ငါ့တဗဲ့တော် ဖြစ်ဂေ့ဟှယ် ဆိုဇာဟှို လူတိုင်း သိဂေ့လေ့မယ်" ဆိုဘီး မိန့်တော်မူလေဟှယ်။

ယေရှုဟှာ ပေတရုရဲ့ ငြင်းပယ်ဇာဟှို ကြိုတန်ဖော်ပြဟှူကြောန်း

(မဿဲ ၂၆.၃၁–၃၅; မာကု ၁၄.၂၇–၃၁; လုကာ ၂၂.၃၁–၃၄)

12 ✝ငါ့ပညတ်ဟှ နန်းနို့ဟှို ငါရှစ်မျိုးဘဲ နန်းနို့ရှင်းရှင်း ရှစ်ဂေ့။

13 မိမိရဲ့ မိဆွေလေတွပ် နန်းနို့ရဲ့ သတ်ဟှို ပေးလိုက်ဇာဟှာ ကီးမားဆောင်းဟှူ မြစ်တာဖြစ်ဟှယ်။

ရှင်းရှင်းရှစ်ဂေ့ပါ

11 ✝နို့လေဟှာ ရှင်းရှင်းရှစ်ရမယ် ဆိုဟှားဟှူ တရားတော်ဟှို စစဒူးဟှ နန်းနို့ဟှာ ကြားရဟှူ ဒန်းစကားဖြစ်ဟှယ်။

14 ✝နို့လေဟှာ ကိုယ့်ရဲ့ ညီကို မောန်နှမလေဟှို ရှစ်ဂေ့ဟှူကြောန့် သေရှင်းဟှနေ သတ်ရှင်ဟှူနေရာဟှို ကူးရဂေ့ကြောန်းဟှို နို့လေဟှ သိဂေ့ဟှယ်။ ကိုယ့်ရဲ့ ညီကို မောန်နှမလေဟှို ရှစ်ဘဲ့ဟှူလူဟှာ သေနေဟှူ ဘဝမာဘဲ့ ရှိနေသေးဟှယ်။

16 ခရစ်တော်ဟှာ နို့လေတွပ် သတ်စွန့်ဟှူ မြစ်တာကြောန်းဟှို နို့လေဟှာ သိဂေ့ဟှယ်။ နို့လေဟှလည်း ကိုယ့်ရဲ့ ညီကို မောန်နှမလေတွပ် သတ်ဟှို စွန့်ရဂေ့ဟှယ်။ 17 လောကီစည်းဇိမ် အောက်စာလေ ကြွယ်ဝဟှူလူဖြစ်ဘီး ကိုယ့်ရဲ့ ညီကို ယော့-က်ယော့-က်ဟှ ဆင်းရဲရှင်းဟှို ဗြင်ဟှူ ခီမာ သနားကြင်နာမှု မှေ့ဘဲနေဆိုဟှာ ဖယ်မျိုး ဘုရားသခင်ရဲ့ မြစ်တာတော်ဟှ ရှိနိုင်ဟှို့နူး။ 18 သားမီးလေ၊ နို့လေရဲ့ မြစ်တာဟှာ နှောက်ဖြားမာဘဲ့ရှိဟှူ ရှစ်ရှင်းမြစ်တာမျိုး ဖြစ်သင့်ဟှ။ လတ်တွိ ဖော်ပြရဟှူ မြစ်တာစစ်မြစ်တာမှန် ဖြစ်ရမယ်။

ဘုရားသခင်ဟှာ ရှစ်ရှင်းမြစ်တာဖြစ်ကြောန်း

7 ရှစ်ရဟှူသူလေ၊ နို့လေဟှာ ရှင်းရှင်းရှစ်ဂေ့ဇို့။ ဖြားဖြစ်ကြောန့်နူးဆိုဟှာ ရှစ်ရှင်းမြစ်တာဟှာ ဘုရားသခင်န ဆိုင်ဟှူကြောန့် ရှစ်တတ်ဟှူလူဟှာ ဘုရားသခင်ဟှနေ ပေါ့-က်လာဟှူ သားမီးလေဖြစ်ဟှယ်။ ဘုရားသခင်ဟှိုသိဟှူ လူလည်းဖြစ်ဟှယ်။

10 နို့လေဟှာ ဘုရားသခင်ဟှိုရှစ်ဇာ မှုဟှ။ ဘုရားသခင်ဟှဘဲ့ နို့လေဟှို ရှစ်ဘီးဟှာ နို့လေဟှာ ပြစ်ဖြေလွှတ်ခံရဘီး ပူဇော်ဆစ်ကပ်ဟှူဖြစ်န သူ့ရဲ့ သားတော်ဟှို စေလွှတ်လိုက်ဇာမာ ရှစ်ရှင်းမြစ်တာရှိဟှယ်။

11 ရှစ်ရဟှူသူလေ၊ ဘုရားသခင်ဟှာ နို့လေဟှို အယ်မျှလော့-က်ရှစ်ဟှယ် ဆိုဇာဟှို မှန်ဟှယ် ဆိုဟှာ နို့လေဟှလည်း ရှင်းရှင်းရှစ်ရမယ်။ 12 ✝ဘုရားသခင်ဟှို ဖယ်သူလည်း ဗြင်ရဘေမဲ့ နို့လေဟှာ ရှင်းရှင်းရှစ်မယ် ဆိုဟှာ ဘုရားသခင်ဟှာ နို့လေမာတည်နေဘီး ဘုရားသခင်ရဲ့ ရှစ်ရှင်းမြစ်တာဟှာ နို့လေမာလည်း ပ္လဲ့ဇောင်လေဟှယ်။

20 ဘုရားသခင်ဟှို ရှစ်ဟှယ် ဆိုဘီး ညီကိုဟှို မူးနေဟှူလူဟှာ လီညာဟှူလူ ဖြစ်ဟှယ်။ ဖြားဖြစ်ကြောန့်နူးဆိုဟှာ မျစ်စိန ဗြင်ရဟှူ ညီကိုဟှို ရှစ်နိုင်ဘဲ့ဟှူလူဟှာ မျစ်စိန ဗြင်ရဘဲ့ဟှူ ဘုရားသခင်ဟှို ဖယ်မျိုးရှစ်နိုင်ဟှို့နူး။ 21 ဘုရားသခင်ဟှို ရှစ်ဟှူလူဟှာ ကိုယ့်ရဲ့ ညီကိုဟှို ရှစ်ရမယ် ဆိုဘီး ပညတ်တော်ဟှို နို့လေဟှာ ခရစ်တော်နားဟှ ခံရဂေ့ဟှယ်။

10 ညီကို မောန်နှမရှင်းရှင်း၊ ရှစ်ဟှူမြစ်တာအားဖြင့်၊ ရှင်းရှင်းရှစ်ခင်ကြင်နာဘီး ချီးမွမ်းဟှူနေရာမာ သူများဟှို ကိုယ့်ထတ် ချီးမြှော့-က်ဂေ့ပါ။

ရှင်းရှင်းပြုအပ်ဟှူဝတ်ကြောန်း

8 ရှင်းရှင်း ရှစ်ရှင်းမြစ်တာကြွေးဟှနေဘီး ဖယ်ကြွေးဟှိုမှလည်း တန်စေန။ သူများဟှို ရှစ်ဟှူသူဟှာ ပညတ်တရားဟှို စောန့်ထီးဟှူသူဖြစ်ဟှယ်။

သုစရိုက်ဟှို ပြုဟှူကြောန့် ဆင်းရဲခံဟှူကြောန်း

8 နော့-က်ဆောင်း ခြောင်ငုံဘီး ပြောရမယ် ဆိုဟှာ နန်းနို့ ဂူလောင်းဟှာ တစိတဝန်းဒဲရှိဂေ့ပါ။ ကြင်နာတတ်ဟှူသဘော၊ ညီကိုရှင်းရှင်း ရှစ်တတ်ဟှူသဘော၊ သနားစောင်မတ်တတ်ဟှူ သဘောန နှိခ္လဟှူ သဘော ရှိဂေ့ပါ။

8 ရှစ်ရှင်းမြစ်တာဟှာ ရရာတိုင်းများဟှူ ပြစ်လေဟှို ဖောင်းအောက်ပေးတတ်ဟှူကြောန့် ရှိမျှဂူလောင်းထတ် ရှင်းရှင်းကြားမာ ခိုင်မြဲဟှူ ရှစ်ရှင်းမြစ်တာန ရှစ်ဂေ့ပါ။

9 ညီကိုမောင်နှမလေရှင်းရှင်းဟှာ ရှစ်ရှစ်ခင်ခင်နေဟှို့ကြောန်းနပတ်သတ်ဘီး နန်းနို့လေဟှို စာရေးဘီး ပေးလိုက်ဟှို့ကြောန်း မှေ့ဟှ။ ဖြားဖြစ်ကြောန့်နူးဆိုဟှာ နန်းနို့လေဟှာ ရှင်းရှင်း ရှစ်ရှစ်ခင်ခင်နေဟှို့တွပ် ဘုရားသခင်နားဟှ သွန်သန်ခံဟှားရဟှူ သူလေ ဖြစ်ဂေ့ဟှူကြောန့် ဖြစ်ဟှယ်။

ဘုရားသခင်နှစ်သက်တော်မူဟှို့ လောက်ဆောန်ဟှူနည်းကြောန်း

1 ညီကို မောန်နှမရှင်းရှင်း ရှစ်ရှင်းမြစ်တာန တည်နေဂေ့ပါ။ 2 ဧည့်ဝတ်ပြုဟှူဇာဟှို မေ့ဂေ့န။ ဖြားဖြစ်ကြောန့်နူးဆိုဟှာ တချို့လူလေဟှာ ဧည့်ဝတ်ပြုဟှူ ခီမာ ကောန်းဂန်တမန်လေဟှို မှတ်တမဲ့ ဧည့်ခံဂေ့ဟှယ်။ 3 နန်းနို့လေဟှာ ကျဉ်းက္လခံနေရဟှူ သူလေနတူးဒူ ကိုယ်လည်းခံနေရဟှူမျိုး မှတ်ယူဘီး သူးနို့လေဟှို ဒိရဂေ့ပါ။ နန်းနို့လေဟှာ ကိုယ်ခန္ဓာန လွတ်ကင်းဘဲဟှူ သူလေဖြစ်ဟှူကြောန့် ညှဉ်းဆဲခံရဟှူသူလေဟှို အော့-က်မေ့ဂေ့ပါ။

14 အယ်မူဇာဂူလောင်းထတ်မာ စောင်လင်ဟှူ ဖွဲ့စည်းဖြစ်ဟှူ ရှစ်ရှင်းမြစ်တာဟှို ထပ်ဘီးဟှာ ယူတန်ဝတ်ဆောန်ဂေ့ပါ။

37 ယေရှုဟှ "‘နန့်ရဲ့သခင်၊ ဘုရားသခင်ဟှို စိနှလောင်းကြွင်းမဲ့ ဉာဏ်ရှိဟှူမျှန ရှစ်ပါ။’ 38 အယ်ပညတ်ဟှာ ရေးကီးဆောင်းန ကီးမြတ်ဆောင်း ဖြစ်ဟှယ်။ 39 ဒုတိယရေးကီးဆောင်း ပညတ်တော်ဟှ ‘နန့်ကိုယ်နန် ရှစ်မျိုးဘဲ့ နန့်ရဲ့ အီဇနီးရှင်းဟှို ရှစ်ပါ။’

8 နန်းနို့ဟှာ "ကိုယ့်နဆိုင်ဟှူလူဟှို ကိုယ်နမျှရှစ်ပါ" ဆိုဘီး ကျမ်းစာမာပါဟှူ ရွှေပညတ်တော်ဟှို ကျင့်မယ် ဆိုဟှာ ကောန်းဟှူဇာဟှို ကျင့်ဟှူဇာ ဖြစ်ဟှယ်။