Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Pen mɨñɨl nɨbop takaw adek kɨdeyɨl ak olap agñebin agak. Takaw kɨdeyɨl anɨb ak nɨm, nɨbi ke penpen mapen lɨnɨmɨb agak. Yad nɨbop mapen lɨpin tek, nɨbi abe penpen mapen lɨnɨmɨb agak. Nɨbi ke anɨgɨl penpen mapen lenɨgabɨm, binɨb okok mɨdupsek nɨgtep gɨl nɨgɨnɨgabal, nɨbi bɨyad mɨdebɨm agak.
Takaw adek yad ak anɨgɨl mɨdeb, nɨbop mapen lɨpin nep tek, nɨbi penpen mapen lɨnɨmɨb agak.
Bɨ olap bogɨlak ne okok kɨlop mapen yɨbɨl lɨlɨg, gɨñɨnɨg monmon kumnɨgab tek, bɨ anɨb ak nop mapen lep anɨb ak, tap awl yɨbɨl nɨŋɨd kumnɨgab agak.
Mam ay God yɨl mɨdebal okok, kɨlop mapen lɨnɨmɨb
Pen takaw anɨb ak ned nɨbop agɨnok tek, mam ay okok kɨlop mapen lɨnɨmɨb.
Chɨn mam ay okok kɨlop mapen lɨpun tek nopun, God chɨnop dek, pɨsnep kubal kɨd ak kelɨgɨl, pel pelnep yenɨgabal kɨd ak mɨdobun. Binɨb mapen ma lɨpal okok, pɨsnep kubal kɨd ak mɨdebal.
Jisas Klays chɨnop nen kumak. Kumek, chɨn binɨb ogɨnap kɨlop mapen lep jɨj ak nopun. Anɨb ak tek, gos chɨn ke nep nɨŋɨd mɨdtep gɨnɨgun agɨl ma nɨgɨnɨgun. Mam ay okok kɨlop gos nɨŋɨd, mɨdtep gɨnɨgel agɨl kɨlop gɨtep gɨnɨgun. Binɨb tap kuŋay mɨdɨlɨg, mam ay tap ma mɨdeb okok kɨlop nɨŋɨd chɨb ma nepal ak, God binɨb kɨlop mapen lup tek ma gɨpal. Anɨb ak ñapay yad okok. Takaw nep ma agɨnɨgun, mam ay okok kɨlop dɨtep yɨbɨl gɨl mapen yɨbɨl lɨnɨgun.
God chɨnop mapen lup tek, chɨn anɨb ak nep mam ay okok kɨlop mapen lɨnɨgun
Binɨb mapen yad okok. God chɨnop mapen lup tek, chɨn anɨb nep penpen mapen lɨnɨgun. Binɨb mapen lɨpal okok, kɨli God nop nɨgtep gɨl, ñapay ne mɨdebal.
Mapen lep adek ak, chɨn kɨd yɨl ak ma tɨkjakak, God kɨd yɨl ak tɨkjakak. Chɨnop mapen lɨl, Ñɨne nop agyokek apɨl, tap si tap tɨmel gɨpun okok tɨg walɨg gɨyokɨnɨg owak.
Binɨb mapen yad okok. Ne chɨnop anɨgɨl mapen lup, anɨb ak tek chɨn abe penpen mapen lɨnɨgun. God nop mɨseŋ ma nopun ak pen, penpen mapen lɨpun ak, ne chɨn ayɨp jɨmñɨl mɨdaknɨŋ gɨpun. Ne chɨn ayɨp jɨmñɨl mɨdeb ak nɨm, ne binɨb mapen yɨbɨl lup tek gɨpun.
Binɨb God nop mapen lɨpun apal ak pen, mam ay okok kɨlop mɨlɨk nepal ak, yepɨs yɨbɨl apal. Mam ay okok kɨlop wɨdɨn nepal, God nop wɨdɨn ma nepal. Anɨb ak, kɨli mam ay ogɨnap kɨlop mapen ma lɨpal, tɨtay dɨl God nop mapen lɨpal? God ne chɨnop kɨles gɨl agak, Binɨb yɨp mapen lɨpal okok, mam ay okok kɨlop abe mapen lɨnɨgel agak.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Mam ay Klays yɨl mɨdebal okok kɨli mam ay mapen yad mɨdebal agɨl, ayɨp penpen mapen lɨnɨmɨb. Nɨbi pelpel mam ay Klays yɨl mɨdebal okok yɨb kɨlop ak dad aplanɨmɨb.
Penpen mapen lɨnɨmɨb
Tap day nɨbi ogɨnap yonɨmuŋ, pɨsnep day pag junɨmɨb. Pen tap day nɨbi tek olap yonɨmuŋ, penpen mapen lep adek ak. Bɨ binɨb okok kɨlop mapen lup ak, ne takaw Mosis ñu kɨl tɨkak ak mɨdupsek gup.
Chɨn binɨb ogɨnap kɨlop gɨtep gɨnɨgun
Pen mɨñɨl takaw ak agjunɨgebin. Nɨbi gos nokom jɨmñɨl lɨl nɨgɨnɨmɨb. Penpen yɨmug nɨŋɨd dɨtep gɨnɨmɨb. Mam ay okok ayɨp penpen mapen lɨlɨg dɨnɨmɨb. Kɨlop chɨb nɨŋɨd, yad bɨ tam okok tek mɨdebin agɨl gos nɨgɨnɨmɨb.
Takaw awl yɨbɨl ak nɨm, penpen mapen lɨl yenɨmɨb. Binɨb penpen mapen lɨpal okok, mɨdtep gɨnɨgabal. Pen mam ay ogɨnap kɨlop gɨ tɨmel genɨgabal, kɨli kasek nɨŋɨd kelɨgɨnɨgel tek lɨl, mɨdupsek mɨdtep gɨnɨgabal.
Nɨbi gos teplep nɨŋɨd gem, tap awl yɨbɨl amnɨmuŋ
God binɨb ne okok kɨlop mapen lɨl dɨnɨmɨb agɨl mɨj tɨkɨnɨgun ak pen, God nɨbop gos tep ñek, ke nɨŋɨd penpen mapen lɨpɨm. Anɨgɨl mapen lɨpɨm anɨb ak, nɨbop mɨj anɨb ak ma kɨl tɨkɨpun.
Chɨn anɨb gonɨgun, God nop tep gɨnɨgab
Mam ay okok ayɨp penpen mapen lɨlɨg mɨdɨl dɨnɨmɨb. Binɨb okok nɨb okok nɨb ownɨgel ak, kɨlop ag dap kal mɨgan nɨbi lɨnɨmɨb. Binɨb ogɨnap, binɨb okok ag dɨdeg lɨl ag dɨnok agɨl, ensel okok kɨlop pen ag dɨdeg lɨl ag dɨlak. Binɨb kɨlop nag lel mɨdebal okok, chɨn ayɨp nag lɨl mɨdobun agɨl kɨlop nɨŋɨd dɨtep gɨnɨmɨb. Binɨb kɨlop gɨ tɨmel gel koslam mɨdebal okok, chɨn abe koslam yonɨgun tek lup agɨl kɨlop gos nɨŋɨd dɨtep gɨnɨmɨb.
Pen tap awl yɨbɨl ak, binɨb mapen lɨnɨmɨb. Nɨbi mapen lem nɨm, mapen lep anɨb ak nɨbop gek jɨmñɨl mɨdtep gɨl kɨles gem amnɨmuŋ.
Agek Jisas agak, God Bɨawl nad anop mapen yɨbɨl lɨnɨmɨn agak. Mapen nad ak, kawnan nad ak, gos tɨmud nad ak, mɨdupsek nop yɨl amnɨmuŋ agak. God takaw ned nɨm awl yɨbɨl ak, takaw awl yɨbɨl nɨm anɨb ak agak. Pen takaw awl olap nɨm, anɨgɨl mɨdeb agak. Binɨb ogɨnap kɨlop, nad ke mapen lɨpan tek gɨnɨmɨn agak.
God ne bɨnonɨm chɨn mɨdeb ak, ne takaw kɨles olap agek takaw Mosis ñu kɨl tɨkak ak mɨgan ayaŋ tɨkɨl agak, Nad ke mapen lɨpan tek, binɨb ogɨnap kɨlop abe gɨnɨmɨn agɨl tɨkak. Pen God anɨb agak tek yɨpɨd gɨl kɨdek gɨpɨm ak, tep yɨbɨl gɨpɨm.