Amor incondicional

8 Kɛlɛ GALA ge ná-nɛɛbɛi lɛɛʋɛ ga adeye ga nii, naa ɠa ga Kilista zaani ade ʋɛ, siɛgi zu ade ɠɛni la dɛ ga kotoba nuiti.

7 Mazɔlɔɔ nui a zoo é za telebo nui ʋɛ, naama nui zɔlɔɔ fai ɓaaʋɛ gola, tanisu ta ɠa yiilɔɔ, é za nu ʋagɔi ʋɛ. 8 Kɛlɛ GALA ge ná-nɛɛbɛi lɛɛʋɛ ga adeye ga nii, naa ɠa ga Kilista zaani ade ʋɛ, siɛgi zu ade ɠɛni la dɛ ga kotoba nuiti.

23 Mazɔlɔɔ ɛsɛ pɛ ge kotoi ɠɛa, ti ʋalaga GALA ná-lɛbiyai ma. 24 Ti pɛ ti levea ga telebo nu ga ná-zaalai maaʋele, GALA ná-faanɛɛi ɠana é kɛɛni, unmɔɔgi maaʋele ma Yesu Kilista ʋaani la.

35 Ɓɛ ɠa a zoo é de ɓeteʋe Kilista ná-nɛɛbɛi ʋa? Kpɔlɔi ɓaa, ɓaa kidaaʋiligi, ɓaa wɔinzeɠemai, ɓaa pului, ɓaa baladai, ɓaa faaɓaagi, ɓaa boɠa zɔkpɔi?

16 «Mazɔlɔɔ GALA ge eteai nɛa ʋɛ, eyɛsu é ná-Doun Zunu ɠila kpegi vea, naa ɠa a kɛ nu nɔpɛ a la da, naa undaa mina ʋili, kɛlɛ é ɠɔoɠɔ zɛnvui zɔlɔɔ.

3 Mɔungi zu, adea ɓalaa, de ɠɛni ga ti ɠɛʋele, de ɗa eteai ziɛ eɠɛʋelei de-ɓusɛi yiimaiti ti la. Nii nɛai de-ɓusɛi ʋɛ ta da-ɠisiɛi, naa ɠa de ɠɛni kɛɛzu. De zɔlɔɔ pelei maaʋele ma, GALA ná-ziiɠaawanai ɠa é zolooni de ma ga zɔiti kɛʋele.

4 Kɛlɛ GALA nii ná-gaazumaawɔinɠai zuwɔɔlɔai gola, tɔɔzei ná-nɛɛbɛ wolai ʋa, é de nɛai la ʋɛ, 5 siɛgi zu de zaa ɠɛni de la zɛnvu zu vaiti tetemazu, da-vaaɠaazagiti maaʋele ma, é zɛnvui vea ade ya Kilista ʋɔ. Zaalai ɠa wo ɠizogai la.

4 Kɛlɛ, ade Ɠizo Nui GALA ná-nuɓɔɠɔlai ta ná-nɛɛbɛi nuɓusɛiti pɛ faa ma, naati kulaai ma kɛlɛma, 5 é ade ɠizoni, naa la ɠɛni ɠɛɛni da-ɠɛɛwotii ma lelebodai maaʋele ma, kɛlɛ tɛi é ade maawɔinɠaai. É ade ɠizogɛ ga gbagi, nii Zɛnvu Ɲadegai sɔlɔɔ niinɛ daai ta zɛnvu niinɛi veezu de ʋɛ ga maaʋele. 6 É naama Yɛnvui veeʋɛ ade ya ga bɔɔlɔa ga Yesu Kilista de Ɠizo Nui maaʋele,

3 É ɠɛni ɠɛɛzu ma:

‹Kaite Ɠɔoɠɔ GALAGI ʋaani, é ɓɔɠɔ lɛ ga zè.›

Gè ɠɛni ma nà ɓalaa:

‹Gè è nɛɛʋɛ ʋɛ kaite wɔlɔwɔlɔ,

naa ɠa é ba, nà yɛsu ɠilizu è ʋa gola.

26 À GALAGI maamusɛ, nii é geeɠɔlɔgi zu,

mazɔlɔɔ ná-wooɠɛɠiladai ɠa yɛsu ná ɠɔ.

5 Toɠa ɗa ɠisiɛ yaavai zu, a ɠɛna laani ná-betei zu,

toɠa ziɛzu pelei zu nii é la ʋani,

é la faa ɲɔi ʋilisu ya.

17 Bɔɔla nui ɠa ɗa nɛɛbɛi ɠɛ yeenɔpɛ.

Ɠɛɛɠɛloin ɠa ɗa kpɔbai ɠɛ, faaɓaagi a ʋaana.*

9 Wɛlɛ ʋelei GALA ná-nɛɛbɛi ɠulani la kɛlɛma ade ʋɛ: GALA ge ná-Doun Zunu ɠila kpegi leʋeni eteai zu, nii a kɛ de zɛnvui wo ga tɔun maaʋele.

10 Nɛɛbɛi ɠa ga nii: É la ga dɔun ka de GALA nɛai ʋɛ, kɛlɛ tɔun ka é ade nɛɛni ʋɛ, é ná-Doun Zunui leʋe, é ɠɛ ga da-ɠotoiti gba zalaɠai.

19 Adɔun ada nɛɛbɛi wosu, tɔɔzei GALA ka é ade nɛɛni ʋɛ mɔunpa.

16 Wɛlɛ ʋelei de nɛɛbɛi ɠwɛɛgai la: Yesu Kilista zɛnvui veeni da-vaa zu. Da ɓalaagi, de maanɛɛʋɛ de de-yɛnvui ve de-ɠɛɛleaiti ta-vaa zu.

4 Nɛɛbɛi yiilɔɔʋɛ, nɛɛbɛi ʋagɛ. É la toloi ɠɛa, é la ɓɔɠɔ vaa lɛa su, é la wasoga. 5 É la ɓaaɠulama vaa ɠɛa, é la tɔnɔ gaiziaa tɔ ɓɔɠɔ ɠila nɔ ʋɛ, zii la ɠulaa, é la faawanama makɛga.

6 É la ɠoozunɛa telebotala vaa zu, kɛlɛ toɠa ɗa ɠoozunɛ gaamai zu. 7 Siɛʋɛ fai pɛ bu, é kidaaleʋei makɛgɛ fai pɛ su, kitogi ɠa bɛ fai pɛ su, fai pɛ kubogɛ su.

È zili nui nɛɛ vai ʋɛ

43 «Wo mɛnigɛ ga é woni ga: ‹Ɗa è-zeiɲɔɠɔi nɛɛ ʋɛ,*. è è zili nui wɔinzeɠe.› 44 Kɛlɛ nɔ̀un, nà bosu wo ma ga: À wo zili nuiti nɛɛ ʋɛ, wo GALA fali naati bɛ, ti wo wɔinzeɠezu, 45 nii a kɛ wo-Ɠɛɛ nii é geeɠɔlɔgi zu, wo ɠɛ ga ná-doun ɠiteɠitegiti. Tɔɔzei toɠa ɗa ná-foloi ɠula nu ɲɔiti ta nu ʋagɔiti bɛ, é tonai ʋu telebo nuiti ta telebotala nuiti bɛ. 46 Tɔɔzei ni wa naati nɔ nɛɛna ʋɛ, niiti ti wo nɛɛzu ʋɛ, lee ɠulanuma ɠa wa sɔlɔɔ? Ʋele nɔ lɛi mulu zo nuiti ti kɛɛzu la vɔlɔ ɓaa? 47 Naa ʋolu lee ɠa wo kɛɛzu, nii é la ɠɛɛzu pɔlɔma, ni wa laaliizu wo-ɠɛɛlointi nɔ ma? Ʋele nɔ lɛi ɓalaa GALA kwɛɛtala nuiti ti kɛɛzu la ɓaa? 48 Naa ɠa é ba, à ɠaaɓa, wo laazeeli fai pɛ su, ʋelei wo-Ɠɛɛ laazeeliai la, nii é geeɠɔlɔgi zu.

È zili nui nɛɛ vai ʋɛ

27 «Kɛlɛ wɔiti wo gòomɛnisu, nà bosu wo ma ga: À wo zili nuiti nɛɛ ʋɛ. À faa ʋagɔi ɠɛ naati bɛ, ti wo wɔinzeɠezu. 28 À tuya loo naati bɛ, niiti ti wo voovoozu. À GALA fali naati bɛ, ti wo zopele ɲɔu zu.

8 Fai pɛ su, à ɓɔɠɔ nɛɛ ʋɛ gola, mazɔlɔɔ nɛɛbɛi ɠa ɗa kotoi ma mɔinmɔin gaazu maalɔɔɠu.