Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
Manang ya Tyumanem, pangkay makasasalaꞌ kitadun, pigpakitaꞌ nan ya kadakulaꞌ na pagginawa nan magi dun ni pagkamatay ni Kristu adti krus kalyu kanaten.
Walaꞌ ya un malim patayen pada sa eped na utaw pangkay adti utaw na walaꞌ ya pagsalaꞌ, manang pagaw awun magtumbay sa pagka-utawun nan na patayen pada sa madyaw na utaw na awun pagkallat sa eped nan. Manang ya Tyumanem, pangkay makasasalaꞌ kitadun, pigpakitaꞌ nan ya kadakulaꞌ na pagginawa nan magi dun ni pagkamatay ni Kristu adti krus kalyu kanaten.
Asuntu na nyakasalaꞌ ya kadég, diliꞌ na manga utaw ka͡apetan ya kadyawan na Tyumanem. Manang asuntu sa kallat nan kanaten na walaꞌ ya bayad, pigdawat nan kitadun kasiling na walaꞌ da ya salaꞌ magi sa pagkamatay ni Kristu Jisus. Aw dun da nan lekata ya kadég tadun lekat adti pag-allang na salaꞌ.
Walaꞌ ya maka-elet kanaten lekat adti pagginawa ni Kristu, pangkay pa apeten tadun ya pagti-is aw manga kalugan aw manga pagpamulayam aw getem, aw walaꞌ ya un tadun pagkadégkadég, aw ya manga kallekanan na un ma-imoꞌ, aw pangkay kun patayen pa kitadun.
Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan.
Aw maynan uman ya pigpan-imoꞌ na kadég tadun idtu muna. Pigdalug tadun ya pagkaliman na kanaten pagka-utawun dun ni pag-imoꞌ sa malatay. Aw pig-imoꞌ tadun ya pangkay unu na pagkaliman na kanaten lawas aw anenganeng. Aw umbaꞌ galu kitadun pa-emel-emelen na Tyumanem kasiling na eped na manga utaw. Manang ya Tyumanem, dakulaꞌ ya kanan kallat aw to-o kitadun nan pigginawa͡an. Pangkay piglakadan tadun ya manga suguꞌ na Tyumanem aw kasiling kitadun idtu muna na nyatay da, manang adun, pigmataw kitadun nan eped ni Kristu. Yanagaw magi sa kallat na Tyumanem nyakaluwaꞌ kitadun.
Manang dyumateng ya allaw na pigbukasan na Tyumanem na kanaten Magpaluwa-ay ya kanan kadyaw aw ya kadakulaꞌ na pagginawa nan. Pigpaluwaꞌ kitadun nan, bekeꞌ na asuntu sa mangkadyaw na pigpan-imoꞌ tadun manang asuntu baling sa kanan kallat. Aw ya pagpaluwaꞌ nan kanaten, magi saba sa paglinis na Ispiritu Santo aw pagbagu nan sa ginawa tadun. Ya Ispiritu yeiy pig-atag na Tyumanem kanaten magi kan Jisu-Kristu na Magpaluwa-ay tadun
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
Aw maynini ya pagpakitaꞌ na Tyumanem sa kadakulaꞌ na pagginawa nan kanaten: Pigpadala nan asini tas na lupaꞌ ya kanan Iseꞌ na tamisa pada magi kanan makatagtun kitadun sa ginawa na walaꞌ ya katigkasan.
Aw yeiy ya pagginawa na walaꞌ ya maka-unawa. Walaꞌ tadun una ginawayi ya Tyumanem manang yan ya nyuna gyuminawa kanaten. Aw pigpadala nan ya kanan Iseꞌ na un ma-imoꞌ dugsuꞌ kalyu kanaten, pada makamang ya pagpa-emel-emel kanaten na Tyumanem aw malanas ya manga salaꞌ tadun.
Pigginawa͡an tadun ya Tyumanem kay sakanan ya nyuna gyuminawa kanaten.
Maynini ya pagka-edeꞌ tadun sa tengteng na pagginawa: Migpakamatay si Jisu-Kristu asuntu sa manga salaꞌ tadun. Aw yeiy ya du-an na tumabang kitadun sa kanaten manga inulug pangkay pa adti pagkamatay.
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
Maynini ya bet na utaw na awun pagginawa nan sa kanan eped: Matadeng magtagen sa kadaman nan aw magpakatagad sakanan. Magkallat sa eped magi sa kanimbet nan. Diliꞌ mati-ingaꞌ sa eped nan. Diliꞌ sakanan magpalibantug aw diliꞌ uman magpatastas. Diliꞌ malatay ya bet nan adti manga eped, aw diliꞌ nan pagleges ya kanan pagkaliman, aw diliꞌ maksay magkadaman, aw diliꞌ nan gayed anenganengen ya manga salaꞌ na eped adti kanan.
Aw diliꞌ sakanan pagkatutukan sa malatay manang pagleya͡an nan baling ya matinaw. Kun pigginawa͡an na utaw ya eped nan, diliꞌ nan paglukasan pangkay unu ya dumateng, aw gayed nan pagsaligan, aw imanen nan na matulid ya imo-unun na eped aw gayed nan ti-isen.
Ya palna-u ni Jisus sa pagginawa sa manga po-on
"Kya-ede-an mayu uman ya paglongun na eped na utaw: ‘Ginawayi ya kanmu manga ubaybay aw dumutan mu ya kanmu manga po-on.’
"Manang ini ya kanak paglongun kamayu: Ginawayi mayu baling ya kamayu manga po-on, aw panawagtawagi mayu adti Tyumanem ya manga nyamulayam kamayu. Kun maynan ya imo-un mayu, dun da ka-ede-i na kamu ya tengteng na mangayseꞌ na Tyumanem na yan ya Ama tadun na awun ni tas na langit. Kay pyasilatan nan ya kadég na manga utaw, pangkay ya mangkalatay ya bet aw pangkay ya mangkadyaw ya bet. Aw pya-ulanan nan uman ya kadég na manga utaw pangkay ya dyumalug sa pagkaliman nan aw pangkay uman ya walaꞌ dalug. Kun yan oloꞌ ya ginawa͡an mu ya gyuminawa kanmu, ayin da ya kadyaw na pig-imoꞌ mu? Pangkay ya manga mangungubla͡ay sa buwis, pigginawa͡an nilan saba ya kanilan manga ubaybay. Aw kun yan oloꞌ ya pakadyawun mu ya gyuminawa kanmu, na unu kaꞌ, awun kadyaw na pig-imoꞌ mu? Pangkay ya manga utaw na walaꞌ pangintu-u sa Tyumanem, pigpakadyaw nilan ya kanilan manga ubaybay.
"Yanagaw, dun ni kadég na imo-unun mayu, dayaw silingi ya bet na Ama mayu na awun ni tas na langit, kay walaꞌ ya salaꞌ dun ni kanan.
Ya pagginawa sa manga po-on
"Manang ini ya kanak paglongun kamayu na manga migpakanyeg: Ginawayi mayu ya kamayu manga po-on. Aw imo-a mayu ya mangkadyaw adti manga utaw na migdumut kamayu. Pagsekat kamu adti Tyumanem na pakadyawun nan ya manga utaw na migtullun kamayu, aw panawagtawagi adti kanan ya manga migpakalat kamayu.
Aw yan ya to-o mayu tibagsegi ya paggaginawa͡ay. Kay kun to-o tadun pigginawa͡an ya kanaten manga eped, pasinsiya͡an tadun sa pig-imoꞌ nilan kanaten na malatay.