Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
Ba na Tamasa sa tei vabatinigita tu sa na ona vairoqu mekana ko totonai tu taqe korapa tinoni selada gita sa na Karisito sa mate vanigita.
Sa tapata jola sa kai tinoni bi mate vania kai goto tinoni tuvisina. Ba palu kaki tinoni bai boka varene ko bai mate vania tugu kai tinoni jongana! Ba na Tamasa sa tei vabatinigita tu sa na ona vairoqu mekana ko totonai tu taqe korapa tinoni selada gita sa na Karisito sa mate vanigita.
ura ira doru tinoni sa qai sela beto gu ko qaike kamua sa na pada ululuna sa vakolea na Tamasa. Ba na vatuvisida gita taqe vasosoto sa na ona vaivana isa sa koko lame vei pa ona vairoqu vaialona. Ko i Jisu Karisito sa pajuku teku mulenigita beto sa ruvatagita.
Bi mija sosoto tu sa kai tinoni babi kai sakasava mina boka pikata palenigita gita pana vairoqu tana Karisito. Tonai tu taqe gosoria na tapata ko taqe takulanga, tonai taqe takomiti ura taqe rangea na Karisito, taqe gosoria na songe, sa keporenigita na poko, taqe gosororia na sakasava vaivamatedi, babi tabe tavamate tu, ba na Tamasa sake beto roroqugita sa gita.
Ura pa soana vei api sa roroqua na Tamasa sa na kasia gusu: sa valamea isa sa na Tuna mekai, ko ira doru mai rangea isa sa maike mate manyao goto mai tekua na toa jola.
Perangaina gita doru ba taqe toa vei tugu ira. Taqe toa tutiria na toa ikikeredi pana abana kai muqisi podeke vei sa nyoroguania na tinida, beto taqe roiti laoniria gu sa na roiti ikikeredi isa vei sa nyoroguania na tinida beto na oda roroqu mekada. Ko pana oda toa ikikeredi vevei pira sa taqe talevenia ko tana gosororia tugu gita sira na vinakilasa pana kokora tana Tamasa, vei tugu ira doru tinoni pa kasia gusu ura ira ba qai toa vei tugu isa.
Ba na Tamasa isa sa pugelia na vairoqu vaitokai beto sa lavata jola na ona vairoqu sa sa roroqugita, ko totonai tugu sa korapa mate na gagalada pana oda toa sela sa sa mekarai vatoa mulegita tonai taqe vasosotoa na Karisito. Ko pana vairoqu vaialo gu tana Tamasa sa qu taalo sagou.
Ba tonai sa bola votu sa na jongana beto na vairoqu jongana tana Tamasa na oda inaalo poni sa sa alogita na Tamasa sa gita. Ba nake roiti tuvisidi taqe roitiniria gita sa taqe taalonia sa gita, goto na vairoqu vaitokai gu tana Tamasa. Ko isa sa alogita tonai taqe tavaliosonia na podo mule beto taqe tavakoregania na Gagala Tabuna. Ko na Gagala Tabuna api sa sa tei vuva tari vapugelenigita tu na Tamasa tonai taqe vasosotoa gita si Jisu Karisito na oda inaalo.
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
Pira sa vei beto sa bola votu tadagita sa na vairoqu tana Tamasa: na Tamasa sa garunu lagerenia pa kasia gusu na Tuna Mekai, ko ta toa gita sau.
Api sa na vairoqu: nake gita mai taqe roroqua sa na Tamasa, goto isa tu mai sa roroqugita beto sa garunu lagerenia na Tuna ko isa sa na vavakukuvu garona sa vulasaria na oda sela.
Taqe boka vairoqu sa gita ura isa mai tu sa roroqu momoegita.
Pira vei sa taqe gigilai gita sa na vairoqu: ura i Jisu Karisito sa vanigita na ona toa mekana. Ko gita ba sa pada tugu ko tana vaniria ira na goto turada sa na oda toa.
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
Na vairoqu sa vera vamomoso beto sa vajongana lao tana goto tinoni. Na vairoqu sake kokono beto sake vaqata babi vatarasae mulenia mekana. Na vairoqu sake toania na uana sake jonga pana tana goto tinoni. Na vairoqu sake tutia nona soana mekana, sake oqanai kokora ko na vaipera paranga, babi puku tutiria na sela tana goto tinoni.
Na vairoqu sake qerania na ikerena, goto sa qerania na sosoto. Na vairoqu sa pogoso golomoria na vitigi doru totoso, sa rarangeona doru totoso, sa vera gegeleona doru totoso, beto sa vangajuona doru totoso.
Roroquria Na Mua Kana
<<Qu tei nongoroniamiu tu agou sa isa pira sau perangana: <Muna roroqua na tavitimu, beto munake tavaraguania na mua kana,> sau. Ba ara ma pojanigou sagou: mu roroquria ira na miu kana beto mu vavara tokaniria ira qai komitigou, ko mu tuna na Tamamiu pa noka sagou ura isa na ona tapo sa vaalanganiria ira na tinoni ikeredi beto na tuvisidi beto na okoro sa vagoreniria ira na tinoni jongadi beto ira na seladi. Ura vei ira gu qai roroqugou sa muna roroquria agou, poni na pinia sa muna tekua? Ira gu na tinoni teteku takisi ba qai bokadia roitinia sisa. Beto vei muna gosoro qeqeraniria ira na miu baere gu sagou, poni sa qu oqoro roitinia kai sa bi goto sagou. Ira gu na tinoni rodomo ba qai bokadia roitinia sisa. Ko agou sa mi maladoruru na miu vairoqu vei tugu na Tamamiu pa noka ba sa maladoruru na ona vairoqu,>> sau si Jisu.
Mu Roroquria ira qai Kanagou
<<Ba ma pojanigou sagou qu nongorosiu ara: mu roroquria sira qai kanagou, mu roiti vajongana lao tadira qaike tavaraguanigou, mu tepa vaniria na mana sira qai lelevenigou, beto mu vavara tokaniria sira qai ngangangulugou.
Ba isa sa poreveveina jola sa mu vaneqia na toa vairoqu, ura na tinoni sa vairoqu sa sa boka doro vajola pale sa na sela tana goto tinoni.