Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.
Ə gbɔ ə gbɔ ndə kə pa ə̈bə̈ əzü yində nə ndə kə tshu mbrə ə̈bə̈ ə̂rɔ̂ əzü. Ə̈bə̈ əzü lï əte ndə kə pa tshə tshu mbrə ə̈bə̈ awoma ə̂rɔ̂ ərə. Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.
əndje nɔ̂, əndje mbrə̂ nyaka gâ ye â äwä ə̂yî Ndjapä kânga tə̂ əndje gâ ye. Bale, Ndjapä, lə ə̂rɔ̂tə̂ ye, mbrə̂ əndje tə aə̂rɔ̂ azü lə ala ye tə ambanə, tə̂ äwä Jezu Kristə nə ə̂në tshə djɔ əndje lə nyaka nə kɔ.
Əde kə lï ndə kə pa tshə sɔ əzə̂ gashe tə̂ kə yində əzə̂ ə̂në Kristə nə yîndə əzə̂ kɔ? Ərə əyo wala âgbɔ̂ awa wala ərə kanga ə̂në azü ə mbrə tə̂ əzə̂ kɔ wala əgo wala aərə ə̂në a sə sə də nə ne kɔ wala ə̈bə̈ əmbrʉ ərə wala kuzu a?
Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.
Əzə̂ nɔ̂ ndje, a sə̂ leme-e lə takpa tə̂ əndje ə sə̂ kə mbrə tə̂ əzə̂ Lïndə̂ aəgo lɔsu əzə̂, â sə̂ kə mbrə aərə ə̂në ə na gâ tə̂ lɔsu əzə̂ ndje gâ lə akrɔ əzə̂ kɔ, â əzə̂ lï kəmə rə də əkɔ nə̂ Ndjapä, mata ə̂dû azü nɔ̂.
Bale, Ndjapä nə sə kə wu əyo azü ngbatshe â sə kə yində əzə̂ tə bandanə. Âdârə ə̂në, əzə̂ ə̂në a tshû mbrə aəmbrʉ aərə nə̂ əzə̂ nə gâ ye kɔ, tshə mbrə̂ əzə̂ də a-Kristə tə asorô gâ ye. Tə̂ äwä ə̂rɔ̂tə̂ Ndjapä də̂ e shê lə kuzu gâ ye kɔ.
Bale, alɔ ə̂në Ndjapä, tə Awoshe əzə̂, mâ ə̂rɔ̂tə̂ ye gashu kə azü nɔ̂ ə yîsə̂ äwä ə̂në tshə yîndə əndje də nə kɔ gashu gâ ye kɔ, tshə shê əzə̂ lə kuzu gâ ye. Ə də̂ mbrə aərə ə̂në a mbrə̂ kəmə də äwänə kɔ də̂ tshə shê əzə̂ lə kuzu nə kɔ ne, bale mbrə ə̂në, ətshə də ə̂tə̂ ye, tshə wû əyo əzə̂ kɔ də̂ tshə shê əzə̂ lə kuzu nə tə̂ äwä ə̂ngû kə zu əzə̂ tə tafa nə ə̂në tshə yɔ̂ əzə̂ lə nə gâ ye kɔ də tafa kə sə əzə̂ ə̂në Âgbɔ̂ Yîrə̂ nə zâ äwä nə kə əzə̂ gâ ye kɔ. Ndjapä nə wlâ Âgbɔ̂ Yîrə̂ nə gâ pâ əzə̂ tə âkrâ ə rô pâ nə, tə̂ äwä Jezu Kristə, Awoshe əzə̂,
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
Äwä ə̂në Ndjapä nə yîsə̂ kə yində əzə̂ ə̂në tshə yîndə əzə̂ kɔ gashu kɔ kə səye: tshə wlâ Ɨrɨ nə kʉ kpiabale gâ pâ ashɔ ndə kə pa a sə də sorô tə̂ äwä ye.
Tshelə âdâ kə yi tə̂ nə kə səye: ə də̂ əzə̂ də̂ kə yində Ndjapä nə ne, bale ətshə, tshə yîndə əzə̂ ə wlâ Ɨrɨ nə ndə kə pa tshə tshu mbrə əzə̂ ə gba tshelə anyaka lə kumu əzə̂.
Ənə̂ əzə̂, kə yi tə̂ sə tə̂ lɔsu əzə̂, mbrə ə̂në ətshə, Ndjapä nə, tshə yîndə əzə̂ angbʉlînə.
A wusə̂ kə yi tə̂ tə̂ äwä ərə səye: Jezu Kristə nə kâ tə̂ ye də sorô ye nɔ̂ mbrə əzə̂. Əzə̂ ndje, a lï ndə kə pa a ka tə̂ əzə̂ də sorô əzə̂ nɔ̂ mbrə alaye əzə̂.
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
Əzü ə̂në tshə yində bəngâ nə, tshə sə kə ru tshelə ye, əzü ə̂në tshə yində bəngâ nə, tshə sə kə ma ə̂rɔ̂ nə kə ətshə, tshə sə sə kə za tshelə ye gâ tə̂ ye ne. Əzü ə̂në tshə yində bəngâ nə, tshə sə sə kə da əkro ye ne, tshə sə sə kə ma gao ne, tshə sə sə kə mbrə ərə gana ne, tshə sə sə kə pra ərə kʉ mbrə ətshə ne, tshə sə sə kə ma əkɔ ne, tshə sə sə kə bata əpʉ tə̂ lɔsu ye ne.
Tshelə ye sə sə kə mɔ tə̂ əmbrʉ ərə ne, bale tshelə ye sə kə mɔ tə̂ djatra əpʉ. Tshə sə kə gba tshelə aəpʉ nɔ̂ lə akrɔ bəngâ nə, tshə sə kə yində aəpʉ nɔ̂ də lɔsu ye, tshə sə kə za lɔsu ye gâ pâ aəpʉ nɔ̂, tshə sə kə ru ə ru lə aərə nɔ̂.
Əpʉ gâ pâ kə yində alayïəpʉ nə̂ əzə̂
«E djî əpʉ ə̂në əndje pâ gâ ye kɔ ə pa: "Yïndə ngâ zə ə wə̈ra tə̂ zə tə̂ əyïkowɔ nə̂ zə." Bale, əmə, mə pa kə e ə pa: e yïndə alayïkowɔ nə̂ e. E yü Ndjapä mbrə azü ə̂në əndje ma ərə kanga kə e kɔ. Rəkɔ, e sə kə sə tə aləvu Abä e ə̂në tshə sə mâ lafɔ kɔ. Mbrə ə̂në tshə mâ â alɔ nə̂ ye tɔ pâ alayïnyaka də aə̂rɔ̂ azü. Tshə mâ â yavrɨ ni pâ azü ə̂në əndje sə kə ma ərə də äwänə də azü ə̂në əndje ma aərə ma də äwänə ne kɔ. Kədə e yində kʉtə̂ azü ə̂në əndje yində e kɔ, ərə yekɔ də̂ e sə kə sɔtə̂ nə? Ə də̂ kʉtə̂ ərə ə̂në aaworɔ ngendja lapɔ ə ma kɔ də̂ kə sə̂ ne a? Kədə e bla kʉtə̂ alaye e, ərə yekɔ də̂ e ma â ro ə̂dû azü? Ə də̂ kʉtə̂ ərə ə̂në azü ə̂në əndje wusə̂ Ndjapä wu ne kɔ ə ma ndje də ə̂tə̂ əndje kɔ də kə sə̂ ne a? E sə̈ tə aə̂rɔ̂ azü lə aərə nɔ̂ mata ə̂në Abä e ə̂në tshə sə mâ lafɔ sə tə ə̂rɔ̂ nə nɔ̂ kɔ.»
E yïndə alayïkowɔ nə̂ e
«Mə pa kə e, e-e ə̂në e sə kə dji əpʉ nə̂ əmə kɔ: E yïndə alayïkowɔ nə̂ e! E mbrə̈ ə̂rɔ̂nə kə azü ə̂në tshelə əndje yində e yi ne kɔ! E tö ngwarə gâ pâ azü ə̂në əndje dra e kɔ ə yü Ndjapä mbrə azü ə̂në əndje sə kə ma kanga tə̂ e kɔ!
Angbʉlînə lə aərə nɔ̂, e yï tə̂ e lə takpa tə̂ e də lɔsu e nɔ̂, mbrə ə̂në «kə yi tə̂ sə kə tshu tshepa ə̂kpû anyaka.»