Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
Sǝ Ɓakuli ka lǝmdǝa sǝm earcearǝu male ani: Mǝnana sǝm nda ka amǝ’cauɓikea più ka, Kǝrǝsti yi wú ace sǝm.
Ndanǝ kwano aban aɓwana pas mǝnana ɓwa nǝ̀ wú ace mǝ’cauɓoarna ka, earka ɓwa nǝ̀ gandǝ wú ace mǝpagbasha. Sǝ Ɓakuli ka lǝmdǝa sǝm earcearǝu male ani: Mǝnana sǝm nda ka amǝ’cauɓikea più ka, Kǝrǝsti yi wú ace sǝm.
Acemǝnana koyan ngga pàngŋǝ̀nà cauɓikea, sǝm kat ka sǝm gattì doɓoarɓwa mala Ɓakuli. Kat andǝ amani ka, Ɓakuli nǝ ɓwamuru male, nyesǝ sǝm, sǝm duk amǝ’cauɓoarna. Yì ka, pak mǝnia ka nǝ bu Kǝrǝsti Yesu, mǝnana akmúr sǝm ngga.
Sǝ, yana nǝ̀ gau sǝm sǝnǝa earcearǝu mala Kǝrǝsti? Tanni na nǝ̀ tsǝk ka le, ko do mǝkwane, ko pàtanni, ko nzala na, ko tǝ̀r na, ko kum ɓamuru aɓa ká-mǝɓane na, ko a na raka, lú na le?
<<Ɓakuli ka earce ɓanza kǝ̀rkǝ́r, sǝ yi pâ kǝ̀ Muna male mwashat ace mǝnana ɓwa mana kat pà ɓamúrì a baní ka ɓǝ̀ kǝa kìɗìkì ɓǝ̀ ueɓà ɗàng, ɓǝ̀ kum yilǝmu mǝnana málá male pà kàm raka.
Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggūrǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealu ma’sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka. Sǝ acemǝnana mǝsǝswatǝr mala Ɓakuli gul kpǝm, sǝ earce sǝm kǝ̀rkǝ́r ka, nda gìr nî sǝ kat andǝ wú mǝnana sǝm wu aɓalǝ acauɓikea ma’sǝm ngga, yi pa sǝm yilǝmu nǝ loasǝo mǝnana loasǝ Kǝrǝsti a ɓembe ka. Kǝ ɓwamuru mala Ɓakuli nda nǝmurǝì amsǝ wun ngga.
Sǝ lang Ɓakuli Mǝ’amsǝ sǝm yì lǝmdǝna ɓwamuru andǝ earcearǝu male ka, yi amsǝ sǝm. Sǝa ma pa ace kǝgìr mǝɓoarne mǝnana sǝm pàk ka ɗàng, nda àkǝ̀ ce mǝsǝswatǝr male sǝ amsǝ sǝm. Lak sǝm, sǝ pà sǝm bǝsa ɓǝlban andǝ bǝsa do, nǝ rǝcandǝa mala Bangŋo Mǝfele; Bangŋo Mǝfele male mǝnana soapa sǝmi aɓa paɓoro male, nǝ bu Yesu Kǝrǝsti Mǝ’amsǝ sǝm ngga.
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
Earcearǝu ka ndanǝ
munyi,
andǝ pe mǝɓoarne.
Earcearǝu ka kǝ pak
mɓali ɗang, kǝ nggori,
ko gusǝlǝ-múrû ɗang.
Earcearǝu kǝ pa
arkikun ɗang,
pànǝ earce-ɓamuru ɗang,
sǝ kǝ kaurǝa arǝ pak
bumlulla ɗang.
Earcearǝu kǝ bwal ɓwa
a bum ɗang.
Ban kǝ ɓoari wi arǝ
ɓealɓikea ɗang,
ban kǝ ɓoari wi arǝ mǝsǝcau.
Earcearǝu kǝ bwaki buì
arǝ ɓwa ɗàng.
Earnǝɓwa male,
andǝ tsǝkɓalǝu male,
andǝ gandǝrǝu male
aɓalǝ agir kat ka
kǝ kpa ɗang.
Yesu kanigir amur earce aɓio amǝbura
Wu ongŋǝna à bang ama, <<Earce ɓio mǝ’murkala,>> sǝ wu ɓinǝ ɓiomǝbura. Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pakhiwi ace aɓwana mǝnana à ɓinǝmǝsǝ wun sǝ à kǝ pa wun tanni ka. Ɓǝ̀ wu pak anggo ka wun nǝ̀ duk amuna mala Tár wun mǝnana a kùli ka. Acemǝnana yì ka, kǝ tsǝk pwari male kǝ ta amur aɓwana amǝɓane andǝ amǝɓoarne, sǝ kǝ nya mbulo amur amǝ pàk cauɓoarna andǝ amǝ pàk ɓealɓikea. Ɓǝ̀ earcearǝu ma’wun ngga nda ace amǝ’earce wun nǝmurǝia ka, ya tangnakusǝu na wu ndanǝi? Nggearǝ amǝ’cauɓikea ka anggo sǝ à pakkiyia. Sǝ ɓǝ̀ amǝ’eam wun na nǝmurǝia wu makkiyia kún ngga, nǝ man sǝ wu kútì acili aɓwana mǝnana amǝkpatam na raka? Nggearǝ amǝɓanza ka anggo sǝ à pakkiyia. Ace mǝno ka, wu lùmsǝ nǝ cauɓoarna kǝla mǝnana Tár wun mana a kùli ka lùmsǝ nǝ cauɓoarna ka.
Wu earce aɓi wun amǝbura
Sǝama ǝn nggǝ bangga wun, wun mǝnana wu kǝ oem ngga: Wu earce aɓiwun amǝbura, aɓwana mǝnana à kǝ ɓinǝmǝsǝ wun ngga, wu pakkia wia mǝɓoarne. Aɓwana mǝnana à kǝ su wun ngga, wu tsǝkia wia bu. Aɓwana mǝnana ce wun kǝ shiria ka, wu pakkia wia hiwi.
A dǝmba nǝ koya gìr ka, wu lidǝmba nǝ lǝmdǝià rǝ wun earcearǝu mǝlime, acemǝnana earcearǝu ka, kǝ gír múr acauɓikea pas.