Amor próprio

14 मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।

तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।*

17 ओ परमेशर, तेरे बिचार मेरिया तँईं कितणे कीमती ए!

तिना री गिणतिया रा जोड़ कितणा बड़ा ए!

18 जे आऊँ तिना खे गिणदा तो सेयो बालूए रे कणा ते बी जादा ऊणे थे।

जेबे आऊँ जागूँआ, तेबे बी तां साथे रऊँआ।

3 जेबे आऊँ सर्गो खे, जो तेरे आथो रा काम ए

ओर चाँद ओर तारे, जो तैं ठराई राखे, देखूँआ;

4 तो तेबे माणूं क्या ए कि तूँ तेसखे याद राखे

ओर आदमी क्या ए कि तूँ तेसरा त्यान राखे?

5 परमेशरे आसे माणूं आपू ते थोड़े ई कम बणाई राखे

ओर तैं आसा खे महिमा ओर इज्जती रा मुकट पन्याई राखेया।

7 से कंगाल़ा खे माट्टिया पाँदा ते

ओर गरीबा खे स्वाई रे टेरो पाँदा ते चकी की ऊच्चा करोआ।

8 ताकि तेसखे परदाना साथे,

मतलब आपणी प्रजा रे परदाना साथे बठयाल़ो।*

7 पर यहोवे सेमुएलो खे बोलेया, "ना तेसरी शक्ला खे देख ओर ना ई तेसरे कदो खे देख, कऊँकि मैं से नि चूणी राखेया, कऊँकि यहोवे रा देखणा माणूंआ जेड़ा नि ए, माणूं तो बारला रूप देखोआ, पर परमेशरो री नजर मनो पाँदे रओई।"

9 पर तुसे एक चूणे रा वंश और राजपदधारी, पुरोईता रा समाज, पवित्र लोक और परमेशरो री निज प्रजा ए, इजी री खातर जिने तुसे न्हेरे ते आपणी नऊखी जोतिया रे बुलाए, तेसरे गुण सामणे ल्याओ।

6 दो पैसे रिया पाँज चिड़िया बिकोईया? तेबे बी परमेशर तिना बीचा ते एकी खे पनि पुलदा। 7 बल्कि तुसा रे सिरो रे बाल़ बी सारे गिणे रे ए, तो डरो नि, तुसे बऊत चिड़िया ते बढ़ी की ए।

3 कऊँकि आऊँ तेसा कृपा री बजअ ते, जो माखे मिली री, तुसा बीचा ते हर एकी खे बोलूँआ कि जेड़ा समजणा चाईयो, तिजी ते बढ़ी की कोई बी आपू खे नि समजो, पर जेड़ा परमेशरे हर एकी खे विश्वासो रे नतीजे रे मुताबिक बांडी ता रा, तेड़ा ई अच्छी सोचा साथे आपू खे समजो।