Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Au e hagaamu Goe i doo hai au hagahumalia ge haga goboina,
au mee huogodoo ala e hai le e haga goboina gei e humalia huoloo.
Au gu iloo eau di mee deenei mai i lodo dogu manawa hagatau.
Meenei God, do manawa le e modongoohia ngadaa mai gi di au!
E logowaahee go au haga mamaanadu!
Maa au gaa hai bolo e dau nia maa,
ma koia e logowaahee i nia gelegele ala i tongotai!
Au ne ala aga, gei au i doo baahi hua igolo.
Dogu mmada gi di langi dela ne hai Kooe,
mo di malama mo nia heduu ala ne dugu Kooe gi nadau lohongo,
gei au e hagabaubau boloo,
"Tangada la di aha dela e haa manawa iei Goe,
tangada hua dangada, gei Goe e madamada humalia ai?"
Goe ne hai a mee gi mada dulii gi lala i di Goe,
gei Goe gu hagauda gi mee di hau madamada king mo di aamua.
Mee e dahi aga digau hagaloale mai i nia gelegele.
Mee e hagahumalia digau ala gu nadau hagamaamaa ai gi daha mo nadau haingadaa,
gaa hai digaula gii hai nia hoo ni digau aamua, go digau aamua ni ana daangada.
Gei Dimaadua ga helekai gi Samuel, "Goe hudee mmada gi di looloo be go di madanga o tangada, ma hagalee deenaa go dagu dangada ne hilihili aga. Agu hagamaanadu la hagalee hai be di hagamaanadu o nia daangada. Nia daangada le e mmada hua gi tuaidina dangada laa daha, gei Au e mmada gi lodo o tangada mo ono ada haga maanadu."
Gei goodou la go di madawaawa ne hilihili, digau hai mee dabu ni di king, nia daangada dabuaahia, nia dama donu a God ne hilihili aga belee hagadele nia mee haga goboina ala ne hai gi ono lima, dela ne gahigahi mai goodou gi daha mo di bouli, gaa dugu goodou gi lodo dono maalama madamada.
"Nia lomilomi e lima le e hui hua gi nia teenedi e lua, gei God e hagalee de langahia dahi lomilomi. Nia ngaahulu o godou libogo hogi la guu lawa di dau. Deelaa laa, hudee mmaadagu, goodou koia e mada hagalabagau laa hongo nia lomilomi e logo!
Idimaa, mai i tumaalia dehuia o God dela ne gaamai gi di au, au e helekai adu gi goodou huogodoo gi hudee hagabaubau bolo goodou e aamua. Goodou hagabaubau gii donu, tangada nei mo tangada nei, gii bida hagadina eia gii tau anga gi di hagadonu dela ne wanga go God gi deia.