Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Ncîkwitakîre bulya oku wanjirîre kusômerîne,
bulyâla emikolo yâwe eri ya kurhangâza.
Omurhima gwâni ogumanyire bwinjà,
Enkengêro zâwe Nnâmahanga,
mbwîne ziri ndârhi; gunali mwandu, zirhankaganjwa!
Erhi nderha nti nziganje zoshi,
nashanga zo nyinji oku mushenyi;
erhi nankaderha nti namâyûsa lêro,
nnanashanga rhwembi rhuciri.
Akanwa k’abâna b’ebirhaba n’abaciyonka,
karhubwiriza irenge lyâwe kanahulisa abashombanyi bâwe;
lyo abanzi n’abagoma bahirigirha.
Nkalola amalunga eminwe yâwe yàmanikaga,
n’omwêzi n’enyenyêzi walemaga:
Omuntu aligi cici mpu wamuyibuka,
mwene-Adamu aligi ndi mpu wamushîbirira?
Ye rhenza omuzamba omu katulo Ye nayimanza omukenyi, amukûle oku cavu.
Amutamaze oku ntebe haguma n’abaluzi, haguma n’abaluzi b’omulala gwâge.
Nyamubâho abwîra Samweli, erhi: «Orhashimbaga iranga n’ecirhuluko, nyegwire oyo bulya arhali oku omuntu abona kwo Nyamuzinda abona. Omuntu abona iranga, ci Nyamubâho yêhe murhima abona..»
Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhamagala mpu mujè omu bulangashane bwâge bw’okusômeza;
Ka bitora birhanu birhagulwa bujuma bubiri? Na ntâco muli byo ciyibagirwa na Nyamuzinda! Ciru n’emviri z’irhwe linyu ziri nganje zoshi. Murhayôbohaga; mulushire olugù lw’ebitora.
Enshôkano nahîrwe erhumire, mbwîzire ngasi muguma muli mwe nti murhakâg’icîgenza okulushire olugero, ci mucîlole okunakwânîne, nk’oku Nnâmahanga anagabîre ngasi muguma erhi amushobôza obuyêmêre.