14 Yu yu mekem mi

long fasin we i narafala,

mo i nambawan olgeta.

Mi mi ona long yu,

mo mi presem nem blong yu from.

Olgeta samting we yu yu mekem

oli gud we i gud tumas.

Samting ya,

mi mi save we mi savegud.*

17 God,

i strong tumas

blong mi kasem ol tingting blong yu.* ol tingting blong yu oli gud we i gud tumas.

Olgeta oli plante we plante.

18 Sipos mi kaontem olgeta,

bambae mi faenemaot se oli plante moa,

i winim sanbij long solwota.

Sipos mi mi slip,

nao mi wekap bakegen,

be bambae mi stap wetem yu yet.

3 Taem mi mi luk skae

we yu yu mekem,

mo mi luk mun mo ol sta

we yu yu putum olgeta oli stap

long stret ples blong olgeta,

4 ✝mi luk man se hem i nating nomo.

I no stret

blong yu yu tingbaot hem.

I no stret nating

blong yu lukaot gud long hem.

5 Be yu yu mekem hem,

yu leftemap hem i hae we i hae,

we yu nomo yu hae moa long hem.* hae moa long hem.

Yu mekem hem i olsem king,

yu givim paoa long hem

mo yu leftemap nem blong hem.

7 Hem i stap leftemap ol puaman,

i stap tekemaot olgeta

long ol trabol blong olgeta.

8 Hem i stap mekem olgeta

oli joen wetem ol pikinini blong king,

we oli haeman blong ol man blong hem.

7 Be Hae God i talem long hem se, "Yu no tingbaot we man i longfala man mo i naes. Mi mi no wantem man ya, from we fasin blong mi blong lukluk man i no olsem fasin blong man. Man i stap lukluk long bodi blong man nomo, be mi mi stap lukluk long tingting blong hem."

9 ✝Be yufala, God i jusumaot yufala blong yufala i laen blong hem. Yufala i pris blong King. Yufala i man blong wan kantri nomo, we yufala i tabu man blong God, mo yufala i man blong hem nomo. Hem i mekem olsem long yufala, blong yufala i save talemaot ol gudgudfala wok blong hem. Hem i singaot yufala finis blong yufala i aot long tudak, yufala i kam long gudfala laet blong hem.

6 Ol smosmol pijin ya we man i stap salem olgeta, wan handred twanti vatu* long faef, be i no gat wan long olgeta we God i fogetem samtaem. 7 Yufala i luk. Ol hea blong hed blong yufala, be hem i kaontem evriwan. Yufala i no fraet. Long fes blong hem, yufala i gud moa, i winim plante smosmol pijin ya."

3 Mo from we God i givhan gud long mi long gladhat blong hem, mi mi talem long yufala evriwan, se yufala i no mas letem tingting blong yufala i go antap. Tingting blong yufala i mas stret gud, mo yufala i mas makem laef blong yufala, stret long fasin blong bilif ya we God i givim long yufala.