Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
मी तुमची स्तुती करतो,
कारण तुम्ही मला भयपूर्ण व अद्भुत रीतीने निर्माण केले आहे;
तुमचे हे कार्य किती अद्भुत आहे,
हे मी पूर्णपणे जाणतो.
हे परमेश्वरा, माझ्याबद्दलचे तुमचे विचार किती मौल्यवान आहेत!
अबब, किती अगणित आहेत ते!
जर मी त्याची गणती केली,
तर ती वाळूच्या कणापेक्षाही अधिक होईल—
मी सकाळी जागा होतो, तेव्हाही मी तुमच्या समक्षतेत असतो.
जेव्हा तुमच्या बोटांची रचना असलेल्या
आकाशाकडे बघून मी विचार करतो,
चंद्र आणि तारे यथास्थानी
स्थापित केलेले पाहतो,
मनुष्य तो काय की तुम्ही त्याची आठवण ठेवावी?
मानवप्राणी तो काय की तुम्ही त्याची काळजी करावी?
तुम्ही त्यांना देवदूतांपेक्षा किंचित कमी असे घडविले आहे.
गौरव आणि सन्मान यांचा मुकुट तुम्ही त्यांच्या डोक्यावर ठेवला आहे.
ते दीनांस धुळीतून वर काढतात,
आणि गरजवंतास राखेच्या ढिगार्यातून वर उचलून घेतात;
ते त्यांना राजपुत्रांबरोबर,
आपल्या प्रजेच्या प्रधानांसह बसवितात.
परंतु याहवेह शमुवेलला म्हणाले, "त्याचे रूप किंवा त्याची उंची यानुसार जाऊ नकोस, कारण मी त्याला नाकारले आहे. मनुष्य पाहतात त्याप्रमाणे याहवेह पाहत नाहीत. मनुष्य बाहेरील रूप पाहतात, परंतु याहवेह हृदय पारखतात."
परंतु तुम्ही निवडलेले लोक, राजकीय याजकगण, पवित्र राष्ट्र, परमेश्वराचे विशेष धन आहात, यासाठी की ज्यांनी तुम्हाला अंधारातून काढून त्यांच्या अद्भुत प्रकाशात आणले त्यांच्या स्तुतीची घोषणा करावी.
पाच चिमण्या दोन पैशात विकत नाहीत काय? तरी त्यापैकी एकही चिमणीचा परमेश्वराला विसर पडत नाही. खरोखर, तुमच्या डोक्याचे सर्व केसही मोजलेले आहेत. म्हणून भीती बाळगू नका; कारण तुम्ही पुष्कळ चिमण्यांपेक्षा अधिक मोलवान आहात.
ख्रिस्ताच्या मंडळीत विनम्र सेवा
मला दिलेल्या कृपेने मी तुम्हातील प्रत्येकाला सांगतो: स्वतःला वाजवीपेक्षा अधिक समजू नका, तर आपणास परमेश्वराने प्रत्येकाला वाटून दिलेल्या विश्वासाच्या परिमाणाप्रमाणे मर्यादेने स्वतःला माना.