14 Apaki nikech ne ichweya mongʼith kendo malich miwuoro;

tijeni misetimo lich,

kendo angʼeyo mano maber.

17 Mano kaka pachi tutna, yaye Nyasaye!

Mano kaka gingʼeny mokalo akwana kargi duto!

18 Ka dine bed ni anyalo kwanogi,

to dine giloyo kuoyo gi ngʼeny.

Sa ma achiew to ayudo

ni pod an mana kodi.

3 Kaparo polo mari

ma gin tich lweti,

kaparo dwe gi sulwe

miseketo kargi,

4 to dhano adhana to en angʼo momiyo ipare,

wuod dhano to en angʼo momiyo iketo pachi kuome?

5 Ne ichweye mapiny ne malaike

kendo isesidhone osimbo mar duongʼ kod luor.

7 Otingʼo joma odhier malo kogolo piny e lowo;

adier, ogolo joma ochando e pidh buru,

8 kendo oketogi gibet kaachiel gi ruodhi,

mi kwan-gi kaachiel gi jotend jogi.

7 To Jehova Nyasaye nowachone Samuel niya, "Kik ingʼi ber mar dende kata borne nikech asedage. Jehova Nyasaye ok ngʼi gik ma dhano ngʼiyo. Dhano ngʼiyo ber ma oko, Jehova Nyasaye to ngʼiyo chuny."

9 Un to un jogo moyier. Un jodolo ma joka Ruoth kendo un oganda maler mar Nyasaye mane oyiero mondo ohul tijene miwuoro, kane oluongou mi ua e mudho kendo udonjo e lerne miwuoro.

6 Oyundi abich donge ingʼiewo otonglo ariyo kende? To kata kamano kata achiel kuomgi wi Nyasaye ok wilgo. 7 Chutho, kata mana yie wiu duto osekwan mongʼe kar rombgi. Kik uluor, nikech uloyo oyundi nyadi mangʼeny.

3 Nimar kuom ngʼwono mosemiya, awacho ni ngʼato ka ngʼato kuomu ni: Kik ipar ni iduongʼ moloyo kaka ichal to ket pachi kare eka ingʼad buchi kaluwore gi kar rom yie ma Nyasaye osepogoni.