Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Gu be pining e sorok ngom, ya gur e ngan rus ngom;
urngin e tin ga ma rin’ e dabiyag ni nge tamilangan’uy riy, ma rib fel’.
Gu manang u lan ngorongoreg ni polo’.
A Got, rib mo’maw’ ni nggu nang fan e leam rom;
ya pire’ ni bay!
Ra nggu the’eg ma pire’ ko yan’.
Ra gu od, ma ku gu bay rom.
Fa’an gu ra yaliy lanelang ni gur e kam sunumiy,
nge pul nge pi t’uf riy, ni gur e mu ayliyrad nga tagil’rad,
me lungug u wun’ug, girdi’ e mang ni ngam leamnag;
kemus ni yad e girdi’, ma ri yad ba t’uf rom?
Machane kam tay ni kemus ni go’ gur e ga ba tolang rorad;
kam teeliyaw nagrad ko tayfan nge flaab.
Me suwonnag e pi’in gafgow u fithik’ e ab;
me chibiy e pi’in bt’uf e ayuw rorad u fithik’ e gafgow
me tayrad ngar manged fager ko pi’in pagel ni fak e pilung,
fapi fak e pilung ko girdi’ rok.
Machane me ga’ar SOMOL ngak, "Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’."
Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.
"Gathi yira pi’ nchuway’ lal fa nochi arche’ ni sparrow fithingan ma kemus ni l’agruw e salpiy nrow puluwon? Machane dariy ta’a bagayad nike pag Got talin. Mus nga piyan lolugmed ni kem’ay i the’eg. Ere dab mu rusgad, ya ka ba ga’ famed ngak bo’or fa nochi arche’ ni sparrow fithingan!
Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.