Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
<<Domici Yam ndu atl kundǝrǝndlip naaro, ar ni tǝ bi nya gǝs nǝm kan ra bom gwa, den’e muntu kup ngǝsh den tiwo, ba dǝ tǝ liika katl da’a ama tǝ zam ge mbatl tu kan baa pa dagwa.
<<Pel kulci ni a bi ine. Ndu ni ya’ǝni. Kandatu a ndu kǝn gwa, untun kǝn ma ar nǝm kǝ ndu ni ya’ǝni. Na untun mbarǝm kup baa mom’e kǝn mir mǝn kulci karǝm ni, kǝn ni kǝ ndu ya’ǝn gwa.>>
Ndutǝn ba te mbatl kar ka, ndutǝn ba kem dǝ pi ho bar mbarǝme. Ndutǝn ba pi ghuve da’a, ar ba kem ɓe ngetl da’a, ar ba kem giɓǝr gam da’a.
Ndutǝn na nge kumi jen da’a, tǝra na ndu’i gam da’a, tǝ pi lo na murgon da’a, tǝ ne gem kǝ wani bar da’a. Ndutǝn ba pi ghol mbatl na ɗasi tu da’a, ama tǝ pi ghol mbatl na argon tu kan ge shirǝm ni gwa. Ndutǝn na te mbatl kar ka gip bar kup, ndutǝn ba kem yerda na bar kup, ndutǝn na la’i mbatl gip bar kup, ndutǝn ra na ɓali mbatl dom gami gip bar kup.
Ndutǝn ba pa da’a. Ama yari shirǝm kǝ Yam ba paka, mani shirǝm gip bi na womti ba jilka, las tu momi bar rawo ar ba paka.
Kup muntu ba pi ndutǝn dawo, tǝ mom Yam da’a domici Yamo ndutǝn ni.
Las tu ndutǝn kǝ Yam rawo bǝrti ra da’a. Ho ndutǝn ba ɗǝli ni bǝrti ka. Mbarǝm nǝra na bǝrtiwo, ai, den bǝrti kǝ hukuntetǝn ni. Untu ni ba gode’e muntu ba kum bǝrtiwo tǝ ɓa gip ndutǝn wi da’a.
Ndu’i Yam ni’e mǝ kop kulci gǝsi. Kulci gǝs ngap ar giɓǝr da’a
Ama Ruhu kǝ Yam ni ba kop nan miwo ar ba kem mi kǝ pi ndutǝne, na pi ghol mbatli, na dǝmi zhǝlili, na te mbatl kaarka, na pi mbarǝm ho bari, na pitǝn dlat, na pi aminci,