Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
God binɨb lum awl mɨdupsek kɨlop mapen lak anɨb ak tek, Ñɨne nokom ak kɨlop nen agɨl ñak agak. Ak nɨm, binɨb mɨdupsek nop gos lɨnɨgɨnɨgabal okok, pɨsnep ma kul gɨnɨgel, pel pelnep yenɨgel agak.
Pen mɨñɨl nɨbop takaw adek kɨdeyɨl ak olap agñebin agak. Takaw kɨdeyɨl anɨb ak nɨm, nɨbi ke penpen mapen lɨnɨmɨb agak. Yad nɨbop mapen lɨpin tek, nɨbi abe penpen mapen lɨnɨmɨb agak. Nɨbi ke anɨgɨl penpen mapen lenɨgabɨm, binɨb okok mɨdupsek nɨgtep gɨl nɨgɨnɨgabal, nɨbi bɨyad mɨdebɨm agak.
God pen, ne ke chɨnop mapen lup ak mɨseŋ gɨ yomak. Chɨn binɨb tap si tap tɨmel pel gɨpun ñɨn ak, chɨnop mapen lɨl Klays nop agyokek apɨl, chɨnop nen kumak.
Pen yad anɨb ak gos nɨgtep yɨbɨl gɨpin. Kumeb akaŋ pel mɨdep okok, ensel akaŋ kɨcheki okok, tap mɨñɨl mɨdeb akaŋ tap kɨdek ownɨgab okok, tap kɨles tɨmel mɨdeb okok, tap adek alaŋ mɨdeb akaŋ tap muk ayaŋ mɨdeb okok, tap tɨtay God gɨlek mɨdeb okok mɨdupsek, olap chɨnop gek, God chɨnop mapen lup ak pal okok yonɨgun tek ma lɨnɨgab. Mel yɨbɨl. Bɨawl chɨn Klays Jisas yɨl mɨdon God ne chɨnop mapen lup.
Bɨ binɨb ogɨnap kɨlop mapen lup ak, ne kɨlop gɨ tɨmel ma gup. Anɨb ak bɨ binɨb ogɨnap kɨlop mapen lup ak, ne takaw Mosis ñu kɨl tɨkak ak mɨdupsek gup.
Bɨ ak binɨb kɨlop mapen lup ak, ne anɨgɨl gup. Binɨb okok kɨlop yɨlɨk ma nɨŋɨd kabɨyam ma juwɨl, mapen nɨŋɨd dɨtep gup. Binɨb okok tap tep del, kɨlop mɨlɨk ma nɨgup. Yad yɨb awl mɨdebin agɨl gos ma nɨŋɨd, yɨb ne ke dad ma aplanub. Ne ke tap ak tap ak gɨlɨg suk awl ma gup. Tap ne okok nep gos ma nɨgup. Mɨlɨk kasek ma nɨgup. Binɨb okok nop gɨ tɨmel gel, gos anɨb ak nɨgɨlɨg ma mɨdeb. Binɨb tap tɨmel gɨpal ak, nɨgek nop tep ma gup ak pen, kɨli tap gɨtep gɨpal ak nɨgek, nop tep gup. Tap tɨmel okok nop gek ma apyap pakup. Pel Klays nop gos lɨnɨŋɨd, mɨdtep gɨnɨgayn agɨl gos sek kod mɨdɨl, mɨŋel tɨtay apek, pel kɨles gɨl jak mɨdeb.
Binɨb kɨlop mapen lep anɨb ak, pel pelnep yenɨgab. Pen God binɨb gos ñek agñeb wog ak amek gɨjunɨgab. Kɨlop kɨles ñek takaw yɨbɨl keke apal ak amek gɨjunɨgab. Kɨlop kɨles ñek gos nɨgtep gep ak amek kul gɨjunɨgab.
God pelpel binɨb okok mɨdupsek mapen lup. Anɨb ak tek binɨb kɨli binɨb ogɨnap kɨlop mapen ma lɨpal okok, God nop ma nepal.
Binɨb penpen mapen lɨpal okok, tap olap nɨgel jel gek ma pɨlɨkɨpal. Anɨb ak tek, binɨb God ayɨp penpen mapen yɨbɨl lɨpal okok, pɨlɨkɨnɨgel tek ma yɨbɨl lup. Pen binɨb kɨli God nop mapen ma lɨl, binɨb okok kɨlop abe mapen ma lɨl, pɨlɨkɨpal. Taynen? Kɨli nepal, yul awl ak dɨnɨgabal.
God nop mapen lɨl nɨm, agak tek kɨdek gɨpun. Pen takaw ne agak anɨb ak, mɨŋel ma gup.
Binɨb pen God Kawnan ne ak kɨlop gos ñaknɨŋ gel amub okok, kɨli anɨgɨl gɨpal. Binɨb kɨlop mapen lɨl, mɨñmɨñ yɨbɨl gɨl, kɨmɨgel jɨmñɨl mɨdɨl, binɨb ogɨnap kɨlop tɨmel gel pen mɨlɨk ma nɨŋɨd, yɨmug nɨŋɨd, tap gɨtep gɨl, apal tek nɨŋɨd kɨdek gɨl,