Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Sababu ma Jo’oungu ma Dutu wadora ma sala 'o nyawa 'o duniaka ne’ena, sigado wokula 'awi Ngowaka womatengo-tengoka, la nago’ona yongaku de yomasiga-gao 'unaka, ge’ena koyobinasawa ma yamake 'o 'ahu kaisi’ado-'adonika.
Ngoi tinikulakau 'o besesongo ma sungi ge’ena la, nimasikabosono moi de moi. 'Isoka ngoi tinisibosono ngini, koge’enali mita ngini salingou nimasikabosono. Nako ngini nimasikabosono, 'o nyawa 'iodumu 'asa yanako 'ato ngini ge’ena to ngoi 'ai do-domoteke.>>
Ma ma Jo’oungu ma Dutu 'awi dora wosidumutu ngoneno gee ma 'orasi ma Kristus wosongene ma ngale wonasilaha ngone, ma 'orasi ngone kaposowonosi.
Sababu ngoi tongaku ma gou-goungu, kiaka naga bato 'o duniaka ne’ena, komoiwa 'idadi yatatoko ma Jo’oungu ma Dutu 'awi dora ngoneno. 'O songene bolo 'o 'ahu, 'o mala’ekati, bolo yopa-pareta bolo 'o sagala moi-moi gee podo-dodato ma 'orasi ne’ena de ma 'orasi ma du’uruoka, bolo 'iregu-reguosi gee 'ipa-pareta, 'okia sonaa 'o diwangoka, bolo 'o tonaoka bolo 'okia naga bato 'iregu-iregu, 'iodumu ge’ena koidadiwa yatatoko ma Jo’oungu ma Dutu wonadora ngone, 'isoka gee wosidumutokau ma Kristus Yesusoka to ngone nanga Jou.
'O nyawa gee yakidora-dora 'o nyawa 'ireguka, ge’ena ma raiokau koyodiaiwa 'o dorou 'o nyawaka go’ona. So 'o nyawa gee yakidora-dora 'o nyawaka, 'ona ge’ena yatotomokau 'o besesongo gee 'o Musa wositota-totara ma mau 'iodumu.
'O nyawa gee yakidora-dora 'o nyawa 'ireguka, 'ona ge’ena yosabari, manga singina 'isure, koi’iwa 'o daleana, koya’ena-'enawa, de koi’iwa 'o gedenge. 'Ona koyomadaduiewa, koyotabangamowa, koyopakisaawa 'o nyawa 'iregu yamoteke to 'ona ma sirete manga mau. Koitaituwa yomadegese ma ngale, de mita koyomado-donoakuwa manga singinaka. 'O nyawa gee yakidora-dora 'o nyawa 'ireguka, 'ona koyoduakuwa 'o dorou. 'Ona yoduaka 'iti-tiai. 'Ona yotahani yodaari 'o sagala moi-moi, 'ona ya’akunu manga ngo-ngaku tatapu 'ikua-kuata, de tatapu yomasinganono ma Jo’oungu ma Dutuka ngaro kokia naga bato ma lugo. De tatapu yosabari ngaro 'okia naga bato 'idadi.
'O dora ge’ena dua kaisi’ado-'adonika koitogumuwa. Ma 'o nyawa gee yositota-totara 'o Habari ma Jo’oungu ma Dutuno 'asa kaitogumoka, de 'o nyawa gee yobi-bicara 'o demo 'i’ini-'inioka 'ihera-herangi 'asa kayomaogoroka. De gee yodoto-dotoko ma ngale 'o nyawa winako ma Jo’oungu ma Dutu 'asa yomaogoro.
Nago’ona manga dora koi’iwa, 'ona kowinakowa ma Jo’oungu ma Dutu, sababu ma Jo’oungu ma Dutu ge’ena la 'o dora.
'O nyawa gee yamaokau ma Jo’oungu ma Dutu 'awi dora, 'ona koyakimodo-modonguwa; sababu 'o dora 'itoto-totomo yaisanga 'o sagala modongo. So 'o nyawa gee yakimodongo yodaari gee dua ma 'orasi 'inahakimi, ge’ena 'iwaitokau 'ato 'ona ge’ena koyamaowasi ma Jo’oungu ma Dutu 'awi dora 'itoto-totomo.
Sababu powisibosono ma Jo’oungu ma Dutu ge’ena ma ngale posingounu 'awi besesongo, de 'awi besesongo ge’ena nako ngone ge’ena pamao koitubusowa.
Ma nako 'o nyawa gee 'o Ngomasa 'Itebi-tebini yakiparetano ge’ena ma duanguku koneda: 'Ona yomasikabosono, kayomore-morene, manga singina 'isa-sanangi, manga sabari 'iamoko de yoduaka yoriwo, manga singina 'isure 'o nyawaka, de manga singina 'iboooto,