Amor
O amor é o maior mandamento e a essência de Deus. Deus é amor. Nós amamos porque Ele nos amou primeiro. O amor cristão é sacrificial, incondicional e eterno — refletindo o coração do Pai.
Deus é amor
Deus é amor. Quem permanece no amor permanece em Deus. Nós amamos porque Ele nos amou primeiro — com amor eterno.
Yoba ta dena muduna teie dinan, agiglema abaugloma ama dem muduo tenabuka paugwa
Ene dena muduna teiga meglkwa i, nono deno muduno ikne ikne tenamga paugwa. I siragl pre deno muduno tenamga mabuno i, God norukwa. Yoba ta dem muduo yoba pere togwa i, ye God gagigle ta moglsre, God pre kan erukwa yoba ta moglkwa. Ba yoba ta dem muduo yoba pere ta tekrukwa i, ye God pre kan erekrukwa paugwa. I siragl pre deno muduno tomga mabuno i, God mabunomo paugwa.
Yoba ta dena muduna teie dinan, agiglema abaugloma ama dem muduo tenabuka paugwa
Ene dena muduna teiga meglkwa i, nono deno muduno ikne ikne tenamga paugwa. I siragl pre deno muduno tenamga mabuno i, God norukwa. Yoba ta dem muduo yoba pere togwa i, ye God gagigle ta moglsre, God pre kan erukwa yoba ta moglkwa.
Ba yoba ta dem muduo yoba pere ta tekrukwa i, ye God pre kan erekrukwa paugwa. I siragl pre deno muduno tomga mabuno i, God mabunomo paugwa.
Te, God siragl mere dem muduo norukwa i, nono pre pogl sidre, pre medigl kodumga. Deno muduno teigwa mabuno God mina paugwa. Yegl pre yoba ta ege ege deno muduno yoba pere teigwa i, ye God bogl ikne ikne si dakagl meglkwa.
Nono deno muduno ikne ikne tomun, God dem muduo podo norukwa i, nono munara kau sinabuka. Kau sinan, God nono kan yubu sinabuka igne i, nono kudugl goglkre, moramga. I siragl pre Krais makadigle wan moglmere mere nono ere wan munga. Ana deno muduno tomga mabuno i nono munara kau sugwa igne, kudugl gunga mabuno i si meda edugwa. Yegl pre nono deno muduno yoba ta tomin, kudugl goglkramga. I siragl pre kudugl gunga i, God no sinabedi prisre, kudugl gunga. Te, nono kudugl ta gun, God dem muduo podo norukwa i, nono munara kau sikrukwa.
Te, God siragl mere dem muduo norukwa i, nono pre pogl sidre, pre medigl kodumga. Deno muduno teigwa mabuno God mina paugwa. Yegl pre yoba ta ege ege deno muduno yoba pere teigwa i, ye God bogl ikne ikne si dakagl meglkwa.
Ana God komono kana dem muduo norukwa pre nono yoba pere deno muduno tenamga kuno erukwa.
Ana God komono kana dem muduo norukwa pre nono yoba pere deno muduno tenamga kuno erukwa. Ba yoba ere mogl, deno muduno God tomniwe didre, ye agroma deno muduno tekribi, ka kibi digwa. I siragl pre ye agroma abaroma nogugl akie meglkwa tekrikwa panan, God ye ta kankrikwa pre deno muduno tomniwe dibi, kuno erekrabuka.
Na dena muduna teiga meglkwa i, God dem muduo yegl mere norukwa pre nono ama ikne ikne deno muduno tenamga paugwa.
Yoba ta God moglkwa ege swara kaima ta kankrikwa ba nono deno muduno ikne ikne tomun, ege i God nono munara suna morabuka. Te, ye dem muduo podo norukwa i, nono munara kau sinabuka.
Te, God yene lo ta padigl norukwa i, yegl paugwa, yoba ta dem muduo God tenan, ye agiglema ama dem muduo tenabuka keme pame dugwa.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa. Yoba ta makandigle taragl mere kan nenabuka ba agigle ta ibun inan, ye kandre, ake ple di tekran, God dem muduo norukwa mabuno i, agro i moglmara kogon erekrukwa mere yegl paugwa.
Na gagrama wagle, nono drano mina yoba deno muduno tomne dikramga ba mabuno eramnara i mina ka kaima i nogugl edinamga.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa. Yoba ta makandigle taragl mere kan nenabuka ba agigle ta ibun inan, ye kandre, ake ple di tekran, God dem muduo norukwa mabuno i, agro i moglmara kogon erekrukwa mere yegl paugwa.
Na gagrama wagle, nono drano mina yoba deno muduno tomne dikramga ba mabuno eramnara i mina ka kaima i nogugl edinamga.
Nono agroma abaroma deno muduno tomga pre geglkwa yugobuno kide kodo, u kor omnedi prumga. Ba agroma abaroma deno muduno tekrumun, nono geglkwa mabuno bogl si dakagl munedi pramga.
Nono deno muduno ikne ikne tenamga paugwa
Ana okna God ka ta dugo, ene prikwa i, yegl dugwa, Ene deno muduno ikne ikne teo dugwa.
Neno Kade dem muduo podo kaima norumedi prio! Na gagrama meglmiwe dugo, nono ka kaima ye gagiglma munga. Ba makandigle yoba Neno Kade pre kan erekrikwa pre nono ye gagiglma munga i ama pre kan erekrikwa.
Te, deno muduno God tenamga mabuno i, yegl mere paugwa, God ta erio dumere i, erumun, nono deno muduno God tomga mere yegl panabuka.
Te, God siragl mere erio di norukwa i, nono duglo boramga i, yubude ta paikrabuka.
Amor de Deus
Deus prova o seu amor em que Cristo morreu por nós. Deus amou o mundo de tal maneira que deu o seu Filho unigênito.
Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Ana yoba kabagle ta ere inagledi goran, ye deno muduno teigwa mabuno i, mudu egre i atne kaima edenabiwe dugwa.
Ana yoba kabagle ta ere inagledi goran, ye deno muduno teigwa mabuno i, mudu egre i atne kaima edenabiwe dugwa.
Na Nina dem muduo narumere yegl, na ama ene dena muduna teiga. Te, dena mudna teimara i mina atne mogl paio. Na Nina kamo duglo boglsre, ye dem muduo narumara i mina atne mogl paimere yegl, Ene na dena mudna tenaglmara atne mogl panaiglkwa i, na kana duglo beglbi, atne panaiglmiwe di, Jisas yegl dugwa.
Na ene ka ta duglo boraiglme di teiga i, Na ene dena muduna teimere yegl, ene ama agrama abarama deno muduno teo diga.
Ene deno muduno naribi, na kana duglo boraiglkwa.
Na ka tau duglo bolo diga i, yoba ta prisre, duglo borabuka i, yoba i dem muduo narukwa. Te, yoba ta dem muduo narukwa i, na Nina yoba i dem muduo tenabuka. Tenan, na ama siragl mere moglka i, yoba i obuno di tenaluwe dugwa.
Ana Jisas yegl di kodugo, Judas ta, ye Judas Iskariot moglkrukwa i, Jisas di pre, yegl dugwa, Yagl Kade yo, Siragl mabuno pre ene no keme obuno di norsre, yoba mudu pra pra obuno di tekratne? dugwa. Yegl dugo, Jisas di ikne ede, yegl dugwa, Yoba kane suo mere yegl meglkwa. Ta dem muduo narabuka i, na ka diga i, ama duglo borabuka. Yegl eran, na Nina yoba i dem muduo tenan, na Nina bogl akie yoba i moglmara udre, ye moglmara suna mogl tenabuglka. Yoba ta dem muduo narekrukwa i, na ka diga i, duglo boglkrabuka. Prio. Na ka diga prikwa i, i na kana manugwa ba na Nina na dedugwa i, ye kamo pamiwe di, Jisas yegl dugwa.
Ana erme na ene lo kor ta duglo boraiglmedi teiga. Lo kor i, yegl paugwa, Ene deno muduno ikne ikne teo. Na dena muduna ene teimere kuno yegl mere, ene deno muduno ikne ikne teo. Ene yegl eribi, yoba mudu ene kandre, ene na duglo beglkwa yoba meglmedi kanaiglmiwe di, Jisas yegl dugwa.
O maior mandamento
Amarás ao Senhor de todo o coração e ao próximo como a ti mesmo. Estes são os maiores mandamentos — neles se resume toda a lei.
Yegl dugo, Jisas ye yegl di togwa, Lo ta podo pai, lo tau egre atne edugwa i, yegl paugwa, Ene den mudun bogl mudu Yaglnen Kade God tedre, ene nomanen ya ene mudu motnere God to dugwa. Lo i podo pai, lo tau egre togwa. Te, lo ta namba 2 paugwa i, yegl dugwa, Ene enene wakai kanere mere yegl, yoba ta magigl akie kipanaiglkwa i, ama yegl mere wakai kano dugwa.
Yegl dugo, Jisas ye yegl di togwa, Lo ta podo pai, lo tau egre atne edugwa i, yegl paugwa, Ene den mudun bogl mudu Yaglnen Kade God tedre, ene nomanen ya ene mudu motnere God to dugwa. Lo i podo pai, lo tau egre togwa. Te, lo ta namba 2 paugwa i, yegl dugwa, Ene enene wakai kanere mere yegl, yoba ta magigl akie kipanaiglkwa i, ama yegl mere wakai kano dugwa. Lo suo i, God lomo mudu ya God kamo kep yoba beglkwa paugwa i, egre atne edidre, mudu bi dibriwe di, Jisas yegl dugwa.
Yegl dibi, na king moraglka i, yegl dinaglka, Na ene kaima di teiga, na agrama meglmara suna i, ene yoba swara ta, yoba kade mo yoba yoko kaima ta moglkwa i pra, ake ple di teigwa igne, ene na ake ple di narimiwe di, yegl dinaglka.
Yegl pre yoba ene mabuno siragl mere ta ere naraiglmedi pratnere i, ene mabuno mudu i, yoba ta ere to. I siragl pre God lomo ya ka kep yoba ka beglkwa i, mudu mem swara i pre dumiwe dugwa.
Ka i digo, prikwa ba na ene di teiga i, ene kudano ikne ta moraiglkwa i, deno muduno tedre, yoba ene ere kide ere tenaiglkwa i pre kamage ere teo.
Yegl pre ene den mudun bogl mudu Yaglnen Kade God tedre, ene nomanen, ya yobugln bogl mudu, te ene mudu motnere God to dugwa. Te, lo ta mokomugl paugwa i, yegl paugwa, Ene enene wakai kanere mere yegl, yoba ta magigl akie kipanaiglkwa i, ama yegl mere wakai kano dugwa. Lo suo i podo pai, lo tau mudu egre tebriwe di, yegl dugwa.
O amor que não falha
O amor é paciente, é benigno. Tudo sofre, tudo crê, tudo espera, tudo suporta. O amor jamais acaba.
Nono deno muduno ikne ikne tenamga pame diga i, ene prio! Nono yoba ta deno muduno tomun, nono tabre deno kubro tekre, ye ere wakai ere tenamga. Ama taragl wakai ta yoba i morabara plau dinan, nono ama kide pre tekre, wakai pramga. Te, nono yoba deno muduno tomun, no nono keme wakai muniwedi prikre, kagno ake mitna edekramga. Yegl ersre, te nono ama yoba i mabuno kide ere tekramga. Te, no nono keme wakai moramnedi prikre, yoba i ama wakai moraiglmedi pramga. Te, yoba deno muduno tomun, ye nono ere kide ere noraiglkwa ba nono deno kubro tekre, ere kide ere noraiglkwa i ta pre moglkramga.
Nono deno muduno ikne ikne tenamga pame diga i, ene prio! Nono yoba ta deno muduno tomun, nono tabre deno kubro tekre, ye ere wakai ere tenamga. Ama taragl wakai ta yoba i morabara plau dinan, nono ama kide pre tekre, wakai pramga. Te, nono yoba deno muduno tomun, no nono keme wakai muniwedi prikre, kagno ake mitna edekramga. Yegl ersre, te nono ama yoba i mabuno kide ere tekramga. Te, no nono keme wakai moramnedi prikre, yoba i ama wakai moraiglmedi pramga. Te, yoba deno muduno tomun, ye nono ere kide ere noraiglkwa ba nono deno kubro tekre, ere kide ere noraiglkwa i ta pre moglkramga. Te, nono yoba deno muduno tomun, ye mabuno kide eribi, nono gun yeikre, mabuno kaima pamere eraiglkwa i keme gun yenamga. Nono yoba deno muduno tomga yoba i ta yubun noribi, nono yage sikre, deno muduno te pai moramga. Yegl ersre, te, God ye nono agroma abaroma i nomano mina kogon erabedi pre pai moglsre, nomane wakai inaiglmedi sugl mogl, agroma abaroma i ta kide kodokramga.
Na ka tau diga i, nono okuo siragl mere moramga pre diga ba nono erme makandigle munga i, mabuno suota eramga podo paugwa. Nono God kamo pre medigl moglsre, okuo ye bogl akie wakai kaima moramga i ama pre gi di moglsre, te agroma abaroma deno muduno tenamga. Mabuno suota i mudu podo paugwa ba swara ta podo kaima paugwa i, agroma abaroma deno muduno tenamga paugwa.
Na ka tau diga i, nono okuo siragl mere moramga pre diga ba nono erme makandigle munga i, mabuno suota eramga podo paugwa. Nono God kamo pre medigl moglsre, okuo ye bogl akie wakai kaima moramga i ama pre gi di moglsre, te agroma abaroma deno muduno tenamga. Mabuno suota i mudu podo paugwa ba swara ta podo kaima paugwa i, agroma abaroma deno muduno tenamga paugwa.
Na ka tau diga i, nono okuo siragl mere moramga pre diga ba nono erme makandigle munga i, mabuno suota eramga podo paugwa. Nono God kamo pre medigl moglsre, okuo ye bogl akie wakai kaima moramga i ama pre gi di moglsre, te agroma abaroma deno muduno tenamga. Mabuno suota i mudu podo paugwa ba swara ta podo kaima paugwa i, agroma abaroma deno muduno tenamga paugwa.
Mo, Mudu Murubuglo yoba ta God kamo kep ere dinabedi tenan, ye nomane podo idre, mem tau atne kaima paigwa i pre pogl sidre, kuno ere di meda edenabuka ba ye yoba ta dem muduo tekran, ye u yoko pidre, yoba yoko kaima morabuka. Kuno yegl mere yoba ta God yobuglomo gigledi pre medigl, God ye muglo meglbi ta i pi bage ta edenabedi kamage eran, God ye dumere ere tenabuka ba ye yoba pere ta dem muduo tekran, ye ama u yoko pidre, yoba yoko kaima morabuka.
Ana yoba kade makandigle meglkwa i, ye God nomanemo siragl mere paugwa i ta pre pogl sikrikwa i pre God kamo mina okna ibo yegl beglkwa,
God yoba okuo siragl mere ere wakai ere norabuka i,
yoba yene nomano mina pre kan erekrikwa.
Nono yoba ta God deno muduno tomga i, God ere wakai kaima ere noragledi ka di paduglkwa
ba ye siragl mere erabuka i, yoba yene nomano mina ta pre pogl sikrimiwe
di, yegl beglkwa
Te, ene kogon siragl mere ta eraiglkwa mo mabuno siragl mere ta eraiglkwa i, ene ege ege agroma abaroma deno muduno te pai molo.
Te, ene kogon siragl mere ta eraiglkwa mo mabuno siragl mere ta eraiglkwa i, ene ege ege agroma abaroma deno muduno te pai molo.
Amor inseparável
Nada poderá nos separar do amor de Deus. Nem morte, nem vida, nem anjos — absolutamente nada.
Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Ene yoba gumuglno mina ye deno muduno teigwa dagl ere, ye mokono mina deno muduno ta tekribi, kuno erekrukwa. Ene yoba ka kaima deno muduno teo. Te, mabuno kide ta panabuka i, ene kide kan, erekre, mabuno wakai ta panabuka i ake gi di mogl, erio.
Ene yoba gumuglno mina ye deno muduno teigwa dagl ere, ye mokono mina deno muduno ta tekribi, kuno erekrukwa. Ene yoba ka kaima deno muduno teo. Te, mabuno kide ta panabuka i, ene kide kan, erekre, mabuno wakai ta panabuka i ake gi di mogl, erio.
Ene yoba gumuglno mina ye deno muduno teigwa dagl ere, ye mokono mina deno muduno ta tekribi, kuno erekrukwa. Ene yoba ka kaima deno muduno teo. Te, mabuno kide ta panabuka i, ene kide kan, erekre, mabuno wakai ta panabuka i ake gi di mogl, erio. Pre mediglkwa yoba ta moraiglkwa i, ye no agroma abaroma meglmedi kandre, deno muduno ikne ikne teo. Ene enene mogl atne edidre, agroma abaroma ta moraiglkwa i pre i mitna ede teo.
Pre mediglkwa yoba ta moraiglkwa i, ye no agroma abaroma meglmedi kandre, deno muduno ikne ikne teo. Ene enene mogl atne edidre, agroma abaroma ta moraiglkwa i pre i mitna ede teo.
Ene dina ta eribi, panabuka i, tabre te ikne edio. Mige moni ya ki ta dina erumun, panabuka i, te ikne edimun, dudunabuka. Yegl paugwa ba kogon swara ta ege ege eramga paugwa i, dina mere yegl ta paugwa. Kogon i, deno muduno yoba tenamga paugwa. Yegl eramga i, dina mere yegl aimadi aimadi pai morabuka. I ta dudumedi prikramga.Te, ene prio! Ene yoba pere deno muduno tebi, ene God lomo mudu pamere erikwa mere yegl panabuka.
Viver no amor
Revesti-vos de amor, que é vínculo da perfeição. O amor cobre multidão de pecados e edifica a comunidade.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Agroma abaroma ta eribi, kide praiglkwa i, ene kanige ersre, tadaglmeno ama kide kodo teo. Yaglno Kade Krais ene tadaglmeno gugl ede tomere kuno yegl mere, ene ye tadaglmeno kide kodo tenaiglkwa pre diga. Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Ana na ene pre ye kamage yegl ere teiga, God ye yagl podo kaima moglko, ye nomanemo ya yobuglomo pai kawa tomere kuno yegl mere ye Murubuglomo ene deno muduno mina yobuglo podo kaima tenabedi kamage erika. Na yegl kamage ersre, ama ene Jisas pre mediglkwa pre Jisas ene deno muduno mina ya nomano mina sugl wakai moran, ene deno muduno wida di idre, ye moglmara mogl atne edinaiglmedi kamage erika. Te, Jisas nono dem muduo podo kide norukwa i, ene ege ege nomano mina poglo di pribi, Jisas dem muduo podo norukwa i, ene deno muduno wagle ede mere duglane idre, si kau si tenabedi kamage erika.
Ene enene mogl atne ede, deno muduno wida di idre, deno tabre kubrokraiglmedi prika. Te, ene enene deno muduno ikne ikne tenaiglkwa paugwa. Yegl pre, pre mediglkwa yoba ta ene aglau ere tebi, ene ye aglau erikwa i pre moglkrio.
Te, ene yagl meglkwa i, ene ebinoma deno muduno teo. God Kere Yugwa Yagl yugobunomo mina nono suna munga i, ye okna dem muduo norsre, nono ere inagledi goglmere yegl, ene ebinoma deno muduno yegl tenaiglkwa pre diga. Jisas goglkwa i, ye yugobunomo tadaglmeno koko edidre, yene yobama moraiglmedi ye kamo mina nono nigl pai norukwa.
Ana na ene pre siragl mere kamage erika i, di tebo, praiglmedi prika. Na ene pre kamage ere moglka i, ene deno muduno te ikne ikne edenaiglkwa mabuno i, ene meglmara yake ede u podo enabedi kamage ersre, te, ene God mabunomo pre kan ersre, nomane wakai wakai inaiglmedi kamage erika. Na ene pre kamage yegl mere ersre, ama ene mabuno kane kane kan yubu sidre, mabuno siragl mere wakai kaima panabuka i, ene kan pogl sinaiglmedi kamage erika. Ene mabuno tau wakai kaima pamedi kan pogl sibi, ene aglau ta erekre, mabuno du keme duglo bogl meglbi, Krais ede ikne unabedi prika. Te, na ama kamage erika i, Jisas Krais ene deno muduno mina kogon eran, ene mabuno du keme boglsre, mogo wakai koraiglkwa pre kamage erika. Ene yegl eribi, yoba kandre, God debie sidre, kagie kade tenaiglkwa. Yegl pre na ene pre kamage yegl ere moglka.
I siragl pre God lomo paimara i, lo swara ta God lomo mudu bi dugwa. Lo i yegl paugwa,
Ene enene wakai kanimere yegl, yoba ta magigl akie kipanaiglkwa i, ama yegl mere wakai kanio!
dugwa.
Te, no erme ene pre kamage erumga i, nono Yaglno Kade Krais ene deno muduno mina kogon eran, God ene siragl mere dem muduo togwa i, ene pre pogl sidre, adigl gigledi moraiglmedi kamage erumga.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.
Expressões de amor
O amor há de ser eterno como o grande Rei. Como a esmeralda reluz, assim brilha o amor que vem de Deus.
Ba ene kudano ikne deno muduno tedre, ere wakai ere teo! dugwa. Te, ye dina ere tedre, noro ikne edinaiglmedi prikrio! Ene yegl eribi, okuo ene topo podo ta idre, ama Neno heven ibo moglmere mere yegl gak wakai moraiglmiwa. I siragl pre God mabunomo ama yegl paugo, tadaglme yoba moglsre, tenk yu di kankrikwa i, ye ere wakai ere te pai moglmiwa.