Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Neeni ta giddo asatethaa medhadasa;
ta aaye ulon tana neeni tiladasa.
Neeni tana malaalsiyabanne
yegelsi oothada medhida gisho,
taani nena galatayis.
Ne oosoti malaalsees!
taani hessa loythada erayis.
Taani geema bessan medhetiya wode,
ta meqethay neepe geemmibeenna.
Ta asatethay ta aaye ulon ciimmo giddon
hiillan alleeqetidi oosetiya wode,
ne ayfeti giigonna ta asatethaa be7idosona.
Buroo issoyka doometonna de7ishin,
ne taw buzoyida gallasa ubbay
ne mazgaben xaafetidosona.
Xoossaw, ne taw qopiya qofay
waanida boncho!
Enta tayboy waanidi daride!
Haysi gallasay Goday oothida gallas;
ane nuuni iyan ufaytoosinne ililoos.
Nu laytha maara ogen nu go7etana mela,
nuna cincatethi tamaarsa.
Ta yeletida wodepe doomada nenan zempas;
ta aaye ulope tana kessiday nena;
taani ubba wode nena galatana.
Ta Godaa issiba oychas;
hessika, ta de7o laytha ubban
Godaa keethan de7anaasa;
Godaa lo77otetha be7anaasanne
iya keethan iya koyanaasa.
Gidoshin taani ta aaye ulope
suure yeletanaada oothiday nena.
Ta aaye dhantha dhammiya wodeka
tana naagiday nena.
Ta yeletoosope doomada nenan diccas;
ta aaye ulope doomin ne ta Xoossaa.
Ha na7aa immana mela woossin, Goday ta woossidaba immis.
Taka ta aawas na7a;
ta aayes iya dosiya issi na7a.
Ta aaway tana haysada yaagidi tamaarsis;
"Ta oday new gelo; ta kiita naaga;
neeni hessa oothiko de7on daana.
Godaara hinte de7iya de7uwan ubba wode ufaytite. Taani hessa gujadaka odayis; ufaytite.
Na7ay diccishenne minnishe bis. Cincatethan kumis; Xoossaa aadho keehatethay iya bolla de7ees.