Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Neni ta asateththa
ubbaa medhdhadasa;
ta aayey ulonkka
tana tila medhdhadasa.
Neni tana keehi yegalththinne
malalisizaaz histta
medhdhida gishshas
ta nena galatays;
ne oosoti malalisizayta!
Ta shemppoya
hessa ubbaa erawus.
Tani geemason medhettida wode
ta meqeththati
neeppe geemmibeettenna;
tani ta aayey ulon ciimma giddon
hiillan oosettiza wode,
ta aayi ulon buro suuth gida
ta dishin ne ayfeti be7ida;
ta layththatappe issoynne
doomettontta dishin
taas neni barida gallassati ubbay
ne mazgaban xaafettida.
Abeet Xoossawu!
Ne taas qoppiza qofay
ay mala lo7oo!
Izikka ay keena coraa!
Hayssi gallassay
GODAY ooththida gallassa;
ane nuni izan
ufayettoossinne ililoos.
Nu layththa maarara
nu go7ettana mala
nuna aadho erateth tamaarsa.
Tani yelettoosofe doommada
ta nenan zemppadis;
ta aayey uloppe ta yelettana mala
ooththiday nena;
ubba wode ta nena galatays.
Tani GODAA issi miish oychchays;
hessika tani
ta de7o layth ubbaan
GODAA keeththan de7anaassa;
tani GODAA bonchcho
lo7oteththa be7anaassa;
iza Keeththankka
iza koyashe de7anaassa.
Gido attiin ta wogara
yelettana mala maaddiday nena;
tani ta aayi dhanth
dhammishinkka
ne taas ammanettaasa.
Tani yelettoosofe doommada
nenan diccadis;
ta aayey uloppe doommadakka
neni ta Xoossa.
He wode hayssa ha naaza immana mala woossadis; GODAYKKA ta woossidayssa taas immides.
Tani ta hu7enkka
ta aawaas yelaga naa;
ta aayeyska mexi issi naa.
Ta aaway tana tamaarsishe,
«Ta qaala kumeththa
wozinan oykka;
ta azazotakka naaga;
ne histtiko paxa de7ana.
Ay wodekka Godaan ufayettite; qasseka ta inttena ufayettite gays.
Guuththa naazikka diccidi minni minni bides; aadho erateththan kumides; Xoossa aadho kiyateththika iza bolla dees.