Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Roonamo Ingkoo mopadhaangiana bhari-bharia parewana badaku;
Ingkoo mopebhanguiaku i nuncana kadhumana inaku.
Iaku kusukuru i Ingkoo roonamo upadhaangiaaku tee cara inda momentela.
Bhari-bharia ipewaumu inda amentela,
tee atotuu-totuu kumataua o giu incia sumai.
Manga bukuku ukamatea,
wakutuuna upadhaangiaaku i tampa rahasia,
tee upebhanguiaku i wetana alamu moporitambena mpuu.
Ingkoo ukamataaku wakutuu dhaangiapo kumembali satongka raa,
tee i nuncana kitabimu bhari-bharia giu incia sumai padhamo atoburi
to eo-eona mopadhana ipatantuakamu to iaku
wakutuuna indapo aumba saangu eo minaaka i manga incia.
Amarasai mpuu o fikirimu, e Aulataʼala, soo mpuu amarasai kumaʼanaia!
Abhari mpuu o fikirimu!
Siimo o eo ipadhaangiana KAWASANA OPU,
maimo tasambo-sambo tee takaunde-unde rampaakanamo Incia.
Manga adharimo to tagagari eo-eomami momampodhona sii
mamudhaakana ingkami tapotibhaaka o ngangaranda moʼaarifu.
Ingkoomo o tampana kupasande minaaka i nuncana kadhuma;
Ingkoomo mopalimbaaku minaaka i kompona inaku,
sumaimo iaku sadia kupujiko.
Tangkanamo saangu iemaniku i KAWASANA OPU,
siitumo ipeeluku,
mamudhaakana kumboore i nuncana Bhanuana KAWASANA OPU
saʼumurua dhadhiku,
to kukamataaka kalapena KAWASANA OPU
tee kupengkaabha-abha i nuncana Bhanuana Momangkilo.
"Incia atangkaaka KAWASANA OPU
sumaimo taroakamo Incia mopabebasia!
Taroakamo KAWASANA OPU mopasalaamatia
roonamo KAWASANA OPU amaasiakea."
Maka Ingkoomo mopalimbaaku minaaka i nuncana kadhuma,
tee ujaganiaku i sangoana inaku.
Toomo anaana incia sii iaku kupalimba tolauna oniku, tee o KAWASANA OPU padhamo adhawuakaaku opea iemaniku tee Incia.
Maasangia ingkomiu sadia ukaunde-unde i nuncana sarona Kawasana Opu! Sampearopo uka iaku bhekupogau, kaunde-undemo!
Anaana sumai ajulumo amaoge tee amakaa. Incia abukeaka hikimati tee rahumatina Aulataʼala dhaangia i karona.