Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Kom lumahla ip nukewa ke monuk;
Kom oakiyuwi insien nina kiuk.
Nga kaksakin kom mweyen fal mwet uh in sangeng sum.
Ma nukewa kom oru, usrnguk ac wolana,
Nga etu ouinge ke insiuk nufon.
Ke mutawauk in lumweyuk sri keik uh,
Ac oakiyuki wo insien nina kiuk,
Ke nga kapkapak ingo in lukma,
Kom nuna etu lah nga oasr we.
Kom tuh liyeyu meet liki nga isusla.
Pisen len ma oakiyuki nu sik tuh nga in moul
Simla tari in book nutum
Meet liki na kais sie ma inge mutawauk.
O God, arulana pus nunak lom,
Ac arulana upa nu sik in kalem kac.
Pa inge len se su LEUM GOD El orala;
Lela kut in engan ac akfulatye!
Luti nu sesr in etu fototoiyen moul lasr
Tu kut fah ku in lalmwetmet.
Nga nuna lulalfongi kom in moul luk nufon.
Kom karinginyu na oe ke nga isusla ah me.
Nga ac fah kaksakin kom pacl e nukewa.
Nga siyuk sin LEUM GOD ke ma se,
Ac ma sefanna nga lungsik:
Tuh nga in muta in lohm sin LEUM GOD in moul luk nufon,
In liye kasrpen wolana lal,
Ac in siyuk ke koko lal.
Kom pa akisusyeyula liki insien nina kiuk,
Ac karinginyu ke nga katitiiyuk.
Nga nuna lulalfongi kom e ke len se nga isusla ah me,
Ac kom nuna God luk.
Nga tuh siyuk sel ke tulik se inge, na pa El ase ma nga siyuk sel.
Ke nga srakna tulik srisrik, wen sefanna nutin papa ac nina, papa el ac fahk, "Esamya ma nga fahk inge, ac nimet mulkunla. Oru in oana ke nga fahk uh, na kom fah moul.
Kowos in engan pacl nukewa ke kowos ma sefanna yurin Leum. Nga sifilpa fahk, enganak!
Tulik sac kapak ac kui ac el sesseslana ke lalmwetmet, ac lungkulang lun God oan facl.