Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Goe ne hai nia mee huogodoo o dogu huaidina,
gei Goe ne haga noho au i lodo tinae o dogu dinana.
Au e hagaamu Goe i doo hai au hagahumalia ge haga goboina,
au mee huogodoo ala e hai le e haga goboina gei e humalia huoloo.
Au gu iloo eau di mee deenei mai i lodo dogu manawa hagatau.
Di madagoaa hua ogu iwi ne haga noho
hagahumalia gii donu i lodo tinae o dogu dinana,
ga tomo aga i di gowaa ngala, gei Goe gu iloo bolo au gu i golo.
I mua dogu haanau, gei Goe gu gidee au.
Nia laangi ala e mouli iei au la gu hagailongo huogodoo gi lodo dau beebaa,
mo i mua di daamada di laangi matagidagi o dogu mouli.
Meenei God, do manawa le e modongoohia ngadaa mai gi di au!
E logowaahee go au haga mamaanadu!
Dangi nei la go di laangi o Dimaadua ne aali ai.
Gidaadou la gi tenetene mo di budu momoogo tenetene!
Aago ina mai gi gimaadou be dehee di bodobodo o madau mouli,
gei gimaadou ga kabemee.
Au nogo kana adu hua gi di Goe mai i lodo dogu mouli hagatau.
Goe nogo abaaba au mai loo dogu laangi ne haanau ai.
Au ga hagaamu Goe i nia madagoaa huogodoo!
Di mee hua e dahi dela e dangi iei au gi Dimaadua,
di mee hua e dahi dela e hiihai ginai au:
bolo au gii noho i lodo di hale o Dimaadua i di waalooloo o dogu mouli,
gii mmada au gi nia madamada o Maa,
ge e dangi gi Mee gi aago ina mai au dagu hai dela belee hai.
Ma Kooe hua dela nogo benebene au i dogu madagoaa ne haanau ai,
gei di maa Kooe labelaa dela nogo hagaloohi au i dogu madagoaa nogo ligiana.
Au nogo hagadagadagagee adu gi di Goe mai i dogu madagoaa ne haanau ai,
gei di maa Kooe hua dela nogo hai di God ni oogu i nia madagoaa huogodoo.
Au nogo dalodalo ang gi Dimaadua i di tama deenei, gei Dimaadua gu hila mai gi dagu dangidangi.
Dogu madagoaa nogo hai tama daane dulii, ko au hua dela di tama daane ni ogu maadua, dogu damana e aago mai boloo, "Langahia agu helekai, hudee diagia. Hai hegau gii hai be agu helekai, gei goe ga mouli.
Goodou gi tenetene i nia madagoaa huogodoo i lodo di godou hagadaubuni ang gi Tagi. Au e helekai labelaa: goodou gi tenetene!
Di tama ne madua aga gu maaloo, guu honu i di kabemee, gei tumaalia dehuia a God gu madalia a Mee.