Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Kwavija gweye iyo ulumbile mgati yangu,
kunilumba mwiinda ya mamangu.
Nokushukulu kwavija kunilumba kwa unzonza mkulu na kudumbiza.
Sang’hano zako za unzonza,
mbuli ayo noijuwa goya.
Lukuli lwangu lwabule kifiso kumwako,
nilumbigwa hanhu hakifiso,
nilumbigwa kwa ufundi mwiinda ya mamangu.
Meso gako gawona lukuli lwangu lung’hali halunakwisha,
na kwandika kila kinhu mkitabu chako,
siku zangu zose kuzipanga,
hata siku ya ichanduso hainakuwa.
Go Imulungu, magesa gako ganoga ng’hani kumwangu,
na magesa gako hagadahika kupetigwa!
Ino ayo siku yaitendile Mndewa Imulungu,
tudeng’helele na kusekelela.
Tufunze kuzipeta siku zetu vinogile,
ili tupate ubala.
Ning’hali sinavumbuka nikutamanila gweye,
mmunda wa mamangu gweye ayo nikutamanile.
Nokwimbila nyila za kukutogola siku zose.
Mbuli imoja nimpula Mndewa Imulungu,
na mbuli ayo noilonda ng’hani,
nikale mng’anda ya Mndewa Imulungu,
siku zose za ugima wangu,
nilole ukunoga kwa Mndewa Imulungu,
na nizahile ulongozi wake mng’anda yake.
Lakini gweye ayo unilavile mmunda wa mamangu,
kunitenda nikutamanile gweye mmatombo ga mamangu.
Nikutamanila gweye tangu nileleke.
Tangu nileligwe gweye ayo Imulungu wangu.
Nimpula yangwelele mwana ino, na heyo kangwaa kija kinimpulile.
Niye vivija ng’hala mwana kwa tatangu,
ng’hala muhole, na mnogelwa wa mamangu.
Tatangu kanifunza kino,
"Zigoge mbuli zangu kwa moyo wako wose,
goga malagizo gangu na gweye kokuwa mgima.
Avo, siku zose deng’heleleni kwa kuilumba kwenu na Mndewa. Nobwelela kulonga, deng’heleleni!
Imwana kakula na kawa mbala goya, kakala yamemile nzewele, na ng’hekewa ya Imulungu ikala kumwake.