Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
We waburungusagya ensiko zâni,
We wambumbaga omu nda ya nyâmà.
Ncîkwitakîre bulya oku wanjirîre kusômerîne,
bulyâla emikolo yâwe eri ya kurhangâza.
Omurhima gwâni ogumanyire bwinjà,
na ntà kavuha kandimwo ohabire.
Nabîre ndwîrhe nabumbwa bushâla-shâla,
nabîre ncidwîrhe nashwinjirwa omu kuzimu,
erhi n’amasù gâwe mîra gabonaga ebijiro byâni,
erhi byoshi binakola biri biyandike omu citabu câwe;
ensiku zâni zayôrhaga ziri nganje,
erhi n’olurhanzi-rhanzi muli zo lurhacija oku nkuba.
Enkengêro zâwe Nnâmahanga,
mbwîne ziri ndârhi; gunali mwandu, zirhankaganjwa!
Lulya lusiku Nyakasane àjirag’olu, rhucîshinge rhunasîme muli lwo.
Orhuyigîrize rhukaziyôrha rhuganjire ensiku zîrhu, lyo rhukazirhimanya.
We nyegemera kurhenga okuburhwa kwâni, we mufungizi wâni kurhenga omu nda ya nyâmà, we nancîkubagira ensiku zoshi.
Kantu kaguma konene nsengîre Nnawîrhu, kanali k’aka: nti mbêre nâni omu bwâmi bwa Nyakasane ensiku zoshi z’obuzîne bwâni, lyo ncîshingira oburhonyi bwa Nyakasane, ndole n’oku ndâro yâge.
Mpu: Nyakasane amucizagye, obwo ye akacîkubagira; amulwîrage, bulya kuzigira amuzigira.
Arhali wundi wankûlaga omu nda ya nyâmà, ci wêne, wandera n’omurhûla erhi ndi oku ibêre
Ye mwâna nakagishenga okushobôla emwa Nyamubâho oyu ananshobôza omusengero gwâni.
Nali muburhe: mugala wa lârhâ! nali mwinjà na murhonyi omu masù ga nyâmâ.
Nabwîne Lârha akazimbwîra, erhi: Omurhima gwâwe gusêze ebinwa byâni, osêze amarhegeko gâni wâlama.
Mucîshinge muli Nyakasane ngasi mango. Nshubir’immubwîrakwo: mucîshinge.
Omwâna akula, ayûshûka, anayunjula bumanye, n’inêma lya Nyamuzinda lyabà muli ye.