Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Ni nge yidikaka munu,
ni nge bumbaka munu na kivumu ya mama ya munu.
Mu ke na kukembila nge na yina nge me tula munu na lweka na mutindu mosi ya ngitukulu.
Mambu nge ke salaka kele ya ngitukulu,
mu zaba yawu mpe mu zaba yawu mbote.
Nzutu ya munu vwandaka ve ya kubumbama,
ntangu yina nge vwandaka yidika munu na mansweki,
nge syetaka munu na kati-kati ya yisi ya ntoto.
Ntangu mu vwandaka ntete ve ya kuyilama mbote-mbote, meso ya nge vwandaka tala munu.
Bilumbu nyonso ya luzingu ya munu
vwandaka ya kusonama yimeni na dibuku ya nge,
tekila ti bilumbu yango kusalama.
Oo, Nzambi, ya kele mpasi na kuzaba mabanza ya nge,
lutangu ya yawu kele mingi ya kulutila!
Yayi ni kilumbu yina Yave me sala:
Bika ti yawu kuvwanda kilumbu ya beto ya kyese mpe nsayi.
Longa beto mutindu ya kutanga bilumbu ya luzingu ya beto,
samu ti beto kutwadisa bantima ya beto na ndwenga.
Kubanda na kivumu ya mama ya munu,
mu ke yekamaka na nge.
Ni nge basisaka munu na kivumu ya mama ya munu.
Mu ke yimbila nge mikunga ya nzitusu konso ntangu.
Mu ke lomba na Yave kima mosi,
yina mu ke na yawu nsatu mingi.
Mu zola kuzinga na Yinzo ya Yave bilumbu nyonso ya luzingu ya munu,
samu na kutalaka kitoko ya Yave,
mpe samu na kusikikaka meso ya munu na Yinzo ya yandi.
Yekula dyambu ya nge na Yave!
Yandi ke vuukisa yandi, yandi ke kuula yandi,
samu ti Yave me yangalala na yandi.
Nge basisaka munu na kivumu ya mama ya munu,
nge me tula munu na lukengolo na ntulu ya mama ya munu.
Ni samu na mwana yayi mu vwandaka sambila. Mpe Yave me pesa munu yina mu vwandaka lomba na yandi.
Munu mpe, mu vwandaka mwana ya mbote samu na tata ya munu, mama ya munu vwandaka zola munu mutindu ba ke zolaka mwana kaka mosi. Tata ya munu pesaka munu ndongosolo yayi: «Bika ti ntima ya nge kukeba mbote mambu ya munu! Bumba bantumunu ya munu mpe nge ke zinga.
Ntangu nyonso, beno vwanda na kilengi samu ti beno kele ya kukangama na Mfumu. Mu ke na kutuba dyaka, beno vwanda na kilengi.
Mwana vwandaka kula mpe vwandaka kuma ngolo. Yandi vwandaka ya kufuluka na ndwenga, mpe lusakumunu ya Nzambi vwandaka na yandi.