Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Nawolo nyi nyaŋ yɛɛna ma wose man abɔɔ pou,
nyaŋ maana maŋ me naa tɔɔman.
Mɛɛ lese n yele nawolo nyi n yɛɛ maŋ bo keyee na gyakoloŋ gbɛɛ man.
N tomse dana gyakoloŋ,
te ma gyeŋ ke nideli.
Debaŋ keŋ bɔɔ yɛɛ maŋ daweesee man,
te bɔɔ yilaa maŋ me naa tɔɔman nɛ,
na me ŋɔɔ ba weesɛɛ neŋ ya.
N sia naa maŋ pɛte ma bese walaŋ,
ba te ŋmarase ma weeya ŋan maa di pou do n tɔne man,
pɛte ŋe man dokoloŋ gba kɔŋawɔ.
Wurubuarɛ, n nyeempɔ na lee koya fa maŋ nideli,
ŋolo na ŋolo be tale kala ŋa ya.
Gyɛŋ wee kei te Degbeŋgyoo yɛɛ ke,
ɛ yela dɛɛ nyaŋee gyɛŋ na ke yɛɛ daa gyoŋ.
Wola daa na dɛɛ gyeŋ da weeya yaanɔɔle,
na dee nyiŋ nyansa.
Leenaŋ be kalola maŋ te ma moo ma wose lɔ n dɔɔ,
nyaŋ lesena maŋ lee me naa tɔɔman.
Maa lese n yele debaŋ kamasɛ.
Kolo dokoloŋ te mɛɛ sola Degbeŋgyoo,
keŋ kaageŋ gbɛɛ te me silana,
nyi maa som Degbeŋgyoo dɛɛ,
ma kekyaa man pou,
na maa kɛɛ Gbeŋgyoo gyakoloŋ nombia,
na maa kɛo e wɔ ɔsom deni dinaa keŋ man.
Mɔna nyaŋ lesena maŋ lee me naa tɔɔman,
debaŋ keŋ me nɔɔ tosɛɛ me naa dide nɔɔman nɛ, n yelaa ma moo me loo gyakaa n dɔɔ.
Be kɛɛ ŋmase koraŋ nɛ n yelaa ma moo me loo gyakaa n dɔɔ,
nyaŋ yɛna me Wurubuarɛ lee me naa tɔɔman.
Nawolo nyi na maŋ mɔ yɛɛ bu e fa me kya,
me yɛɛ biikyaabii e te me naa ne gyae me nombia.
Keŋte ɔ wola maŋ te ɔ yako maŋ nyiaa,
<<Mo n konɔɔ pou kyaŋ me nɔɔwoya,
di ma mmaraase dɔɔ na n ke kyaa kyare.