Aniversário de criança

13 Taem mi stap yet long bel blong mama blong mi,

yu yu mekem evri haf blong bodi blong mi,

mo yu mekem olgeta oli joen gud.

14 Yu yu mekem mi

long fasin we i narafala,

mo i nambawan olgeta.

Mi mi ona long yu,

mo mi presem nem blong yu from.

Olgeta samting we yu yu mekem

oli gud we i gud tumas.

Samting ya,

mi mi save we mi savegud.*

15 Taem mi mi stap long bel blong mama blong mi,

long ples ya we i haed we i haed,

nao ol bun blong mi oli stap joen gud,

mi stap gru,

be yu yu luk mi we mi stap long ples ya.

16 Taem mi mi no bon yet,

be yu yu luk mi finis,

mo olgeta dei we yu yu makemaot

se oli blong mi,

nating we oli no kamtru yet,

be yu yu raetemdaon olgeta finis

long buk blong yu.

17 God,

i strong tumas

blong mi kasem ol tingting blong yu.* ol tingting blong yu oli gud we i gud tumas.

Olgeta oli plante we plante.

24 Dei ya,

hem i dei we hem i win long hem,

i gud yumi glad,

yumi mekem lafet.

(Tok i go long Hae God.)

12 Plis yu mekem mifala i save

we laef blong mifala i sotfala nomo,

blong mifala i save kam waes.

6 Mi mi stap trastem yu oltaem long laef blong mi.

Yu yu stap lukaot gud long mi oltaem,

i stat long taem ya we mi mi bon,

i kam kasem tede,

mo oltaem bambae mi mi presem yu.

4 Mi mi askem wan samting long Hae God,

wan samting nomo we mi mi wantem.

Mi wantem tumas blong mi save stap

long haos* blong hem

oltaem long laef blong mi,

blong mi stap lukluk ol gudgudfala fasin blong hem,

mi stap tingting gud long olgeta,

mo blong mi save askem long hem

blong i lidim mi oltaem.

9,10 Be i stat long dei ya we mi mi bon,

mi mi trastem yu,

mo i kam kasem tede,

oltaem yu yu God blong mi.

Long taem we mama blong mi

i bonem mi,

yu yu lukaot gud long mi, mi sef,

mo long taem we mi mi smol pikinini nomo,

yu yu holem mi mi stap laef

long titi blong mama blong mi.

27 Mi mi askem wan pikinini long hem, mo hem i ansa long prea blong mi.

3 Mi mi wan pikinini nomo we papa mo mama blong mi, tufala i bonem, mo taem mi mi smol, 4 papa blong mi i stap tijim mi. Hem i talem long mi se, "Pikinini blong mi, ol samting ya we mi stap talem long yu, bambae yu no mas fogetem olgeta samtaem, oltaem yu mas tingbaot olgeta. Sipos yu stap mekem ol samting ya oltaem, bambae yu gat laef.

4 Yufala we i joen long Masta blong yumi, oltaem yufala i mas glad. Mi mi talem bakegen, se yufala i mas glad.

40 Nao pikinini ya i gruap, i kam bigwan, mo hem i kam waes we i waes. Mo oltaem God i stap mekem i gud tumas long hem.