Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
माझ्या शरीरातील अंतरंगाची घडण तुम्हीच केली आहे;
माझ्या मातेच्या उदरात माझी देहरचना केली.
मी तुमची स्तुती करतो,
कारण तुम्ही मला भयपूर्ण व अद्भुत रीतीने निर्माण केले आहे;
तुमचे हे कार्य किती अद्भुत आहे,
हे मी पूर्णपणे जाणतो.
गुप्तस्थानी माझी निर्मिती होत असताना,
जेव्हा माझा सांगाडा तुमच्यापासून लपलेला नव्हता,
जेव्हा पृथ्वीच्या गर्भामध्ये माझी घडण होत होती.
तुमच्या नेत्रांनी मला पिंडरूपात पाहिले;
माझा एकही दिवस उगविण्यापूर्वी माझ्या
आयुष्याच्या प्रत्येक दिवसाची तुम्ही लेखी नोंद केली.
हे परमेश्वरा, माझ्याबद्दलचे तुमचे विचार किती मौल्यवान आहेत!
अबब, किती अगणित आहेत ते!
याहवेहने आज हे केले आहे;
आजच आपण आनंद व उल्लास करू.
आमच्या जीवनाचे दिवस मोजणे आम्हाला शिकवा,
जेणेकरून आमचे अंतःकरण सुज्ञ होईल.
जन्मापासूनच मी तुमच्यावर अवलंबून आहे;
तुम्ही मला माझ्या आईच्या गर्भातून बाहेर आणले.
मी सर्वकाळ तुमची स्तुती करेन.
मी याहवेहला एक याचना केली,
हीच माझी आकांक्षा आहे:
मी आयुष्यभर याहवेहच्या
भवनात वस्ती करावी जेणेकरून
मी याहवेहचे सौंदर्य बघून त्यांच्या
मंदिरात ध्यान करावे.
तुम्हीच मला माझ्या आईच्या उदरातून सुखरुप बाहेर काढले;
मी माझ्या आईच्या कुशीत होतो, तेव्हापासून मी तुमच्यावर भरवसा ठेवला आहे;
मी जन्मापासून तुमच्या संरक्षणाखाली आहे.
मी आईच्या उदरात असल्यापासून तुम्ही माझे परमेश्वर आहात.
या बाळासाठी मी प्रार्थना केली, आणि याहवेहकडे मी जे मागितले त्यांनी ते मला दिले आहे.
कारण मी सुद्धा माझ्या वडिलांचा पुत्र होतो,
अजूनही सुकुमार आणि आईच्या प्रेमात वाढलेला.
तेव्हा त्यांनी मला शिकविले आणि ते मला म्हणाले,
"तुझ्या संपूर्ण अंतःकरणापासून माझ्या वचनांकडे लक्ष लाव;
माझ्या आज्ञांचे पालन कर आणि तुला आयुष्य लाभेल.
शेवटचा बोध
प्रभूमध्ये सर्वदा आनंद करा. मी पुन्हा सांगतो आनंद करा.
तो बालक वाढत गेला आणि बलवान झाला; तो शहाणपणाने भरलेला होता आणि त्याच्यावर परमेश्वराची कृपा होती.